Read ewe Yosua 24 Bible Online

Yosua 24 - ewe bible

Yosua 24

¹Tete Yosua na Israel-toawo katã va kpe ta ɖe Sixem, eye wòyɔ ame tsitsiwo kple tatɔwo, ʋɔnudrɔ̃lawo kple dzikpɔlawo, eye wova tsi tre ɖe Mawu ŋku me.

²Eye Yosua gblɔ na dukɔ blibo la bena: Ale Yehowa, Israel ƒe Mawu la, gblɔ esi: Tsãtsãtsã la mia fofowo nɔ tɔsisi la ƒe go keme dzi, Tarax, Abraham kple Naxor fofo, eye wosubɔ mawu bubuwo.

³Tete mekplɔ mia fofo Abraham tso tɔsisi la ƒe go keme dzi, eye mena wotsa le Kanaan-nyigba blibo la dzi — mena viawo dzi ɖe dzi — eye metsɔ Isak nɛ.

⁴Metsɔ Yakob kple Esau na Isak, eye metsɔ Seir-to na Esau, be wòanye etɔ, ke Yakob kple viawo ya ʋu yi Egipte.

⁵Tete medo Mose kple Aron, eye metsɔ nusiwo mewo la, ɖe fu na Egiptetɔwo; emegbe me, kplɔ mi dzoe.

⁶Eye esi mekplɔ mia fofowo tso Egipte, eye mieva ƒua nu la, Egiptetɔwo tsɔ tasiaɖamwo kple sɔwo ti mia fofowo yome va Avaƒu la nu.

⁷Eye wodo ɣli yɔ Yehowa, tete wòde viviti mia kple Egiptetɔwo dome, eye wòna ƒu la ŋe gbagba ɖe wo dzi. Miekpɔ nusiwo mewo Egiptetɔwo la kple ŋku, eye mietsi gbedzi eteƒe didi.

⁸Emegbe mekplɔ mi va Amoritɔwo, siwo no Yordan ƒe go keme dzi la, ƒe anyigba dzi, eye wowɔ aʋa kpli mi; ke metsɔ wo de asi na mi, miexɔ woƒe anyigba, eye metsrɔ̃ wo le mia ŋgɔ.

⁹Tete Moab-fia Balak, Zipor vi, ho va wo aʋa kple Israel, eye wòdo woyi ɖayɔ Bileam, Beor vi vɛ, be wòaƒo fi ade mi;

¹⁰ke megbe toɖoɖo Bileam, eye wotso mi yra boŋ, eye meɖe mi tso esi me.

¹¹Eyome mietso Yordan va Yerixo; tete Yerixotɔwo, Amoritɔwo, Perizitɔwo, Kanaanitɔwo, Xititɔwo, Girgasitɔwo, Xiwitɔwo kple Yebusitɔwo va wo aʋa kpli mi, eye metso wo ɖe asi na mi.

¹²Medɔ teamekplɔɖoewo ɖe mia ŋgɔ, eye wonyã Amoritɔwo ƒe fia eveawo le mia ŋgɔ; menye wò yi kple wò dae wɔe o.

¹³Metso anyigba, si ŋu miedze agbagba le o la, na mi kple ɖu, siwo mietso o la, be mianɔ wo me, eye metsɔ weinbɔ kple amitibɔ, siwo mietso o la, na mi, be miaɖu wo me nuwo.

¹⁴Eyata mivɔ̃ Yehowa, eye misubɔe blibo le nyateƒe me, miɖe mawu, siwo mia fofowo subɔ le tɔsisi la godo kple Egipte la ɖa, eye misubɔ Yehowa!

¹⁵Ke ne Yehowa subɔsubɔ medze mia ŋu o la, ekema mitia, amesi subɔ ge míala, egbea: eɖanye mawu, siwo mia fofowo subɔ le tɔsisi la godo, alo Amoritɔ, siwo ƒe anyigba dzi miele la, ƒe mawuwo o. Ke mía kple nye aƒe ya miasubɔ Yehowa!

¹⁶Tete dukɔ la ɖo ŋu gblɔ bena: Nede megbe xaa tso mía gbɔ be, miagblẽ Yehowa ɖi asubɔ mawu bubuwo!

¹⁷Ke boŋ Yehowa enye mía Mawu, eyae kplɔ mía kple mia fofowo tso Egipte-nyigba dzi le kluvinyenyeƒe me, eye wòwɔ dzesi gã siawo le mía ŋku me, eye wòkpɔ mia ta le mɔ blibo, si miezɔ heto dukɔ geɖewo dome la dzi.

¹⁸Yehowa nyã dukɔwo katã kple Amoritɔ, siwo nɔ anyigba dzi la, ɖa le mía ŋgɔ. Miawo hã miasubɔ Yehowa, elabena eyae nye mía Mawu!

¹⁹Yosua ɖo ŋu na dukɔ la bena: Miate ŋu asubɔ Yehowa o, elabena Mawu kɔkɔe kple Mawu hã ŋu wònye, matsɔ miaƒe vodadawo kple nuvɔ̃wo ake mi o.

²⁰Ne miegblẽ Yehowa ɖi, eye miesubɔ mawu bubuwo la, ekema ahe vɔ̃ ava mia dzi, eye woatsrɔ̃ mi ɖa, evɔ wònye ewɔ nyuie na mi va yi hafi.

²¹Tete dukɔ la ɖo ŋu na Yosua bena: Gbeɖe, Yehowa ko miasubɔ!

²²Yosua gblɔ na dukɔ la bena: Mia ŋutɔwoe nye ɖasefo na mia ɖokui be, mietia Yehowa, be miasubɔ. Woɖo ŋu be: Ẽ, mia ŋu tɔwoe nye ɖasefo.

²³Ekema miɖe mawu bubuwo ɖa le mia dome, eye mitrɔ miaƒe dzi ɖe Yehowa, Israel ƒe Mawu la ŋu!

²⁴Eye dukɔ la ɖo ŋu na Yosua bena: Yehowa, mia Mawu ta, miasubɔ, eye eƒe gbe ko miase!

²⁵Ale Yosua bia nu kple dukɔ la gbemagbe, eye wòtsɔ seawo kple ɖoɖoawo ɖo woƒe ŋku me le Sixem.

²⁶Eye Yosua ŋlɔ nya siawo ɖe Mawu ƒe segbalẽ la me, eye wotsɔ kpe gãa ɖe ɖi ɖe afima le logoti, si le Yehowa ƒe kɔkɔeƒea gbɔ la te.

²⁷Tete Yosua gblɔ na dukɔ blibo la bena: Kpɔ ɖa, kpe sia nye ɖase na mi, elabena ese nya, siwo katã Yehowa gblɔ na mi la, eye wòanye ɖase na mi, ne miagasẽ nu le mia Mawu la ŋu o.

²⁸Emegbe Yosua de asi le dukɔ la ŋu, eye amesiame yi eƒe anyigba dzi. Yosua kple Eleazar ƒe ku. Woɖi Yosef ƒe fuwo.

²⁹Nya siawo megbe la Yehowa ƒe dɔla Yosua. Nun vi, amesi xɔ ƒe alafa ɖeka kple ewo la ku,

³⁰eye woɖu ɖe eya ŋutɔ ƒe anyigba dzi le Timnat-Serax, si le Efrayim-to dzi, le Gaas-to ƒe anyiehe gome.

³¹Eye Israel subɔ Yehowa, ŋkeke alesi Yosua nɔ agbe kple ŋkeke alesi ame tsitsi, siwo nɔ agbe le Yosua megbe eteƒe didi, eye wokpɔ nusiwo katã Yehowa wɔ na Israel teƒe la, le agbe.

³²Eye Israel-viwo ɖi Yosef ƒe ƒu, siwo wotsɔ tso Egipte vɛ la, ɖe Sixem, ɖe anyigba, si Yakob ƒle kesita alafa ɖeka le Sixem fofo Xamor ƒe viwo si la dzi, eye wòtrɔ zu Yosef-viwo ƒe domenyinu.

³³Eye Eleazar, Aron vi, hã ku, eye woɖii ɖe Gibea, si wotsɔ na via Pinehas ɖe Efrayim-to dzi la.