Read ewe Ʋɔnudrɔ̃lawo 11 Bible Online

Ʋɔnudrɔ̃lawo 11 - ewe bible

Ʋɔnudrɔ̃lawo 11

¹Yefta, Gileadtɔ la, enye ŋutsu kalẽtɔa ɖe, ke gbolovie wònye, eye Gilead ye dzi Yefta.

²Eye Gilead srɔ̃ dzi viwo nɛ, eye esi srɔ̃ ƒe viwo tsi la, wonyã Yefta gblɔ nɛ bena: Wòa mànyi dome le mía fofo ƒe me o, elabena nyɔnu bubu vi nènye!

³Tete Yefta si le nɔviawo nu yi ɖanɔ Tob-nyigba dzi, eye yakamewo va kpe ta ɖe Yefta ŋu, eye woɖea aʋa kplii.

⁴Esi eteƒe didi ʋee la, Amon-viwo va wo aʋa kple Israel.

⁵Eye esi Amon-viwo ho aʋa ɖe Israel ŋu la, Gilead-ame tsitsiwo yi, be woakplɔ Yefta tso Tob-nyigba dzi vɛ

⁶Wogblɔ na Yefta bena: Va nanye míaƒe aʋafia, ne miawo aʋa kple Amon-viwo!

⁷Tete Yefta ɖo ŋu na Gilead-ame tsitsiwo bena: Menye miawoe le fum, eye mienyãm tso fofonye ƒe me oa? Azã esi mieɖo xaxa me la, mieva gbɔnye!

⁸Gilead-ame tsitsiwo gblɔ na Yefta bena: Esia ta pɛ mieva gbɔwo ɖo, be nayi kpli mi, ne miawo aʋa kple Amon-viwo, eye natre zu nato ɖe Gileadtɔwo katã nu!

⁹Eye Yefta gblɔ na Gilead-ame tsitsiwo bena: Ne miekplɔm meyi ɖawɔ aʋa kple Amon-viwo, eye Yehowa tso wo ɖe asi nam la, ekema manye miaƒe tatɔ.

¹⁰Gilead-ame tsitsiwo gblɔ na Yefta bena: Yehowa enye ɖasefo le mía dome! Miawo, abe alesi nègblɔ ene kokoko.

¹¹Tete Yefta yi kple Gilead-ame tsitsiawo, eye Yefta gblɔ nya siawo katã le Yehowa ŋku me le Mizpa.

¹²Eye Yefta do amewo ɖo ɖe Amon-viwo ƒe fia gbɔ gblɔ bena: Nya ka le mía dome, hafi nèho ɖe ŋunye, be nawɔ aʋa kple nye anyigba?

¹³Amon-viwo ƒe fia gblɔ na Yefta ƒe dolawo bena: Elabena Israel xɔ nye anyigba, esime wotso Egipte va, tso Arnon nu vaseɖe Yabok kple Yordan nu; eyata gagbugbɔe nam kpoo!

¹⁴Tete Yefta gadɔ amewo ɖo ɖe Amon-viwo ƒe fia eho,

¹⁵eye wògblɔ nɛ bena: Yefta ƒe gbe enye si: Israel mexɔ anyigbaa ɖeke le Moabtɔwo kple Amon-viwo si o.

¹⁶Elabena esi Israel tso Egipte, eye wòto gbedzi va Avaƒu la nu heva ɖo Kades la,

¹⁷edo ame ɖo ɖe Edom-fia be, woagblɔ nɛ bena: Na mato wò anyigba dzi ayi! Ke Edom-fia melɔ̃ edzi nɛ o. Eda ame ɖo ɖe Moab-fia gbã, ke eya hã gbe; eyata Israel tsi Kades.

¹⁸Eye wòto gbedzi hetrɔ Edom-nyigba kple Moab-nyigba ta, eye wova ɖo Moab-nyigba ƒe ɣedzeƒe gome heƒu asaɖa anyi ɖe Arnon ƒe go keme dzi, ke womeva Moab-nyigba dzi o, elabena Arnon ye do liƒo na Moab.

¹⁹Tete Israel do amewo ɖo ɖe Amoritɔwo ƒe fia Sixon, si no Xesbon la gbo be, woagblɔ nɛ bena: Na mato wò anyigba dzi ayi, vaseɖe esime made denyeƒe!

²⁰Ke Sixon meɖo ŋu ɖe Israel ŋu, ne wòana wòato eƒe anyigba dzi ayi o, eye Sixon ƒo eƒe dukɔ blibo la nu ƒu heva ƒu asaɖa anyi ɖe Yaza, eye wòwɔ ana kple Israel.

²¹Tete Yehowa, Israel ƒe Mawu la, tso Sixon kple eƒe dukɔ blibo la de asi na Israel, eye wòsi wo. Ale Israel xɔ Amoritɔ, siwo nye anyigba dzi towo la, ƒe anyigba blibo la wòzu wo to.

²²Eye woxɔ Amoritɔwo ƒe anyigba blibo la tso Arnon nu vaseɖe Yabok nu, tso gbedzi vaseɖe Yordan nu.

²³Yehowa, Israel ƒe Mawu la, nyã Amoritɔwo ɖa le eƒe dukɔ Israel ŋgɔ tso, hafi wòa nèbe, yeaxɔe wòanye tɔ wòa?

²⁴Me wò mawu Kemos xɔ nane na wò la, eya nye tewò, ke amesiwo katã Yehowa, mía Mawu, nyã le mía ŋgɔ la ƒe anyigba enye mía tɔ.

²⁵Wòe nye ame wu Moab-fia Balak, Zipor vi la? Ɖe wòwɔ dzre kple Israel alo wɔ aʋa kplii kpɔa?

²⁶Esi Israel nɔ Xesbon kple eƒe duwo, Aroer kple eƒe duwo, kpakple du, siwo katã le Arnon nu me, ƒe alafa etɔ̃ sɔŋ enye si la, nukaŋuti mienyã wo le ɣeyiɣi siawo me kpɔ o?

²⁷Nyemeda voa ɖeke ɖe ŋuwò, hafi wòa nèwɔ nu vɔ̃ɖi sia ɖe ŋunye hehe, yeawɔ aʋa kplim o. Yehowa, nye ʋɔnudrɔ̃la, nadrɔ̃e na Israel-viwo kple Amon-viwo egbea!

²⁸Ke Amon-viwo ƒe fia meɖo to Yefta ƒe nya, siwo wògblɔ ɖo ɖee la o.

²⁹Tete Yehowa ƒe gbɔgbɔ dze Yefta dzi, eye wòto Gilead kple Manase heva Mizpe-Gilead; eye woho tso Mizpe-Gilead ɖe Amon-viwo ŋu.

³⁰Eye Yefta ɖe adzɔgbe na Yehowa gblɔ bena: Ne ètsɔ Amon-viwo ɖe asi nam vava,

³¹eye megbɔ tso Amon-viwo gbɔ le ŋutifafa me la, ekema nusianu, si ke ado tso aƒenye me ava kpena la, anye Yehowa tɔ, eye matsɔe asa numevɔe.

³²Tete Yefta ho aʋa ɖe Amon-viwo ŋu, eye Yehowa tsɔ wo ɖe asi nɛ.

³³Eye wòsi wo tso Aroer vaseɖe Minit heva ke ɖe Abel-Keramim, wole; du blave, eye wòɖu wo dzi vevie ŋutɔ. Ale wobɔbɔ Amon-viwo, ɖe anyi le Israel-viwo ŋku me.

³⁴Eye esi Yefta gbɔ va aƒe le Mizpa la, kpɔ ɖa, vianyɔnu tsɔ axatsɛ le ɣe ɖum va kpee; ŋutsuvi alo nyɔnuvia ɖeke megale esi o, eyae nye eƒe tesi.

³⁵Esi wòkpɔe la, edze eƒe awuwo gblɔ bena: Oo, vinye, èdo nublanuitɔm, eye nèhe dzɔgbevɔ̃e va dzinyea? Meke nu na Yehowa, eye nyemagate ŋu atrɔe o!

³⁶Tete wòɖo ŋu nɛ bena: Fofonye, ne èke nu na Yehowa la, ekema wɔm, abe alesi do tso wò nu me ene, elabena Yehowa bia hlɔ̃ wò futɔ, siwo nye Amon-viwo, na wò!

³⁷Eye wògblɔ na fofoa bena: Wɔ esia ko nam: Ɖe mɔ nam dzinu eve, ne mia kple xɔ̃nyewo míayi towo dzi aɖafa nye ɖetugbinyenye!

³⁸Eɖo ŋu bena: Heyi! Ale wòɖe mɔ nɛ dzinu eve, eye eya kple xɔlɔ̃wo yi ɖafa eƒe ɖetugbinyenye le towo dzi.

³⁹Esi dzinu evea nu yi la, egbugbɔ va fofoa gbɔ, eye wòwɔ nyɔnuvi la, abe alesi wòɖe adzɔgbee ene. Ke ŋutsua ɖeke mede asi eŋu kpɔ o. Eye wòtrɔ zu kɔnu le Israel ƒe sia ƒe

⁴⁰be, Israel-nyɔnuviwo yina ɖafaa Gileadtɔ Yefta ƒe vinyɔnu ŋkeke ene le ƒe ɖeka me.