Read ewe Yohanes 12 Bible Online

Yohanes 12 - ewe bible

Yohanes 12

¹Azɔ ŋkeke ade hafi ŋutitoto la naɖo la, Yesu va Betania, afisi Lazaro, si wòfɔ ɖe tsitre tso ame kukuwo dome la le.

²Eye wowɔ fiẽnuɖuɖu nɛ le afima, eye Marta subɔ kplɔa ŋuti, ke Lazaro enye amesiwo nɔ kplɔa ŋuti kplii la, dometɔ ɖeka.

³Tete Maria tsɔ nardomi nyuitɔ pounde ɖeka nu, si ƒe asi sẽ ŋutɔ la, hesi de Yesu ƒe afɔwo ŋuti, eye wòtutu eƒe afɔwo ŋuti kple eƒe taɖa: eye aƒea me yɔ fũ kple ami la ƒe ʋeʋẽ lilili la.

⁴Tete Yuda Iskariot, eƒe nusrɔ̃lawo dometɔ ɖeka, amesi le eyome ma fia ge la, gblɔ bena:

⁵Nukaŋuti womedze ami sia xɔ denario alafa etɔ̃, eye woatsɔe ana ame dahewo o mahã?

⁶Ke egblɔ esia, menye ame dahewo nu vem wòle o, ke boŋ fiafitɔ wònye, eye gakotoku la le esi, eye wòfia nusiwo wotsɔna dana ɖe eme.

⁷Tete Yesu gblɔ bena: Na mɔe, edzrae ɖo ɖi na nye ɖigbe.

⁸Elabena ame dahewo li kpli mi ɖaa; ke nye la nyemeli kpli mi ɖaa o.

⁹Tete la Yudatɔwo ƒe ameha geɖeawo se eŋkɔ bena, ele afima, eye wova, menye ɖe Yesu ɖeɖeko ta o; ke boŋ, bena woakpɔ Lazaro hã, amesi wòfa ɖe tsitre tso ame kukuwo dome.

¹⁰Ke nunɔlagãwo ɖo bena, yewoawu Lazaro hã;

¹¹elabena le eyama ta Yudatɔwo dome ame geɖewo dzo yi, eye woxɔ edzi se ɖo.

¹²Esi ŋu ke la, ameha geɖe, siwo va ŋkekenyuieɖuƒe la, esi wose bena, Yesu gbɔna Yerusalem la,

¹³wotsɔ deʋayawo, eye wodo go yi ekpe ge, eye wodo ɣli bena: Wosana! Woayra amesi gbɔna le Aƒetɔ ƒe ŋkɔa me, amesi nye Israel ƒe fia la.

¹⁴Ke Yesu kpɔ tedzivia ɖe, eye wòde edzi, abe alesi woŋlɔ ɖi ene bena:

¹⁵„Megavɔ̃ o, Zion vinyɔnuvi, kpɔ ɖa, wò fia la nɔ tedzivia ɖe dzi gbɔna!“

¹⁶Eƒe nusrɔ̃lawo mese nusiawo gɔme gbã o; ke esi wokɔ Yesu ŋuti la, tete woɖo ŋku edzi bena, woŋlɔ nu siawo ɖi le eŋuti, eye bena wowɔ nusiawo nɛ.

¹⁷Azɔ ameha, si le eŋuti la, ɖi ɖase bena, eya Lazaro tso yɔdo me, eye wòfɔe ɖe tsitre tso ame kukuwo dome.

¹⁸Eyaŋuti ameha la hã yi ɖakpee, elabena wose bena, ewo dzesi sia.

¹⁹Tete farisitɔwo gblɔ le wo nɔewo dome bena: Miekpɔ bena, miete ŋu le naneke wɔm o; kpɔ ɖa, xexeame katã dze eyome.

²⁰Ke Helatɔa ɖewo le amesi wo yina gbe do ge ɖa le ŋkekenyuiea ɖuƒe la dome;

²¹amesiawo va Filipo, si tso Betsaida le Galilea la gbã, eye woɖe kuku nɛ gblɔ bena: Aƒetɔ, miele didim be, míakpɔ Yesu ɖa.

²²Filipo va, eye wògblɔe na Andrea, eye Andrea kple Filipo woyi ɖagblɔe na Yesu

²³Ke Yesu ɖo ŋu na wo gblɔ bena: Gaƒoƒo la ɖo vɔ bena, woakɔ Amegbetɔvi la ŋuti.

²⁴Vavã, vavã mele egblɔm na mi bena, ne bliku la mege ɖe anyigba me, eye woku o la, ekema eya ɖeka tsia anyi; ke ne eku la, etsea ku geɖe.

²⁵Amesi ke lɔ̃a eƒe agbe la, abui: eye amesi ke léa tu eƒe agbe le xexe sia me la, adzrae ɖo ɖi hena agbe mavɔ.

²⁶Ne amea ɖe ɖi be, yeasubɔm la, nèdze yonyeme; eye afisi nye la mele la, afima nye subɔla hã lano; ne amea ɖe subɔam la, eya Fofo la labu.

²⁷Fiti ko nye luʋɔ ʋuʋu kpẽkpẽkpẽ, eye aleke magblɔ? Fofo, ɖem tso gaƒoƒo sia me! Gake esia ta meva gaƒoƒo sia me ɖo.

²⁸Fofo, kɔ wò ŋkɔ ŋuti. Tete gbe ɖi tso dziƒo gblɔ bena: Mekɔ eŋuti xoxo, eye magakɔ eŋuti.

²⁹Azɔ ameha, siwo le tsitre, eye wosee la, gblɔ bena: Dzie ɖe gbe, bubuwo gblɔ bena: mawudɔlaa ɖee ƒo nu kplii.

³⁰Yesu xɔ dzi bena: Menye tanyee gbe sia ɖi ɖo o, ke boŋ mia tae.

³¹Azɔ xexe sia me ƒe ʋɔnudɔdrɔ̃ la ɖo: fifi ko woatsɔ xexe sia me fia la aƒu gbe.

³²Eye nye la, ne woakɔm ɖe dzi tso anyigba dzi la, mahe amewo katã ava nye ŋutɔ gbɔnye.

³³Ke egblɔ esia hefiã ku, si ƒomevi ku ge wòala.

³⁴Tete ameha la xɔ edzi nɛ bena: Miawo la miese le se la me bena, Kristo anɔ anyi vaseɖe mavɔmavɔ me, eye wò la, aleke gblɔm nèle bena, ele be, wòakɔ Amegbetɔvi la ɖe dzi mahã? Amekae nye nenem Amegbetɔvi sia?

³⁵Tete Yesu gblɔ na wo bena: Kekeli la aganɔ mia dome ɣeyiɣi viaɖe ko. Mizɔ azɔli, esi kekeli la le mia gbɔ, bena viviti la nagatu mi o; eye amesi le azɔli zɔm le viviti me la, menyaa afisi wòyina o.

³⁶Esi kekeli la le mia gbɔ la, mixɔ kekeli la dzi se, bena míazu kekeli ƒe viwo Nusiawo Yesu gblɔ, eye wòdzo yi ɖaɣla eɖokui ete wo.

³⁷Ke esi wòwɔ ale dzesi geɖe siawo le woƒe ŋku me hã la, womexɔ edzi se o,

³⁸bena woawu nya, si nyagblɔɖila Yesaya gblɔ ɖi la nu bena: „Aƒetɔ, ameka xɔ miaƒe nyagbɔgblɔ la dzi se mahã? Eye ameka woɖe Aƒetɔ ƒe abɔ la fia mahã?“

³⁹Le esia ta womete ŋu xɔe se o; elabena Yesaya gagblɔ bena:

⁴⁰„Egbã woƒe ŋkuwo, eye wòna woƒe dzi sẽ, bena woagakpɔ nu kple ŋkuwo, eye woase nu gɔme kple dzi, eye woatrɔ, eye mada gbe le wo ŋu o.“

⁴¹Nusiawo Yesaya gblɔ, elabena ekpɔ eƒe ŋutikɔkɔe la, eye wòƒo nu le eŋu.

⁴²Ke amegãwo dometɔ geɖewo xɔ edzi se; gake la le farisitɔwo ta la womeʋu eme o, bena woagaɖe yewole ha me o;

⁴³elabena wolɔa amewo ƒe bubu wu Mawu ƒe bubu.

⁴⁴Ke Yesu do ɣli, eye wògblɔ bena: Amesi xɔa dzinye sena la, menye dzinye xɔm wòle le sesem o, ke boŋ amesi dɔm ɖa la dzie.

⁴⁵Eye amesi le kpɔyem la, ele amesi dom ɖa la kpam.

⁴⁶Nye la kekeli menye va xexeame, bena amesiame, si xɔa dzinye sena la, mano viviti me o.

⁴⁷Eye ne amea ɖe sea nye nyawo, eye medzra wo ɖo o la, nyemedrɔ̃a ʋɔnui o; elabena nyemeva, be madrɔ̃ ʋɔnu xexeame o, ke boŋ bena maɖe xexeame.

⁴⁸Amesi le gbeyem, eye mexɔa nye nyawo o la, ekpɔ amesi le ʋɔnu drɔ̃mi; nya, si megblɔ la, eya ke ladrɔ̃ ʋɔnui le nuwuwuŋkeke la dzi.

⁴⁹Elabena nye la nyemeƒo nu le ɖokuinye si o; ke Fofo, si dɔm ɖa la, eya ŋutɔ na nusi magblɔ kple nusi maƒo la ƒe sem.

⁵⁰Eye menya bena, eƒe se la enye agbe mavɔ. Eyaŋuti nusiwo ƒe nu meƒona, abe alesi Fofo la gblɔ nam ene la, nenema me, ƒoa nui.