Read ewe ZAXARYA 4 Bible Online

ZAXARYA 4 - ewe bible

ZAXARYA 4

¹Tete mawudɔla, si ƒo nu kplim la, trɔ gbɔ va nyɔm, abe alesi wonyɔa ame tsoa alɔ̃ me ene.

²Eye wògblɔ nam bena: Nuka kpɔm nèlé? Meɖo ŋu bena: Mele akaɖitia ɖe, si wolsɔ sika ɖeɖe wɔe la kpɔm; aminu le eta me, eye akaɖlgbɛ adre le eŋu, eye alɔ adre, siwo me to le la, le aka-ɖlgbɛawo ŋu.

³Amiti eve le exa, ɖeka le aminu la ƒe ɖusi me, eye evelia le eƒe mia me.

⁴Eye me-xɔ edzi gblɔ na mawudɔla, si ƒo nu kplim la bena: Nye aƒetɔ, nusiawo gɔme ɖe?

⁵Tete mawu-dɔla, si ƒo nu kplim la, xɔ edzi gblɔ nam bena: Mènya nusiawo gɔme oa? Meɖo ŋu bena: O, nye aƒetɔ!

⁶Tete wòɖo ŋu gblɔ nam bena: Yehowa ƒe gbe na Zerubabel enye si: Mava me to aʋa-kɔ alo ŋusẽ me o, ke hoŋ to nye gbɔgbɔ dzi, Yehowa Zebaot ye gblɔe!

⁷Wò to gã, nenye nuka ke nènye hã, azu gbadzaƒe le Zerubabel ŋku me. Eyama aɖe etamakpe adoe, eye woanɔ ɣli dom be: Eme nenye, eme nenye nɛ!

⁸Eye Yehowa ƒe gbe va nam bena:

⁹Zerubabel ƒe asie ɖo xɔ sia gɔme anyi, eye eƒe asi kee awu enu, ne nadze sii be, Yehowa Zebaot ye ɖom ɖe mia gbɔ.

¹⁰Elabena amekae ado vlo gɔmedzedze nyaŋui? Weakpɔ tsumikpe, si le Zerubabel si la, kple dzidzɔ, wo ame aɖre siawo nye Yehowa ƒe ŋku, siwo le tsatsam le anyigba blibo la dzi.

¹¹Tete meɖo ŋu gblɔ nɛ hena: Amiti eve, siwo le akaɖiti la ƒe ɖusi me kple mia me la gɔme ɖe?

¹²Eye megaxɔ edzi gblɔ nɛ bena: Amitiɖɔmee eve, siwo Ie si-kalɔ, siwo me to le, eye sikami sina tea wo me la xa la gɔme ɖe?

¹³Tete wògblɔ nam bena: Mènya nusiawo gɔme oa? Meɖo ŋu bena: O, nye aƒetɔ!

¹⁴Eye wògblɔ bena: Woawo nye amivi eveawo, siwo tsi tre ɖe anyigba blibo la ƒe Aƒetɔ ŋku me.