Read ewe Mose IV 7 Bible Online

Mose IV 7 - ewe bible

Mose IV 7

¹Esi Mose wu nɔƒe la tutu nu vɔ, eye wòsi ami ne kple eŋu nuawo katã hekɔ wo ŋu la, esi wòsi ami na vɔsamlekpui la kple eŋu nuawo katã, eye wòkɔ wo ŋu la,

²Israel-amegã, siwo nye tatɔwo le wo fofowo ƒe aƒewo nu, amesiwo nye toawo ƒe amegãwo kple amesiwo wotia xlẽ la dzikpɔlawo la, dzɔ nu.

³Woƒe nunana, siwo wotsɔ va Yehowa ŋku me la, woawo nye: tasiaɖam ade, siwo dzi wogba, kpakple nyi wuieve: amegã eve na tasiaɖam ɖeka, eye wo dome ɖesiaɖe na nyi ɖekaɖeka, eye wotsɔ wo va nɔƒe la ŋgɔ.

⁴Eye Yehowa gblɔ na Mose bena:

⁵Xɔ wo le wo si hena Mawu ƒe agbadɔ la ŋu dɔwo wowɔ, eye namã wo na Lewitɔwo, ɖe alesi woƒe dɔwo le la nu.

⁶Tete Mose xɔ tasiaɖamawo kple nyiawo, eye wotsɔ wo na Lewitɔwo.

⁷Etsɔ tasiaɖam eve kple nyi ene na Gerson viwo, le alesi woƒe dɔ le la nu.

⁸Eye wotsɔ tasiaɖam ene kple nyi enyi na Merari viwo, le alesi woƒe dɔ le la nu, wo dzikpɔla nye Itamar, nunɔla Aron viŋutsu.

⁹Ke metsɔ ɖeke na Kehai viwo o, elabena woƒe dɔe nye be, woatsɔ nu kɔkɔeawo ɖe abɔta.

¹⁰Esime wole ami sim na vɔsamlekpuia la, amegãwo dzɔ nu, bena woatsɔ akɔ eŋui, eye wotsɔ nunanawo va vɔsamlekpui la ŋgɔ.

¹¹Eye Yehowa gblɔ na Mose bena: Woatsɔ woƒe nunanawo vɛ ɖekaɖeka, be woatsɔ akɔ vɔsamlekpui la ŋui, ŋkeke ɖeka amegã ɖeka.

¹²Amesi na nu le ŋkeke gbãtɔ dzi, enye Naheson, Aminadab vi, tso Yuda-to la me.

¹³Nusiwo wòna, wonye, klosalogba ɖeka, si da sekel alafa ɖeka blaetɔ̃, kple klosaloze ɖeka, si da sekel kɔkɔe blaadre, woa kple eve la yɔ ʋanaa kple wɔ memee, si wodzaba kple ami, ne woawɔ nuɖuvɔsae;

¹⁴sikanutɔgba ɖeka, si da sekel ewo, eye dzudzɔdonu yɔe banaa;

¹⁵nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ, numevɔsae;

¹⁶gbɔ̃tsu ɖeka woawɔ nuvɔ̃vɔsae,

¹⁷nyi eve, agbo atɔ̃, gbɔ̃tsu atɔ̃ kple alẽvi atɔ̃, siwo xɔ ƒe ɖekaɖeka, ne woawɔ akpedavɔsae. Esiawo nye Naheson, Aminadab vi, ƒe nunanawo.

¹⁸Amegã Netaneel, Zuar vi, tso Isaxar-to la me, na nu le ŋkeke eveagbe.

¹⁹Nusiwo wòna, wonye klosalogba ɖeka, si da sekel alafa ɖeka blaetɔ̃, kple klosaloze ɖeka, si da sekel kɔkɔe blaadre; woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

²⁰sikanutɔgba ɖeka, si da sekel ewo, eye dzudzɔdonu yɔe banaa;

²¹nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae;

²²gbɔ̃tsu ɖeka woawɔ nuvɔ̃vɔsae;

²³nyi eve, agbo atɔ̃, gbɔ̃tsu atɔ̃ kple alẽvi atɔ, siwo xɔ ƒe ɖekaɖeka, ne woawɔ akpedavɔsae. Esiawo nye Netaneel, Zuar vi, ƒe nunanawo.

²⁴Eliab, Xelon vi, amesi nye Zebulon-viwo ƒe amegã, na nu le ŋkeke etɔ̃agbe.

²⁵Nusiwo wòna, wonye, klosalogba ɖeka, si da sekel alafa ɖeka blaetɔ̃, kple klosaloze ɖeka, si ɖa sekel kɔkɔe blaadre, woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

²⁶sikanutɔgba ɖeka, si ɖa sekel ewo, eye dzudzɔdonu yɔe banaa;

²⁷nyitsu ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae;

²⁸gbɔ̃tsu ɖeka woawɔ nuvɔvɔsae,

²⁹nyi eve, agbo alɔ̃, gbɔ̃tsu atɔ̃ kple alẽvi atɔ̃, siwo xɔ ƒe ɖekaɖeka, ne woawɔ akpedavɔsae. Esiawo nye Eliab, Xelon vi, ƒe nunanawo.

³⁰Elizur, Sedeur vi, amesi nye Ruben viwo ƒe amegã la, na nu le ŋkeke enelia dzi.

³¹Nusiwo wòna, wonye, klosalogba ɖeka, si da sekel alafa ɖeka blaetɔ̃, kple klosaloze ɖeka, si da sekel kɔkɔe blaadre, woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

³²sikanutɔgba ɖeka, si ɖa sekel ewo, eye dzudzɔdonu yɔe banaa;

³³nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae,

³⁴gbɔ̃tsu ɖeka woawɔ nuvɔvɔsae;

³⁵nyi eve, agbo atɔ̃, gbɔ̃tsu atɔ kple alẽvi atɔ̃, siwo xɔ ƒe ɖekaɖeka, ne woawɔ akpedavɔsae. Esiawo nye Elizur, Sedeur vi, ƒe nunanawo.

³⁶Selumiel, Zurisadai vi, amesi nye Simeon-viwo ƒe amegã la, na nu le ŋkeke atɔ̃agbe.

³⁷Nusiwo wòna, wonye klosalogba ɖeka, si da sekel alafa ɖeka blaetɔ̃, kple klosaloze ɖeka, si da sekel kɔkɔe blaadre; woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

³⁸sikanutɔgba ɖeka, si ɖa sekel ewo, eye dzudzɔdonu yɔe banaa;

³⁹nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae,

⁴⁰gbɔ̃tsu ɖeka woawɔ nuvɔvɔsae;

⁴¹nyi eve, agbo atɔ, gbɔ̃tsu atɔ kple alẽvi atɔ, siwo xɔ ƒe ɖekaɖeka, ne woawɔ akpedavɔsae. Esiawo nye Selumiel, Zurisadai vi, ƒe nunanawo.

⁴²Elyasaf, Deguel vi, amesi nye Gad-viwo ƒe amegã la, na nu le ŋkeke adeagbe.

⁴³Nusiwo wòna, wonye: klosalogba ɖeka, si da sekel alafa ɖeka blaetɔ̃, kple klosaloze ɖeka, si ɖa sekel kɔkɔe blaadre, woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae,

⁴⁴sikanutɔgba ɖeka, si da sekel ewo, eye dzudzɔdonu yɔe banaa;

⁴⁵nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae;

⁴⁶gbɔ̃tsu ɖeka woawɔ nuvɔvɔsae;

⁴⁷nyi eve, agbo atɔ, gbɔ̃tsu atɔ̃ kple alẽvi atɔ, siwo xɔ ƒe ɖekaɖeka, ne woawɔ akpedavɔsae. Esiawo nye Elyasaf, Deguel vi, ƒe nunanawo.

⁴⁸Elisama, Amihud vi, amesi nye Efrayim-viwo ƒe amegã la, na nu le ŋkeke adreagbe.

⁴⁹Nusiwo wòna, wonye: klosalogba ɖeka, si ɖa sekel alafa ɖeka blaetɔ̃, kple klosaloze ɖeka, si ɖa sekel kɔkɔe blaadre, woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

⁵⁰sikanutɔgba ɖeka, si ɖa sekel ewo, eye dzudzɔdonu yɔe banaa;

⁵¹nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae;

⁵²gbɔ̃tsu ɖeka woawɔ nuvɔvɔsae;

⁵³nyi eve, agbo atɔ, gbɔ̃tsu atɔ̃ kple alẽvi atɔ, siwo xɔ ƒe ɖekaɖeka, ne woawɔ akpedavɔsae. Esiawo nye Elisama, Amihud vi, ƒe nunanawo.

⁵⁴Gamliel, Pedazur vi, amesi nye Manase-viwo ƒe amegã la, na nu le ŋkeke enyiagbe.

⁵⁵Nusiwo wòna, wonye: klosalogba ɖeka, si da sekel alafa ɖeka blaetɔ̃, kple klosaloze ɖeka, si da sekel kɔkɔe blaadre; woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

⁵⁶sikanutɔgba ɖeka, si da sekel ewo, eye dzudzɔdonu yɔe banaa;

⁵⁷nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae;

⁵⁸gbɔ̃tsu ɖeka woawɔ nuvɔvɔsae;

⁵⁹nyi eve, agbo atɔ, gbɔ̃tsu atɔ̃ kple alẽvi atɔ̃, siwo xɔ ƒe ɖekaɖeka, ne woawɔ akpedavɔsae. Esiawo nye Gamliel, Pedazur vi, ƒe nunanawo.

⁶⁰Abidan, Gideoni vi, amesi nye Benyamin-viwo ƒe amegã la, na nu le ŋkeke asiekeagbe.

⁶¹Nusiwo wòna, wonye klosalogba ɖeka, si da sekel alafa ɖeka blaetɔ̃, kple klosaloze ɖeka, si da sekel kɔkɔe blaadre; woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae:

⁶²sikanutɔgba ɖeka, si da sekel ewo, eye dzudzɔdonu yɔe banaa;

⁶³nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae;

⁶⁴gbɔ̃tsu ɖeka woawɔ nuvɔvɔsae;

⁶⁵nyi eve, agbo atɔ̃, gbɔ̃tsu atɔ̃ kple alẽvi atɔ̃, siwo xɔ ƒe ɖekaɖeka, ne woawɔ akpedavɔsae. Esiawo nye Abidan, Gideoni vi, ƒe nunanawo.

⁶⁶Axiezer, Amisadai vi, amesi nye Dan-viwo ƒe amegã la, na nu le ŋkeke ewolia dzi.

⁶⁷Nusiwo wòna, wonye: klosalogba ɖeka, si ɖa sekel alafa ɖeka blaetɔ̃, kple klosaloze ɖeka, si ɖa sekel kɔkɔe blaadre; woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

⁶⁸sikanutɔgba, si da sekel ewo, eye dzudzɔdonu yɔe banaa;

⁶⁹nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae;

⁷⁰gbɔ̃tsu ɖeka woawɔ nuvɔvɔsae;

⁷¹nyi eve, agbo atɔ̃, gbɔ̃tsu atɔ̃ kple alẽvi atɔ, siwo xɔ ƒe ɖekaɖeka, ne woawɔ akpedavɔsae. Esiawo nye Axiezer, Amisadai vi, ƒe nunanawo.

⁷²Pagiel, Oxran vi, amesi nye Aser-viwo ƒe amegã la, na nu le ŋkeke wuiɖekɛlia dzi.

⁷³Nusiwo wòna, wonye: klosalogba ɖeka, si da sekel alafa ɖeka blaetɔ̃, kple klosaloze ɖeka, si da sekel kɔkɔe blaadre; woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

⁷⁴sikanutɔgba ɖeka, si ɖa sekel ewo, eye dzudzɔdonu yɔe banaa;

⁷⁵nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae:

⁷⁶gbɔ̃tsu ɖeka woawɔ nuvɔvɔsae;

⁷⁷nyi eve, agbo atɔ̃, gbɔ̃tsu atɔ̃ kple alẽvi atɔ̃, siwo xɔ ƒe ɖekaɖeka, ne woawɔ akpedavɔsae. Esiawo nye Pagiel, Oxran vi, ƒe nunanawo.

⁷⁸Axira, Enan vi, amesi nye Naftali-viwo ƒe amegã la, na nu le ŋkeke wuievelia dzi.

⁷⁹Nusiwo wòna, wonye: klosalogba ɖeka, si da sekel alafa ɖeka blaetɔ̃, kple klosaloze ɖeka, si da sekel kɔkɔe blaadre; woa kple eve la yɔ banaa kple wɔ memee, si wodzaba kple ami, ne woawɔ nuɖuvɔsae;

⁸⁰sikanutɔgba ɖeka, si da sekel ewo, eye dzudzɔdonu yɔe banaa;

⁸¹nyitsuvi ɖeka, agbo ɖeka kple alẽvi, si xɔ ƒe ɖeka, ne woawɔ numevɔsae;

⁸²gbɔ̃tsu ɖeka woawɔ nuvɔ̃vɔsae;

⁸³nyi eve, agbo atɔ̃, gbɔ̃tsu atɔ̃ kple alẽvi atɔ̃, siwo xɔ ƒe ɖekaɖeka, ne woawɔ akpedavɔsae. Esiawo nye Axira, Enan vi, ƒe nunanawo.

⁸⁴Nusiwo Israel-amegãwo na be woatsɔ akɔ vɔsamlekpui la ŋu, le esime wosi ami nɛ la, le klosalogba wuieve, klosaloze wuieve kple sikanutɔgba wuieve.

⁸⁵Klosalogbawo dome ɖesiaɖe da sekel alafa ɖe ka blaetɔ̃, eye zea wo dome ɖesiaɖe da sekel kɔkɔe blaadre; wo katã ƒe klosalo le sekel kɔkɔe akpe eve alafa ene.

⁸⁶Sikanutɔgba wuieve, siwo dzudzɔdonu ya banaa; nutɔgba ɖeka da sekel kɔkɔe ewo; nutɔgbawo katã ƒe sika le sekel alafa ɖeka blave.

⁸⁷Lã, siwo katã wotsɔ sa numevɔe, wole nyi wuieve, agbo wuieve, alẽvi wuieve, siwo xɔ ƒe ɖekaɖeka, hekpe ɖe wo ŋu nuɖuvɔsawo ŋu; gbɔ̃tsu wuieve woawo nuvɔ̃vɔsae.

⁸⁸Lã, siwo wotsɔ sa akpedavɔe, wole nyi blave vɔ ene, agbo blaade, gbɔ̃tsu blaade kple alẽvi blaade, siwo xɔ ƒe ɖekaɖeka. Ale wokɔ vɔsamlekpui la ŋu, le esime wosi ami nɛ la, enye si.

⁸⁹Ne Mose yi ɖe Mawu ƒe agbadɔ la me, bena yeaƒo nu kplii la, ekema esea gbea ɖe tso Kerubi eveawo dome le nutsyɔnu, si le nubablaɖakaa tame la dzi: afisiae wòƒoa nu kplii le.