Read ewe Korintotɔwo I 10 Bible Online

Korintotɔwo I 10 - ewe bible

Korintotɔwo I 10

¹Elabena nyemele didim be, miaganyae o, noviwò, bena mía fofowo katã nɔ alilikpo la te, eye wo katã woto ƒu la me,

²eye wode mawutsi ta na wo katã ɖe Mose me le alilikpo kple ƒu la me.

³Eye wo katã woɖu gbɔgbɔ me nuɖuɖu ma ke.

⁴Eye wo katã wono gbɔgbɔ me nunono ma ke, elabena wono tso gbɔgbɔ me kpe gbadza, si dze wo yome la me: ke kpe gbadza lae nye Kristo.

⁵Gake wo dome ame gedeawo ƒe nu menyo Mawu ŋu o, elabena woxlã wo de anyi le gbeadzi.

⁶Ke nusiawo zu kpɔdeŋu na mí, bene miaganyenu vɔ̃ɖi dzrolawo, abe alesi wòdzro ame mawo ene la o.

⁷Migazu trɔ̃subɔlawo hã abe wo dome amea ɖewo ene o, abe alesi woŋlɔ ɖi ene bena: „Dukɔ la bɔbɔ nɔ anyi, wòdu nu, eye wono nu, eye wotsi tre, eye wode asi fefe me.“

⁸Migana miawo ahasi, abe alesi wo dome amea ɖewo wo ahasi, eye ame akpe blave vɔ etɔ̃ tsra le ŋkeke ɖeka dzi ene la o.

⁹Migana miate Kristo akpɔ, abe alesi wo dome amea ɖewo tee kpɔ fe ye dawo tsrɔ̃ wo ene la o.

¹⁰Migali liʋiliʋi, abe alesi wo dome amea ɖewo li liʋiliʋi, eye nugblẽla tsrɔ̃ wo ene la o.

¹¹Ke nusiawo katã va ame mawo dzi abe kpɔɖeŋu ene, eye woŋlɔe ɖi, bene wòanye nuxɔxlɔ̃ hena mí amesiwo dzi xexe sia me ƒe nuwuwu va ɖo la.

¹²Eyata amesi ke susuna be, yele tsitre la, nakpɔ nyuie, bena wòagadze anyi o.

¹³Tetekpɔa ɖeke meva mia dzi kpɔ o negbe ame tɔ ɖeɖeko, gake nuteƒewɔla enye Mawu, amesi mana mɔ bena, woate mi akpɔ awu alesi miate ŋui la o; ke ana gododo le eme hã akpe ɖe tetekpɔ ŋuti, bene miate ŋu atsɔe.

¹⁴Eyata, nye lɔlɔ̃tɔwo, misi le trɔ̃subɔsubɔ la nu!

¹⁵Nunyalawo mele egblɔm na — mibu nusi gblɔm mele la me kpɔ:

¹⁶Yayrakplu, si míeyrana la, menye Kristo ƒe ʋu la ƒe hadedee o ɖe? Eye abolo, si míekana la, menye Kristo ƒe ŋutilã ƒe hadedee o ɖe?

¹⁷Elabena abolo ɖekae, ŋutilã ɖeka mi ame geɖewo míenye, elabena mí katã mieɖua abolo ɖeka la ƒe ɖe.

¹⁸Mikpɔ ŋutilãnu Israel ɖa! Menye amesiwo ɖua vɔsawo la, nye vɔsamlekpui la ƒe hadelawo oa?

¹⁹Azɔ la, nuka gblɔm mele? Ɖe mebena, trɔ̃ enye nu loo, alo trɔ̃ ƒe vɔsasa enye nua?

²⁰Hafi boŋ mele gbɔgblɔm bena, nusi trɔ̃subɔlawo mèna la, gbɔgbɔ vɔ̃wo womèa wo na, eye menye Mawu o; ke nyemele didim bena, miade ha kple gbɔgbɔ vɔ̃wo o.

²¹Miate ŋu ano Aƒetɔ la ƒe kplu, agano gbɔgbɔ vɔ̃wo ƒe kplu hã o; miate ŋu akpɔ gome le Aƒetɔ la ƒe kplɔ̃ ŋuti, agakpɔ gome le gbɔgbɔ vɔ̃wo ƒe kplɔ̃ ŋuti hã o.

²²Alo ɖe miana Aƒetɔ la naʋã ŋua? Ɖe míesesẽ wui mahã?

²³Woɖe nuwo katã ƒe mo na ame, ke menye nuwo katãe nyona na ame o; woɖe nuwo katã ƒe mɔ na ame, ke menye nuwo katãe doa ame ɖe ŋgɔgbe o.

²⁴Amea ɖeke nagadi ye ŋutɔ tɔ o, ke nusi nye ame bubu ta la boŋ.

²⁵Nusianu, si wodzrana le lãƒleƒe la, miɖui faa, eye migabia eta se le dzitsinya ŋuti o.

²⁶Elabena anyigba la kple nusiwo katã yɔ edzi la, nye Aƒetɔ la tɔ.

²⁷Ke ne dzimaxɔsetɔwo dome amea ɖe kpe mi, eye mielɔ̃ be, yewoayi la, miɖu nusianu, si wotsɔ ɖo mia kɔme la, eye migabia eta se o le dzitsinya ŋuti.

²⁸Ke ne amea ɖe gblɔ na mi bena; Trɔ̃wo ƒe vɔsa nye esi la, ekema migaɖui le amesi gblɔe fia mi la kple dzitsinya la ŋuti o.

²⁹Ke menye mia ŋutɔwo ƒe dzitsinyae mewɔnɛ o, ke ame keme to boŋ; elabena nukaŋuti ame bubu ƒe dzitsinya adrɔ̃ ʋɔnu nye ablɔɖenyenye ma?

³⁰Ne metsɔ akpedada ɖu nu la, nukaŋuti woagblɔ busunya ɖe ŋutinye le nusi ta meda akpe ɖo la ŋuti mahã?

³¹Azɔ la ne miele nu ɖum alo miele nu nom alo miele dɔa ɖe wɔm la, miwɔ ye katã na Mawu ƒe kafukafu,

³²Migazu nukikli na Yudatɔwo kple Helatɔwo kple Mawu ƒe hame la o;

³³abe alesi nye hã mele ɖiɖim bena, madze amewo katã ŋu le nusianu me, eye nyemedia nusi nyo na nye ŋutɔ o, ke nusi nyo na ame geɖeawo boŋ, bene woakpe agbexɔxɔ la ene.