Read ewe Maleaxi 2 Bible Online

Maleaxi 2 - ewe bible

Maleaxi 2

¹Mi nunɔlawo, mia tɔe nye se siawo:

²Ale Yehowa Zebaot gblɔ esi: Ne miegbe toɖoɖo, eye nya mede dzi gbɔ na mi o la, ekema maɖo fiƒode ɖa ɖe mia ŋu, eye matrɔ miaƒe yayra wòazu fiƒode; meƒo fi dee xoxo, elabena nya mede dzi gbɔ na mi o.

³Kpɔ ɖa, malã alɔ na mi, mahlẽ miaƒe ŋkekenyuiewo ƒe mĩwo ɖe mo na mi, eye woakɔ mi ayi wo gbɔe.

⁴Eye miadze sii be, nyee ɖo se siawo ɖe mi, ne wòanye nu, si mebla kple Lewi, Yehowa Zebaot ye gblɔe.

⁵Nye nu, si mebla kplii la, enye agbetɔ kple ŋutifafatɔ, eye metsɔ vɔvɔ̃ ɖe asi nɛ, evɔ̃m, eye nye ŋkɔ ɖo ŋɔdzi nɛ.

⁶Nufiame dzɔdzɔe nɔ eƒe nu me, eye womekpɔ alakpa le eƒe nuyiwo dzi o. Ezɔ kplim le ŋutifafa kple nyateƒe me, eye wòɖe ame geɖe-wo ɖa tso vodada me.

⁷Elabena nunɔla ƒe nuyiwo nedzra sidzedze ɖo, eye woadi nufiame le eƒe nu me; elabena Yehowa Zebaot ƒe ame dɔdɔ wònye.

⁸Ke miawo miele ɖa le mo dzi, mietsɔ nufiame na ame geɖewo dze anyi, eye miegblẽ Lewi ƒe nubabla la ɖome. Yehowa Zebaot ye gblɔe.

⁹Eyata nye hã meɖl gbɔ mi, eye mehɔhɔ mi ɖe dzi le dukɔ blibo la ŋku me; elabena mielẽ ŋku ɖe nye mɔwo ŋu o, eye miede ame dzi le nufiafia me.

¹⁰Ɖe menye fofo eɖekae li na mi katã oa, eye ɖe menye Mawu fɖekae me mi oa? Nukaŋuti mia dome amesiame awɔ nu tovo ɖe ehavi ŋu, ne míagblẽ kɔ ɖo na mia fofowo ƒe nubabla la?

¹¹Yuda wɔ nu tovo, eye wowɔ ŋunyɔnu le Israel kple Yerusalem. Elabena Yuɖa gblẽ kɔ ɖo na Yehowa ƒe kɔkɔeƒe, si gbɔ melɔ̃a nu le o, eye wode mawu tutɔ ƒe nyɔnuvi.

¹²Yehowa atsrɔ̃ ŋutsu, si wɔa nusia la ɖa le Yakob ƒe agbaɖɔwo me akpe ɖe vi kple fɔgbulyɔvi kpakple amesi saa vɔ na Yehowa Zebaot la ŋuti.

¹³Eye nusi miagawɔ evevea la, enye si: Miatsɔ aɖatsi, avifafa kple hũɖeɖe anyẽ atsyɔ Yehowa ƒe vɔsamlekpui la, elabena megatrɔna ɖe mia ŋu o, eye mexɔa nusi dzea eŋu la, tso mia si me o.

¹⁴Eye ne miegblɔ be, nuka me hã la, le esi Yehowa nye ɖasefo na mia kple wò ɖekakpuimesrɔ̃, si ŋu nèto vo ɖo la tae, evɔ wònye wò zɔhɛ kple nyɔnu, si nẽhla nu kplii la, wònye hafi.

¹⁵Ɖe menye ame ɖekae wɔ mi, eye wole míaƒe agbe ɖe le oa? Nuka dim ame ɖeka la le? Mawu ƒe ƒome dim wole. Eyata mikpɔ miaƒe gbɔgbɔ dzi, eye megawɔ nu tovo ɖe wò ɖekakpuimesrɔ̃ ŋu o.

¹⁶Elabena mele fu srɔ̃gbegbe, Yehowa, Israel ƒe Mawu la gblɔe, kple amesi tsɔ nuvɔ̃ɖi wɔwɔ tsyɔ eƒe avɔ dzi la, Yehowa Zebaot ye gblɔe; eyata mikpɔ miaƒe gbɔgbɔ dzi, eye migawɔ nu tovo o!

¹⁷Mietsɔ miaƒe nyawo do dziku na Yehowa. Eye ne miegblɔ be: Nukae míetsɔ do dziku nɛ hã la ɖe miele gbɔgblɔm be: Ame vɔ̃ɖiwo katã nyo le Yehowa ŋku me, eye woƒe nu dze eŋu, alo afika Mawu, ʋɔnudrɔ̃la la le mahã oa?