Read ewe Ʋɔnudrɔ̃lawo 15 Bible Online

Ʋɔnudrɔ̃lawo 15 - ewe bible

Ʋɔnudrɔ̃lawo 15

¹Esi eteƒe didi ʋee la, Simson tsɔ gbɔ̃via ɖe le luxaɣi yi srɔ̃a kpo ge ɖae, eye wògblɔ bena Na mayi srɔ̃nye gbɔ le xɔgã me! Ke nyɔnua fofoa mena wòyi o,

²eye wògblɔ bena: Mebu be, ɖe nèlé fui keŋ, eyata metsɔe na hawòti. De eƒe tsɛ medze tugbe wui oa? Xɔ eya ɖe eteƒe!

³Ke Simson gblɔ na wo bena: Ne mehe dzɔgbevɔ̃e va Filistitɔwo dzi fifia la, nyemeɖi fɔ o.

⁴Tete Simson yi ɖalé abei alafa etɔ̃, eye wòbia akakatiwo; etrɔ asike eve kpe, eye wòbia akakati ɖeka ɖe asike eveawo domee.

⁵Emegbe wòdra akakatiawo heɖe asi le wo ŋu ɖo ɖe Filistitowo ƒe agblewo me; eye ale wòto dzo lu, siwo woxa, kple esiwo le tsitre nu kpakple amitibɔwo.

⁶Filistitɔwo gblɔ bena: Ameka wo nusia? Eye wogblɔ bena: Simson, Timnattɔ ƒe toe wòe, elabena woxɔ srɔ̃a tso na eƒe hati. Tete Filistitowo va tɔ dzo nyɔnu la kple fofoa.

⁷Eye Simson gblɔ na wo bena: Ne miewɔ alea hã la, mabia hiã mi kokoko hafi adzudzɔ!

⁸Eye wòdza sobo kple ali na wo nyamanyama. Tete wòdzo yi ɖanɔ agato me le Elam.

⁹Eye Filistitɔwo ho va ƒu asaɖa anyi ɖe Yuda, eye wokaka ɖe Lexi.

¹⁰Tete Yuda-ŋutsuwo gblɔ bena: Nukaŋuti mieho ɖe mía ŋu? Woɖo ŋu bena: Simson lé ge mieva, ne míawɔe, abe alesi wòwɔ mí ene.

¹¹Eye Yuda-ŋutsu akpe etɔ̃ yi agato la me le Elam gblɔ na Simson bena: Menyae be, Filistitɔwoe le mia dzi ɖum oa? Eɖo ŋu na wo bena: Alesi wowɔm la, nenema mewo wo.

¹²Tete wogblɔ nɛ bena: Lé wò ge mieva, ne miatsɔ wò ade asi na Filistitɔwo! Simson ɖo ŋu na wo bena: Mika atam nam be, menye mia ŋutɔwoe le dza ye ge o!

¹³Woɖo ŋu ne bena: Kpao, ɖeko miebe, miabla wò aɖade asi na wo, ke miele wu wò ge ya o. Eye woblae kple atagbi yeye eve hekplɔe tso agato la me.

¹⁴Eye esi wova ɖo Lexi la, Filistitɔwo tso aseye ɖe eŋu; tete Yehowa ƒe gbɔgbɔ dze edzi, eye ka, siwo le alɔ ŋu nɛ la, zu abe anazi, si dzo ƒo ene, eye bablawo bebe le asi ŋu nɛ.

¹⁵Eye wòkpɔ tedziglã mumua ɖe hedo asi ɖa tsɔe wu ame akpe ɖeka.

¹⁶Eye Simson gblɔ be: Tedziglã metso li kɔ kɔe, tedziglã metso wu ame akpe!

¹⁷Esi wòƒo nu vo la, eɖe asi le tedziglã la ŋu ƒu gbe; eyata wona ŋkɔ teƒe ma be glãtogbɛ.

¹⁸Tete tsikɔ wui ŋuta, eye wòdo ɣli yɔ Yehowa gblɔ bena: Ete wò dɔla ƒe asi dzi ɖu dzi gã sia, eye azɔ tsikɔ nawum maku, eye mage ɖe bolotɔ siawo si mea?

¹⁹Tete Mawu fe kpea ɖe le Lexi, eye tsi do le eme wono, ale be agbe gaɖo eme, eye eƒe lãme kɔ. Eyata wona ŋkɔ vudo la be ameyɔlavudo; ele Lexi vaseɖe egbe.

²⁰Eye wòdrɔ̃ ʋɔnu na Israel le Filistitowo ŋɔli ƒe blave sɔŋ.