Read ewe ZAXARYA 12 Bible Online

ZAXARYA 12 - ewe bible

ZAXARYA 12

¹Esia nye Yehowa ƒe nya, si wògblɔ ɖe Israel ŋu; Ale Yehowa, amesi keke dziƒo me, amesi ɖo anyigba gɔme anyi, eye wòwɔ gbɔgbɔ de amegbetɔ me la, gblɔ esi;

²Yerusalem anye ahamuametre na dukɔwo katã godoo; eye ne woɖe to ɖe Yerusalem la, Yuda hã anɔ eme.

³Ɣemaɣi la matsɔ Yerusalem awɔ kpegbae na dukɔwo katã; amesiwo katã be, yewoakɔe la, woade abi wo ɖokui ŋu, eye anyigba dzi dukɔwo katã aƒo takpli de eŋu.

⁴Ate Yehowa gblɔ esi; Ɣemaɣi la mado vɔvɔ̃ na sɔwo katã eye sɔdolawo adze aɖaʋa; nye ŋku anɔ te de Yuda ƒe aƒe la ŋu, ke mana dukɔwo ƒe sɔwo katã ƒe ŋku nagbã.

⁵Eye Yuda-amegãwo agblɔ le woƒe dzi me bena: Yerusalem-tɔwo la, Yehowa Zebaot, woƒe Mawu la, enye ŋusẽ na wo.

⁶Ɣemaɣi la matsɔ Yuda-amegãwo awɔ dzoɖesonu ɖe nake titina, woanɔ abe akakati bibi le gbe ƒuƒu me ene, eye woafiã dukɔwo katã godoo Ie ɖusl me kple mia me; ke Yerusalem aganɔ eteƒe.

⁷Yehowa axɔ na Yuda ƒe agbaɖɔ gbã, ne Ɖa-wlɖ ƒe aƒe kple Yerusalemtɔwo magaƒo aɖegbe ɖe Yuda ŋu akpa o.

⁸Ɣemaɣl la Yehowa akpɔ Yerusalemtɔwo ta, woƒe ame beliwo anɔ ɣemaɣi abe Dawid ene, eye Dawid ƒe aƒe la anɔ abe Mawu ene, abe Yehowa ƒe dɔla ene adze wo ŋgɔ.

⁹Le ɣemaɣi la madi be, matsrɔ̃ dukɔ, siwo katã ho ɖe Yerusalem ŋu la.

¹⁰Matrɔ amenuveve kple kokoƒoƒo ƒe gbɔgbɔ akɔ ɖe Ɖawlɖ ƒe aƒe kple Yerusalemtɔwo dzi, eye woafɔ ŋku ɖe amesi woƒo nu ɖo la dzi, woafa konyi nɛ, abe alesi wofaa: konyi na tenuvi ene, eye woafa avi nɛ vevie, abe alesi wofaa avi na vi ŋgɔgbea ene.

¹¹Le ɣemaɣl la konyifafa leƒe makɔ le Yerusalem o, abe alesi wówɔ kuteƒe na Hadad-Rimon le Megiɖo-tagba ene.

¹²Anyigba la afa konyi, ƒome sia ƒome etɔxɛ; Dawid ƒe aƒe ƒe ƒome la afa konyi wo tɔxɛ, eye wo srɔ̃wo wo tɔxɛ; Natan ƒe aƒe ƒe ƒome la wo tɔxɛ, eye wo srɔ̃wo wo tɔxɛ;

¹³Lewi ƒe aƒe ƒe ƒome la wo tɔxɛ, eye wo srɔ̃wo wo tɔxɛ; Simel ƒe ƒome la wo tɔxɛ, eye wo srɔ̃wo wo tɔxɛ;

¹⁴ƒome mamleawo katã wo tɔxɛ wo tɔxɛ le ƒomeawo nu, eye wo srɔ̃wo wo tɔxɛ.