Read fon Bǐbɛ́mɛ 36 Bible Online

Bǐbɛ́mɛ 36 - fon bible

Bǐbɛ́mɛ 36

¹Esawu e è nɔ lɛ́ ylɔ́ ɖɔ Edɔ́mu ɔ́ sín vǐ lɛ́ɛ ɖíe:

² É da asi tɔn lɛ́ɛ ɖo Kanáanu lɛ́ɛ mɛ: é da Ada, Elɔ́ni Hitíti ɔ́ sín vǐ, bó da Oxoliváma Ana ví ɔ́. Ana ɔ́, Siveɔ́ni Hivíti ɔ́ sín vǐ wɛ.

³ É lɛ́ da Basimáti, Isimayɛ́li ví ɔ́; Basimáti ɔ́, Nɛbayɔ́ti nɔví wɛ.

⁴Ada ɔ́ ji Elifázi; Basimáti ɔ́ ji Hlewuyɛ́li.

⁵Oxoliváma ɔ́ ka ji Yewúci, Yaelámu, kpódó Koláxi kpó. Vǐ súnnu e è ji nú Esawu ɖo Kanáa lɛ́ɛ nɛ́.

⁶É su gbe ɖokpó bɔ Esawu kplá asi tɔn lɛ́ɛ, bó kplá vǐ tɔn súnnu lɛ́ɛ kpó nyɔ̌nu lɛ́ɛ kpó, kpódó mɛsɛntɔ́ tɔn lɛ́ɛ bǐ kpó. É bɛ́ gbɔ̌hwan tɔn lɛ́ɛ kpódó kanlin tɔn lɛ́ɛ kpó, kpódó dɔkun e é jɛ ɖo Kanáa ɔ́ bǐ kpó, bó yi to ɖěvo mɛ, bó lín dó nɔví tɔn Jakɔ́bu.

⁷Đó dɔkun e yě jɛ lɛ́ɛ sukpɔ́ káká, bɔ yě sixú nɔ kpɔ́ ǎ. Ayǐkúngban e jí yě ɖe ɔ́ sɔ́ kpé bónú kanlin yětɔn lɛ́ɛ ná mɔ nǔ ɖu ǎ.

⁸Énɛ́ ɔ́, Esawu jɛ agban nyi sókan mɛ ɖo Eyíi. Esawu wɛ nɔ lɛ́ nyí Edɔ́mu.

⁹Esawu ví lɛ́ɛ sín nyǐkɔ ɖíe: è nɔ lɛ́ ylɔ́ yě ɖɔ Edɔ́munu lɛ́ɛ; yě nɔ́ nɔ sókan mɛ ɖo Seyíi.

¹⁰Vǐ tɔn we sín nyǐkɔ ɖíe: Elifázi, asi tɔn Ada ví ɔ́, Hlewuyɛ́li, asi tɔn Basimáti ví ɔ́.

¹¹Elifázi ɔ́, vǐ tɔn lɛ́ɛ wɛ nyí Temani, Omáa, Sefóo, Gayetámu kpódó Kenázi kpó.

¹²Elifázi lɛ́ ɖó asi[12] ɖokpó, bɔ é nɔ́ nyí Timuna; éyɛ́ ji vǐ súnnu ɖokpó n'i, bɔ vǐ ɔ́ nɔ́ nyí Amalɛ́ki. Esawu kpó asi tɔn Ada kpó sín vǐvú lɛ́ɛ nɛ́.

¹³Hlewuyɛ́li sín vǐ súnnu lɛ́ɛ wɛ nyí Naxáti, Zeláxi, Camúma kpódó Miziza kpó. Esawu kpódó asi tɔn Basimáti kpó sín vǐvú lɛ́ɛ nɛ́.

¹⁴Esawu sín asi Oxoliváma e nyí Ana ví, bó nyí Siveɔ́ni sín vǐvú ɔ́ ji Yewúci, Yaelámu kpódó Koláxi kpó.

¹⁵Mɛ e jɔ ɖo Esawu kún mɛ, bó nyí gǎn ɖo akɔta lɛ́ɛ nu lɛ́ɛ sín nyǐkɔ ɖíe: Nukɔngbéví Esawu tɔn Elifázi ɔ́, vǐ tɔn e nyí gǎn lɛ́ɛ sín nyǐkɔ ɖíe: Temani, Omáa, Sefóo, Kenázi,

¹⁶Koláxi, Gayetámu, Amalɛ́ki. Elifázi sín vǐ e nyí gǎn ɖo Edɔ́mu lɛ́ɛ nɛ́. Ada wɛ nyí nɔ yětɔn.

¹⁷Hlewuyɛ́li Esawu ví ɔ́ sín vǐ e nyí gǎn lɛ́ɛ sín nyǐkɔ ɖíe: Naxáti, Zeláxi, Camúma, Miziza. Hlewuyɛ́li sín vǐ e nyí gǎn ɖo Edɔ́mu lɛ́ɛ nɛ́. Esawu sín asi Basimáti ɔ́ sín vǐvú lɛ́ɛ wɛ.

¹⁸Esawu sín vǐ e nyí gǎn lɛ́ɛ ɖíe: Yewúci, Yaelámu, Koláxi. Asi tɔn Oxoliváma, Ana ví ɔ́ wɛ ji yě n'i.

¹⁹Hǔn Esawu vívú e nyí gǎn ɖo akɔta lɛ́ɛ nu ɖo Edɔ́mu lɛ́ɛ sín nyǐkɔ nɛ́.

²⁰Seyíi Holiti ɔ́ sín vǐ e nyí gǎn lɛ́ɛ sín nyǐkɔ ɖíe: yě wɛ kó ɖo Edɔ́mu to ɔ́ mɛ cóbɔ Esawu wá; yě wɛ nyí Lotáni, Covalu, Siveɔ́ni, Ana,

²¹Dicɔ́ni, Esɛ́ɛ kpódó Dicáni kpó; Seyíi sín vǐ wɛ yě nyǐ, bɔ è ji yě ɖo Edɔ́mu.

²²Lotáni ɔ́, vǐ tɔn lɛ́ɛ sín nyǐkɔ ɖíe: Holi kpódó Hemamu kpó; Lotáni ɖó nɔví nyɔ̌nu ɖokpó, bɔ è nɔ ylɔ́ ɛ ɖɔ Timuna.

²³Covalu ɔ́, vǐ tɔn lɛ́ɛ sín nyǐkɔ ɖíe: Aluwáni, Manaxáti, Evalu, Cefó kpódó Ɔnámu kpó.

²⁴Siveɔ́ni ɔ́, vǐ tɔn súnnu lɛ́ɛ sín nyǐkɔ ɖíe: Aya kpódó Ana kpó. Ana ɔ́ wɛ mɔ sin zozo sín jɔtɛn ɖo gbětótló mɛ, hwenu e é ɖo tɔ́ tɔn sín tócí lɛ́ɛ nyi wɛ é.

²⁵Ana ɔ́, vǐ tɔn súnnu ɔ́ nɔ́ nyí Dicɔ́ni, bɔ nyɔ̌nu ɔ́ nɔ́ nyí Oxoliváma.

²⁶Dicáni ɔ́, vǐ tɔn súnnu lɛ́ɛ sín nyǐkɔ ɖíe: Hɛmudani, Ɛcibáni, Yitlani kpódó Keláni kpó.

²⁷Esɛ́ɛ ɔ́, vǐ tɔn súnnu lɛ́ɛ sín nyǐkɔ ɖíe: Biluháni, Zaawani kpódó Akáni kpó.

²⁸Dicáni ɔ́, vǐ tɔn súnnu lɛ́ɛ sín nyǐkɔ ɖíe: Wúsi kpó Alani kpó.

²⁹Holiti lɛ́ɛ sín akɔtagán lɛ́ɛ ɖíe: Lotáni, Covalu, Siveɔ́ni, Ana,

³⁰Dicɔ́ni, Esɛ́ɛ kpó Dicáni kpó. Holiti lɛ́ɛ sín gǎn lɛ́ɛ nɛ́. Yě wɛ nyí gǎn e nɔ Seyíi é.

³¹Axɔ́sú e kpa acɛ ɖo Edɔ́mu ɖě jɛ ɖě gúdo cóbɔ axɔ́sú ɖokpó wá ɖu gǎn ɖo Izlayɛ́li ví lɛ́ɛ nu ɔ́, nyǐkɔ yětɔn ɖíe:

³²Bɛ́la, Beɔ́ɔ ví ɔ́; toxo e mɛ é nɔ ɔ́ nɔ́ nyí Dinava.

³³Bɛ́la wá kú, bɔ Yovavu Zeláxi ví Boslanu ɔ́ ɖu axɔ́sú ɖo tɛn tɔn mɛ.

³⁴Yovavu kú bɔ Hucámu Temaninu ɔ́ ɖu axɔ́sú ɖo tɛn tɔn mɛ.

³⁵Hucámu kú, bɔ Hadádi, Bedádi ví ɔ́ ɖu axɔ́sú ɖo tɛn tɔn mɛ. É wɛ ɖu ɖo Madiáani ví lɛ́ɛ jí ɖo Mɔwabu gbé jí. Toxo e mɛ é jɔ ɖe ɔ́ nɔ́ nyí Awíti.

³⁶Hadádi kú, bɔ Samula, Maslekanu ɔ́ ɖu axɔ́sú ɖo tɛn tɔn mɛ.

³⁷Samula kú, bɔ Cawúlu Hlexɔvɔ́tinu ɔ́ ɖu axɔ́sú ɖo tɛn tɔn mɛ. Hlexɔvɔ́ti ɔ́ ɖo Efláti tɔ ɔ́ kpá.

³⁸Cawúlu kú, bɔ Baalu-Hanáni Akubɔ́ɔ ví ɔ́ ɖu axɔ́sú ɖo tɛn tɔn mɛ.

³⁹Baalu-Hanáni ɔ́ kú, bɔ Hadáa ɖu axɔ́sú ɖo tɛn tɔn mɛ. Toxo e mɛ é jɔ ɖe ɔ́ nɔ́ nyí Pawu. Asi tɔn nɔ nyí Mɛxetaveyɛ́li. Asi tɔn ɔ́, Matlɛ́di ví wɛ; Matlɛ́di ɔ́ ká nyí Mɛ-Zahavu vívú.

⁴⁰Esawu ví e nyí gǎn ɖo akɔta yětɔn yětɔn mɛ, ɖo to yětɔn yětɔn mɛ lɛ́ɛ sín nyǐkɔ ɖíe: Timuna, Aluwa, Yetɛ́ti,

⁴¹Oxoliváma, Ela, Pinɔ́nu,

⁴²Kenázi, Temani, Mivusáa,

⁴³Magidiɛ́li kpó Ilamu kpó. Hǔn Esawu ví e nyí gǎn ɖo Edɔ́mu lɛ́ɛ nɛ́. Yě ɖǒ xwé yětɔn yětɔn ɖo to yětɔn yětɔn mɛ. Esawu wɛ nyí Edɔ́munu lɛ́ɛ sín tɔ́gbó.