Read ewe Galatiatɔwo 1 Bible Online

Galatiatɔwo 1 - ewe bible

Galatiatɔwo 1

¹Paulo, si nye apostolo — menye amewo gbɔ wòtso, eye meto amea ɖeke hã dzi o, ke boŋ eto Yesu Kristo kple Mawu Fofo, si fɔe ɖe tsitre tso ame kukuwo dome la dzi la —

²kple nɔvi, siwo katã li kplim la, ŋlɔe ɖo ɖe Galatia-hamewo:

³Amenuveve kple ŋutifafa woana mi tso Mawu Fofo la kple mía Aƒetɔ Yesu Kristo gbɔ,

⁴amesi tsa eɖokui hena le mia nuvɔ̃ ŋuti, bene yeaɖe mí atso xexeme vɔ̃ɖi, si li fifia me le Mawu, mía Fofo, ƒe lɔlɔ̃nu la nu,

⁵amesi to anye kafukafu tso mavɔ me yi ɖe mavɔ me! Amen.

⁶Mewo yaa bena, miena wote mi ɖa tso amesi yɔ mi le Kristo ƒe amenuveve me la gbɔ kaba ŋutɔ ale heyina nyanyuie bubua ɖe me,

⁷wònye nyanyuie bubua ɖeke meli o, negbe bena amea ɖewo li, siwo blu miaƒe tame, eye wole didim be, yewoadze ŋe Kristo ƒe nyanyuie la.

⁸Ke nenye míawo alo mawudɔla, si tso dziƒo gɔ̃ hã, agblɔ nyanyuie la bubui afia mi, ɖe esi míegblɔ na mi teƒe la, nezu busu!

⁹Abe alesi míegblɔ tsã la, magagblɔe fifi hã bena, ne amea ɖe gblɔ nyanyuie la bubui fia mi ɖe esi miexɔ teƒe la, nezu busu!

¹⁰Ke azɔ la, ɖe megale nu ƒom, bena wòanyo amewo ŋu loo, alo Mawu ŋua? Alo ɖe mele didim bena, madze amewo ŋua? Ɖe megale amewo ŋu dzem la, anye ne nyemeganye Kristo ƒe dɔla o.

¹¹Ke mana mianyae, nɔviwo, bena nyanyuie, si megblɔ fia mi ta, menye amewo to wonye o.

¹²Elabena nye hã nyemexɔe tso ame si me, eye nyemesrɔ̃e hã o, ke boŋ mexɔe to Yesu Kristo ƒe nyaɖeɖefia me.

¹³Elabena miese nye tsãnyinɔnɔ le Yudatɔnyenye me bena, meɖikpi ti Mawu ƒe hame la yome akpa, eye megblɔe.

¹⁴Eye mede ŋgɔgbe le Yudatɔnyenye me wu nye hati geɖewo le nye dukɔ la dome, eye meɖikpi ʋã ŋu akpa le mía fofowo ƒe nuɖoanyiwo ŋuti.

¹⁵Ke esime wòdze Mawu, si tiam le danye ƒe dome ke, eye wòto eƒe amenuveve me yɔm la ŋu,

¹⁶bena wòɖe ye ŋuta Via ɖe go fia le menye, bene magblɔ eŋuti nyanyuie la afia le trɔ̃subɔlawo dome la, enumake mía kple ŋutilã kple ʋu míetia nya me o,

¹⁷eye nyemeyi Yerusalem ɖe amesiwo tre apostolonyenye nam la gbɔ o, ke boŋ metɔ dzi heyi ɖe Arabia, eye megagbugbɔ va Damasko.

¹⁸Ƒe etɔ̃ megbe la meyi ɖe Yerusalem, Petro nya ge, eye menɔ egbɔ ŋkeke wuiatɔ̃.

¹⁹Ke nyemekpɔ apostolowo dome ame bubua ɖeke o, negbe Yakobo. Aƒetɔ la nɔvi ko.

²⁰Ke nusi meŋlɔ na mi la, kpo ɖa, Mawu ƒe ŋku mee bena, nyemeka aʋatso o.

²¹Emegbe la meva Siria kple Kilikia nutoawo me.

²²Ke Yudea-hame, siwo le Kristo me la, menyam le ŋku me o.

²³Ke ɖeko wose bena, amesi ti mía yome tsã la, gblɔa xɔse ƒe nyanyuie, si wògblẽ tsã la, fiana azɔ.

²⁴Eye wokafu Mawu le tanye.