Read ewe Korintotɔwo I 4 Bible Online

Korintotɔwo I 4 - ewe bible

Korintotɔwo I 4

¹Ale ame nabu mí enye esi: Abe Kristo ƒe dɔlawo kple Mawu ƒe nya ɣaɣlawo ƒe xɔnuviwo ene.

²Ke nusi gakpe ɖe eŋuti la, enye bena, wodina tsoa xɔnuviwo gbɔ, bene woakpɔ wo nuteƒewolawoe.

³Ke nye la nu via ɖe ŋutɔ ko wònye nam, ne woadrɔ̃ ʋɔnum le miawo alo amea ɖe ƒe ʋɔnudrɔ̃gbe dzi; evo la nyemedrɔ̃ ʋɔnu nye ŋutɔ ɖokuinye hã o.

⁴Elabena nyemenya naneke le ɖokuinye ŋuti o, ke menye eyata wotso afia nam o, ke Aƒetɔ lae nye amesi drɔ̃ ʋɔnum.“

⁵Eyata migadrɔ̃ ʋɔnu naneke, hafi ɣeyiɣi la nava ɖo o, halase esime Aƒetɔ la ava, amesi ahe viviti me nya ɣaɣlawo ava kekeli nui, eye wòaɖe dzimedaŋudedewo ɖe go afia la, ekema amesiame akpɔ kafukafu tso Mawu gbɔ.

⁶Ke nɔviwò, nusiawo megblɔ heɖo mía kple Apolo ŋuti le mia ta, bene miasrɔ̃ nu le mía gbɔ, bena miagasusu awu nusi woŋlɔ ɖi la o, bena mia dome amea ɖeke nagado eɖokui ɖe dzi le ame ɖeka ta ɖe ame bubu ŋuti o.

⁷Elabena ameka na nèto vovo ma? Eye nukae le asiwò, si mèxɔ oa? Ke ne wò hã nèxɔe la, nukaŋuti nèle adegbe ƒom abe menye ɖe nèxɔe ene oa?

⁸Míeɖi ƒo xoxo, míezu kesinɔtɔwo xoxo, miegblẽa mi ɖi ɖua fia; ɖe miaɖu fia gɔ̃, bene miawo hã míaɖu fia kpakpli mi la, ne anyo!

⁹Elabena mele susum bena, Mawu tsɔ mí apostolowo wɔ mamletɔwo, abe amesiwo woɖo anyi na ku ene, elabena míezu nukpɔkpɔ na xexeame kple mawuɖɔlawo kple amewo siaa.

¹⁰Míenye bometsilawo le Kristo ŋuti, ke miawo la nunyalawo míenye le Kristo me; miawo la miegbɔdzɔna, ke miawo la miesẽa ŋu; wobua mi, ke miawo la woɖoa vlo mi.

¹¹Vaseɖe gaƒoƒo sia dzi la dɔ kple tsikɔ wua mí, eye miezɔa amama, eye woƒoa mí kple kɔ, eye nɔƒe gobia ɖeke meli na mi o.

¹²Eye míedzea agbagba, eye míetsia mía ŋutɔwo míaƒe asiwò wɔa dɔ; ne wodzu mí la, míeyrana; ne woti mía yome la, mieɖoa dzi tsɔnɛ;

¹³ne wodo busu mi la, míeɖea kuku; míezu abe xexe sia me ƒe aɖukpodzinuwo ene, amewo katã ƒe gbeɖuɖɔ vaseɖe egbegbe sia.

¹⁴Menye ɖe meŋlɔ nusiawo, bene maɖo ŋukpe mi o, ke boŋ bene maxlɔ̃ nu mi abe nye lɔlɔ̃viwo ene.

¹⁵Elabena ne vidzikpɔla akpe ewo le mia si le Kristo me hã la, fofo geɖe meli na mi o; elabena metsɔ nyanyuie la dzi mi le Kristo Yesu me.

¹⁶Eyaŋuti mele nu xlɔ̃m mi bena: Mizu srɔ̃nyelawo.

¹⁷Eyata medɔ Timoteo, si nye vinye blɔtɔ kple nuteƒewɔla le Aƒetɔ me la, ɖo ɖe mia gbɔ; amesia aɖo ŋku nye mɔ, siwo le Kristo me, abe alesi mele nu fiam le ha sia ha me le afisiati ene la, dzi na mi.

¹⁸Ke amea ɖewo do wo ɖokui ɖe dzi, abe ɖe nyemegale mia gbɔ va ge o ene.

¹⁹Ke ne Aƒetɔ la lɔ̃ la, mava mia gbɔ kpuie, eye nyemele, madze si amesiwo do wo ɖokui ɖe dzi la ƒe nyawo o, ke woƒe ŋusẽ boŋ.

²⁰Elabena menye nya mee mawufiaɖuƒe la le o, hafi ŋusẽ me boŋ wòle.

²¹Nuka dim miele? Ɖe matso ali ava mia gbɔ loo, alo matsɔ lɔlɔ̃ kple dɔmefafa ƒe gbɔgbɔ la ava mia gbea?