Read ewe Yohanes 11 Bible Online

Yohanes 11 - ewe bible

Yohanes 11

¹Eye amea ɖe le dɔ lém, eŋkɔe nye Lazaro tso Betania, si nye Maria kple nɔvianyɔnu Marta ƒe kɔƒe la.

²Eye eya enye Maria, si tsɔ ami ʋeʋẽe si na Aƒetɔ la, eye wòtutu eƒe afɔwo ŋuti kple eƒe taɖa, amesia ƒe nɔviŋutsu enye Lazaro, si le dɔ lém la.

³Eyaŋuti nɔvianyɔnuawo ɖɔ ame ɖo de egbɔ hegblɔ bena: Aƒetɔ, kpɔ ɖa, amesi mèlɔ̃a nu egbɔ o la, le dɔ lém.

⁴Eye esi Yesu see la, egblɔ bena: Dɔ sia menye kudɔe o, ke boŋ hena Mawu ƒe ŋutikɔkɔe, bena woakɔ Mawuvi la ŋuti to eyama me.

⁵Eye Yesu lɔ̃a Marta kple nɔvianyɔnua kpakple Lazaro.

⁶Eye esi wose bena, ele dɔ lém la, etsi afisi wòle la xɔ ŋkeke eve.

⁷Esia megbe la egblɔ na nusrɔ̃lawo bena: Mina, ne míagayi ɖe Yudea.

⁸Nusiawo gblɔ ne bena: Rabi, nyitsɔ laa Yudatɔwo ɖi be, yewoaƒu kpe wò, eye nègale afima yi gea?

⁹Yesu ɖo ŋu bena: Alo menye gaƒoƒo wuievee le ŋkeke ɖeka me oa? Ne amea ɖe zɔ le ŋkeke me la, meklia nu o, elabena ele xexe sia me ƒe kekeli la kpɔm.

¹⁰Ke ne amea ɖe zã zã la, eklia nu, elabena kekeli la mele eyama me o.

¹¹Esiawo wògblɔ, eye le esia megbe la egblɔ na wo bena: Mia xɔlɔ̃ Lazaro le alɔ̃ dɔm; gake la mieyina, bena maɖanyɔe atso alɔ̃ me.

¹²Tete nusrɔ̃lawo gblɔ nɛ bena: Aƒetɔ, ne ele alɔ̃ dɔm la, ekema eƒe lãme asẽ.

¹³Ke Yesu ƒo nu le eƒe ku ŋuti; ke woa wobu xa bena, eƒo nu le alɔ̃dɔdɔ ŋutɔ ŋuti.

¹⁴Azɔ Yesu ʋu me na wo faa bena: Lazaro ku.

¹⁵Eye dzi dzɔm le mia ta bena, nyemele afima o, be miaxɔ ase; ke mina, ne míayi ɖe egbɔ.

¹⁶Tete Toma, si woyɔna be Venɔvi la, gblɔ na nɔvia nusrɔ̃lawo bena: Mina, ne miawo hã míayi, bena miaku kpakplii.

¹⁷Azɔ esi Yesu de la, ekpɔ bena, exɔ ŋkeke ene xoxo le yɔ-doa me.

¹⁸Ke Betania te ɖe Yerusalem ŋu, eƒe didime anɔ stadio wuiatɔ̃;

¹⁹eye Yudatɔwo dome ame geɖewo va Marta kple Mana gbɔ, bena yewoafa akɔ na wo le wo nɔvi la ŋuti.

²⁰Ke esi Marta se bena, Yesu gbɔna la, eyi ɖakpee, eye Mana tsi aƒea me.

²¹Tete la Marta gblɔ na Yesu bena: Aƒetɔ, ɖe nèle afisia la, ne nɔvinye meku o.

²²Gake azɔ hã menyae bena, nusi ke nabia Mawu la, Mawu ana wò.

²³Yesu gblɔ nɛ bena: Nɔviwò la atsi tre.

²⁴Marta gblɔ nɛ bena: Menyae bena, atsi tre le tsitretsitsi la me le nuwuwuŋkeke la dzi.

²⁵Yesu gblɔ nɛ bena: Nyee nye tsitretsitsi la kple agbe la; amesi xɔa dzinye sena la, ne eku hã la, anɔ agbe;

²⁶eye amesiame, si le agbe, eye wòxɔa dzinye sena la, maku akpɔ o. Ele esia xɔm le sesema?

²⁷Egblɔ ne bena: E, Aƒetɔ, mexɔe se bena, wòe nye Kristo, Mawuvi la, si gbɔna xexeame.

²⁸Eye esi wògblɔ esia la, etɔ edzi yi ɖayɔ nɔvianyɔnu Maria dzaa, eye wògblɔ bena: Nufiala va, eye wòle yɔwòm.

²⁹Esi eyama see la, etsi tre kaba, eye wòva egbɔ. —

³⁰Eye Yesu mekpɔ va kɔƒea me haɖe o, ke boŋ egale afisi Marta yi ɖakpee le la ko. —

³¹Azɔ Yudatɔ, siwo le aƒea me kplii, eye wole akɔ fam nɛ la, esi wokpɔ bena, Maria tsi tre kaba do go la, wodze eyome hele susum bena, eyina yɔdo la gbɔ, bena yeafa avi le afima.

³²Azɔ esi Maria va afisi Yesu le, eye wokpɔe la, edze klo ɖe eƒe afɔ nu hegblɔ nɛ bena: Aƒetɔ, ɖe nèle afisia la, ne nɔvinye meku o.

³³Eye esi Yesu kpɔe wòle avi fam, eye Yudatɔ, siwo va kplii hã le avi fam la, edo dɔmedzoe le gbɔgbɔ la me, eye eƒe dzi ʋuʋu,

³⁴eye wòbenã: Afika mietsɔe yi damlɔ mahã? Wogblɔ nɛ bena: Aƒetɔ, va kpɔe.

³⁵Yesu fa avi.

³⁶Tete Yudatɔwo gblɔ bena: Mikpɔ alesi wòlɔ̃nɛ ɖa!

³⁷Ke wo dometɔa dewo bena: Ame sia, si ʋu ŋkuagbãtɔ ƒe ŋkuwo la, de mete ŋu wɔ, bena amesia hã nagaku o mahã?

³⁸Tete Yesu gale dɔmedzoe dom le eɖokui me heva yɔdo la gbɔ. Ke enye ɖo, eye kpe le enu.

³⁹Yesu gblɔ bena: Mikɔ kpe la da! Amesi ku la ƒe nɔvinyɔnu Marta gblɔ nɛ bena: Aƒetɔ, eƒaƒã xoxo, elabena exɔ ŋkeke ene sɔŋ.

⁴⁰Yesu gblɔ nɛ bena: Ɖe nyemegblɔ na wò bena, ne èxɔe se la, èkpɔ Mawu ƒe ŋutikɔkɔe la o mahã?

⁴¹Tete wokɔ kpe la da. Ke Yesu wu eƒe mo dzi, eye wòbena: Fofo, meda akpe na wò bena, èdoa tom.

⁴²Nye la menyae bena, edoa tom ɖaasi; ke le ameha, si le tsitre ƒo xlãm la ta, megblɔe ɖo, bena woaxɔ ase bena, wòedɔm ɖa.

⁴³Eye esi wògblɔ esia la, edo ɣli kple gbe, sesẽ bena: Lazaro lee, do go!

⁴⁴Eye eme kuku, si ƒe afɔwo kple asiwò le babla la, do go kple ameɖivɔwo, eye laku bla ŋku me nɛ. Yesu gblɔ bena: Mitui, eye mina wòayi.

⁴⁵Azɔ Yudatɔwo dome ame geɖe, siwo va Maria gbɔ, eye wokpɔ nusiwo Yesu wɔ la, woxɔ edzi se.

⁴⁶Ke wo dometɔa ɖewo tɔ edzi yi farisitɔwo gbɔ, eye wogblɔ nusiwo Yesu wɔ la, na wo.

⁴⁷Tete la nunɔlagãwo kple farisitɔwo kpe ta ɖe adaŋudeƒe, eye wogblɔ bena: Nuka míawɔ? Elabena amesia le dzesi geɖewo wɔm.

⁴⁸Ne miena mɔe alea la, ekema amewo katã le edzi xɔ ge ase, eye Romatɔwo ava, eye woaxɔ miaƒe anyigba kple miaƒe dukɔ le mia si.

⁴⁹Eye wo dometɔ ɖeka, Kayafa, si nye nunɔlagã le ƒe ma me la, gblɔ na wo bena: Miawo mienya naneke kulẽ o,

⁵⁰eye miedea ŋugble ɖe eme hã o bena, enyo na mí bena, ame ɖeka naku ɖe dukɔ la ta, eye bena dukɔ blibo la nagatsrɔ̃ o.

⁵¹Gake megblɔ esia le eya ŋutɔ ɖokui si o; ke boŋ, esi wònye nunɔlagã le ƒe ma me la ŋuti, wògblɔ nya ɖi bena, Yesu laku ɖe dukɔ la ta;

⁵²eye menye de dukɔ la ta ɖeɖeko o, ke boŋ, bena wòaƒo mawuvi, siwo kaka la, nu ƒu ɖekae.

⁵³Azɔ tso ŋkeke ma dzi la wodo bena, yewoawui.

⁵⁴Eyaŋuti Yesu megatsana le Yudatɔwo dome le gaglãgbe o, ke boŋ edzo le afima yi anyigba, si te ɖe gbedzi ŋu la dzi, ɖe dua ɖe, si woyɔna be Efrayim la me, eye eya kple eƒe nusrɔ̃lawo tsi afima.

⁵⁵Eye Yudatɔwo ƒe ŋutitoto la do, eye ame gedewo dzo le anyigba la dzi heyi Yerusalem, bena wòakɔ wo dokui ŋuti, hafi ŋutitoto la naɖo.

⁵⁶Eye wodi Yesu, eye woƒo nu kple wo nɔewo, esi wole tsitre le mawuƒe la me bena: Nuka susum miele, de megbɔna ŋkekenyuie la duƒe o mahã?

⁵⁷Ke nunɔlagãwo kple farisitɔwo de se ɖi bena, ne amea de nya afisi wòle la, nefia, ne yewoayi aɖalée.