Read ewe Marko 6 Bible Online

Marko 6 - ewe bible

Marko 6

¹Eye wòdo go tso afima, eye wòva fofoawo de; eye eƒe nusiawo le eyome.

²Eye esi Sabat ɖo la, ede asi nufiafia me le ƒuƒoƒe la, eye ame geɖe, siwo see la, ƒe nu ku, eye wogblɔ bena: Afika amesia kpɔ nusiawo tsoe, eye nunya ka ƒomevi nye esi wonae mahã, ale be ŋusẽdɔ siawo va ve me to eƒe asi dzi mahã?

³Alo amesia la, de menye atikpala, si nye Mana vi la, kple Yakobo, Yose, Yuda kpakple Simon nɔvi lae o mahã? Eye nɔvianyɔnuwo hã mele mía dome afisia o mahã? Eye wòzu nuɖiaɖia na wo le eyama ŋuti.

⁴Eye Yesu gblɔ na wò bena: Womedoa kpo nyagblɔɖila bubu o, negbe le eya ŋutɔ fofoawo de kple eƒomeawo dome kpakple eƒe me ko.

⁵Eye mete ŋu wɔ ŋusẽdɔa ɖeke le afima o, negbe dɔléla ʋeea ɖewo ko ŋu wòda gbe le, le esime wòda asi ɖe wo dzi.

⁶Eye eƒe mo wɔ yaa le woƒe dzimaxɔse la ŋuti. Eye wotsa le kɔƒe, siwo ƒo xlã afima la me hele nu fiãm.

⁷Tete wòyɔ ame wuieve la va egbɔ, eye wòde asi wo dɔdɔ me eveveve; eye wòna ŋusẽ wo de gbɔgbɔ makɔmakɔwo dzi;

⁸eye wòde se na wo bena, woagatsɔ naneke de asi de mɔzɔzɔ ŋu o, negbe atizɔti ko; menye kotoku alo abolo o, alo ga nanɔ woƒe go nu hã o;

⁹ke wòado atokotawo; eye womagado dziwui eve o.

¹⁰Eye wògblɔ na wo bena: Afisi ke miayi ɖe aƒea ɖe me le la, minɔ afima vaseɖe gbesigbe ke miadzo.

¹¹Eye teƒe, si womexɔ mi le o, alo womeɖo to mi le o la, ne miele dzodzo ge le afima la, miʋuʋu ke le miaƒe afɔwo ŋuti ɖe anyi, ne wòanye ɖaseɖiɖi na wo. Vavã mele egblɔm na mi bena: Mele sesẽ ge na Sodomtɔwo kple Gomoratɔwo le ʋɔnudrɔ̃gbe la abe du ma ene o.

¹²Eye esi wodo go yi la, wode gbe ƒã bena, woatrɔ le woƒe dzi me.

¹³Eye wonyã gbɔgbɔ vɔ̃ gedewo do go, ye wòsi ami na dɔléla geɖewo heda gbe le wo ŋu.

¹⁴Eye fia Herodes see; elabena eƒe ŋkɔ ɖi hoo, eye wòbena: Yohanes mawutsidetanamelae tsi tre tso ame kukuwo dome; eyaŋuti ŋusẽwo le dɔ wɔm le eme.

¹⁵Ke bubuwo gblɔ bena: Eliya ye; eye bubuwo bena: Nyagblɔɖilae abe nyagblɔɖilaewo dometɔ ɖeka ene.

¹⁶Ke esi Herodes see la, egblɔ bena; Yohanes, si nu metso ta le la, eyae tsi tre tso ame kukuwo dome.

¹⁷Ke Herodes ŋutɔe dɔ wòlé Yohanes, eye wobiae de gaxɔ me le Herodia, si nye nɔvia Filipo srɔ̃ la, ŋuti, elabena eɖee.

¹⁸Elabena Yohanes gblɔ na Herodes bena: Womede mɔ na wò bena naxɔ nɔviwò srɔ̃ o.

¹⁹Eye Herodia lée de dɔme, eye wòle didim be, yeawui, ke mete ŋui o,

²⁰elabena Herodes vɔ̃ Yohanes, amesi wònya bena, enye ame dzɔdzɔe kple ame kɔkɔe wònye la, eye wòkpɔ eta. Eye ne eɖo toe la, eɖoa xaxa me le nu geɖewo ŋuti, eye eƒe gbesese vivina nɛ.

²¹Eye le ŋkeke, si dze eƒe dzi ŋu dzi la Herodes tu aglo le eƒe dzigbeŋkeke dzi na eƒe amegãwo kple aʋafia gãwo kpakple Galilea-me ŋkutawo;

²²eye esi Herodia vinyɔnuvi la ge de eme, eye woɖu ɣe la, edze Herodes kple amesiwo kpe ɖe eŋuti le kplɔ̃a ŋuti la ŋu; eye fia la gblɔ na nyɔnuvi la bena: Bia nusi ke nèlɔ̃ lam, eye mana wò.

²³Eye wòka atam ne bena: Nusi ke nabiam la, mana wò vaseɖe nye fiaɖuƒe la ƒe akpa afã dzi.

²⁴Eye esi wòɖo go yi la, egblɔ na dadaa bena: Nuka mabia mahã? Ke eya gblɔ bena: Bia Yohanes, mawutsidetanamela, ƒe ta.

²⁵Eye enumake wòɖe abla va fia la gbɔ, eye wòbiae gblɔ bena: Meɖi bena, natsɔ Yohanes mawutsidetanamela ƒe ta nam le agba me fifilaasi.

²⁶Eye wòve fia la ŋutɔ; gake la le eƒe atamkaka kple amesiwo le kplɔa ŋuti kpakplii ta la melɔ̃ be, yeagbe enana o.

²⁷Eye enumake fia la dɔ eŋudzɔsrafo ɖeka ɖa, eye wòde se ne be, wòaɖatsɔ eƒe ta ve;

²⁸eye wòyi, eye wòtso ta le enu le gaxɔ me, eye wotsɔ eƒe ta ɖe agba me ve, eye wòtsɔe na nyɔnuvi la, eye nyɔnuvi la tsoe na dadaa.

²⁹Eye esi eƒe nusrɔ̃lawo see la, wova tso eƒe kukua yi ɖaɖi.

³⁰Eye apostolowo ƒo ƒu ɖe Yesu gbɔ, eye woxlẽ nusiwo katã wowɔ kple nusiwo wòfiã la nɛ.

³¹Eye wògblɔ na wo bena: Miva, ne miawo ɖeɖe miayi gbedzi, ne míadzudzɔ mía ɖokui ʋee. Elabena amesiwo le vavam gale yiyim la, wosɔ gbɔ, eye womekpɔ asinu gɔ̃ hã, ne woaɖu nu o.

³²Eye woɖo ʋu dzo heyi ɖe gbedzi, woawo ɖeɖe.

³³Eye ame gedewo kpo wo woyina, eye wodze si wo, eye wòsi du tso duawo katã me ƒo ƒu heto afɔ yi afima, eye wotre vava na woawo.

³⁴Eye esi Yesu do go la, ekpa ameha gãa de, eye eƒe dome tre de wo ŋuti, elabena wole abe ale, siwo nu kplɔla mele o ene, eye wòde asi nu geɖe tiatia me wo.

³⁵Eye esi wòsusɔ ʋee, ne zã nado la, eƒe nusrɔ̃lawo va egbɔ gblɔ bena: Teƒe la enye gbedzi, eye zã hã le dodom;

³⁶do mɔ wo, bena ne wòayi ɖe agbleta kple kɔƒe, siwo ƒo xlã mi la me, ne woaƒle nuɖuɖu na wo ɖokui.

³⁷Eye wòxɔ edzi na wo gblɔ bena: Miawo la mina nu wo, ne woaɖu. Eye wogblɔ nɛ bena: Ekema de miayi aɖaƒle abolo denario alafa eve nu, ne miatso ana wo, ne woaɖu mahã?

³⁸Eye wògblɔ na wo bena: Abolo nenie le mia si mahã? Miyi ɖakpɔe ɖa. Eye esi wonyae la, wogblɔ bena: Wo ame atɔ kple tɔmelã eve.

³⁹Eye wòɖo na wo bena, wo katã nanɔ anyi hamehame ɖe gbe mumu la dzi.

⁴⁰Eye wonɔ anyi hamehame, ɖewo alafa, ɖewo blaatɔ̃.

⁴¹Eye esi wòtso abolo atɔ̃ la kple lã eveawo la, ekpa dziƒo, eye wòyra ɖe wo dzi, eye wòŋe aboloawo me, eye wòtso wo na nusrɔ̃lawo, bena woatsa wo aɖo wo ko me, eye wòmã lã eveawo hã me ɖe wo katã dome.

⁴²Eye wo katã woɖu nu, eye woɖi ƒo.

⁴³Eye wofa kakɛ, siwo susɔ la, ɖe kevi wuieve me fũ kple lãwo ƒe ɖe hã.

⁴⁴Eye amesiwo ɖu aboloawo la, wo nu ano ŋutsu akpe atɔ̃.

⁴⁵Eye enumake wòƒoe ɖe eƒe nusrɔ̃lawo nu be, woaɖo ʋu, ne wòadze ye ŋgɔ ayi go keme dzi ɖe Betsaida, vaseɖe esime ye ŋutɔ yeaɖe asi le ameha la ŋu.

⁴⁶Eye esi wòɖe mo na wo megbe la, edzo heyi ɖe to la dzi, be yeado gbe ɖa.;

⁴⁷Eye esi fiẽsi ɖo la, ʋu la ɖo ƒu titina, eye eya ɖeka susɔ ɖe gota.

⁴⁸Eye wòkpɔ wo wole fu kpem le ʋuakuku me; elabena ya ƒo le wo kpem Eye ano zã ƒe ŋudzɔɣi enelia me la ele ƒu dzi zɔm gbɔna wo gbɔ, eye wòdi be, yeato wo ŋuti ayi;

⁴⁹ke esi wokpɔe wòle ƒua dzi zɔm la, wobu xa bena, ŋɔlie, eye wodo ɣli;

⁵⁰elabena wo katã wokpɔe, eye dzika tso wo ƒo. Ke eƒo nu kpli wo enumake gblɔ bena: Mina miaƒe dzi nadze eme; nyee nye esi, migavɔ̃ o hee!

⁵¹Eye woge ɖe nu la me le wo gbɔ, eye ya la dzudzɔ, eye woƒe nu ku ŋutɔ;

⁵²elabena womenya ta le aboloawo nu o, ke boŋ woƒe dzime sẽ.

⁵³Eye wotso ƒu la ɖi go ɖe Genezaret.

⁵⁴Eye esi wodo go le ʋua me la, enumake wodze sii,

⁵⁵eye du dzo le afima nutoawo katã me godoo, eye wode asi amesiwo ƒe lãme gblẽ la tsɔtsɔ me ɖe abawo dzi va afisi wose be, ele.

⁵⁶Eye afisi wòyina ɖo le kɔƒewo alo duwo me alo agbletawo la, wotsɔa dɔlélawo va dana ɖe ablɔwo me, eye woɖea kuku ne bena, yewoade asi eƒe awuto ɖeɖeko ŋu; eye ame alesi nu de asi eŋu ko la, ƒe lãme sẽna.