Read fon 1 Tan 25 Bible Online

1 Tan 25 - fon bible

1 Tan 25

¹Davídi kpó ahwangán lɛ́ɛ kpó ɖe Asáfu ví lɛ́ɛ, Hemani ví lɛ́ɛ kpó Yedutún ví lɛ́ɛ kpó ɖó vo bɔ yě ná nɔ́ ji han. Yědɛɛ wɛ nɔ́ ɖo xó e Mawu sɔ́ dó nu nú yě ɔ́ ɖɔ dó han mɛ wɛ sinsɛn hwenu, bó nɔ́ ɖo agǐdigbo kpó kanhún kpó xo d'é mɛ wɛ, lobo nɔ ɖo kpete kún d'é mɛ wɛ. Yě mɛ e è ɖe dó hanjiji zɔ́ ɔ́ kɔn lɛ́ɛ ɖíe:

²Asáfu ví lɛ́ɛ: Zakúu, Yozɛ́fu, Nɛtaniya kpó Aselela kpó. Tɔ́ yětɔn Asáfu ɔ́ wɛ ɖo yě nu, bó nɔ ɖɔ xó e Mawu sɔ́ dó nu n'i ɔ́ dó han mɛ lě e axɔ́sú ɔ́ zɔ́n gbɔn é.

³Yedutún ví lɛ́ɛ: Gedaliyáhu, Seli, Yecayahu, Hacaviyahu, Matitiahu kpó Cimɛ́yi kpó. É bló yě mɛ ayizɛ́n, bɔ tɔ́ yětɔn Yedutún nɔ yě nu. É wɛ nɔ́ ɖɔ xó e Mawu sɔ́ dó nu n'i ɔ́ dó han mɛ, bó nɔ xo agǐdigbo d'é mɛ dó mlá Mawu Mavɔmavɔ, bó nɔ́ sɔ́ ɛ su.

⁴Hemani ví lɛ́ɛ: Bukiyáhu, Mataniyahu, Wuziyɛ́li, Cevuyɛ́li, Yelimɔ́ti, Hananiyahu, Hanáni, Eliata, Gidaluti, Hlɔ̌mamuti-Ezɛ́ɛ, Yocibekáca, Malulɔ́ti, Hotíi kpódó Maxaziɔ́ti kpó.

⁵Mɛ énɛ́ lɛ́ɛ bǐ wɛ nyí Hemani ví. Hemani wɛ nyí nǔmɔtɔ́ axɔ́sú ɔ́ tɔn, lobo nɔ kpa susu nú hlɔ̌nhlɔ́n Mawu tɔn. Vǐ súnnu wǒ-ɛnɛ, nyɔ̌nu atɔn wɛ Mawu ná Hemani.

⁶Vǐ énɛ́ lɛ́ɛ bǐ wɛ nɔ ji han ɖo Mawu Mavɔmavɔ xwé gbe, ɖo tɔ́ yětɔn lɛ́ɛ sín acɛ mɛ. Yě nɔ́ xo hǔn, bó nɔ kún kpete, bó nɔ xo agǐdigbo d'é mɛ. Asáfu, Hemani kpó Yedutún kpó ɖo axɔ́sú ɔ́ sín acɛ mɛ.

⁷Yě kpó nɔví yětɔn e nyɔ́ han ji ganjí dó kpa Mawu Mavɔmavɔ lɛ́ɛ kpó bló gbɛtɔ́ afɔɖé kanwe tántɔn (288).

⁸Yě nyi akɔ bó ná tunwun lě e azɔ̌ ná jɛ mɛ ɖokpó ɖokpó jí gbɔn é; è ɖe mɛxó ɖó vo nú yɔkpɔ́vú ǎ, è ka ɖe mɛ e ko nyɔ́ han ji ganjí é ɖó vo nú mɛ e bɛ́ han yɔ̌yɔ́ é ǎ.

⁹Akɔ nukɔntɔn ɔ́ sɔ́ Yozɛ́fu Asáfu ví ɔ́. Akɔ wegɔ́ ɔ́ sɔ́ Gedaliyáhu. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹⁰Akɔ atɔngɔ́ ɔ́ sɔ́ Zakúu. É kpó vǐ tɔn lɛ́ɛ kpó nɔví tɔn lɛ́ɛ kpó bló wěwe.

¹¹Akɔ ɛnɛgɔ́ ɔ́ sɔ́ Yiselíi. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹²Akɔ atɔ́ɔ́ngɔ́ ɔ́ sɔ́ Nɛtaniyahu. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹³Akɔ ayizɛ́ngɔ́ ɔ́ sɔ́ Bukiyáhu. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹⁴Akɔ tɛ́nwegɔ́ ɔ́ sɔ́ Yesalela. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹⁵Akɔ tántɔngɔ́ ɔ́ sɔ́ Yecayahu. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹⁶Akɔ tɛ́nnɛgɔ́ ɔ́ sɔ́ Mataniyahu. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹⁷Akɔ wǒgɔ́ ɔ́ sɔ́ Cimɛ́yi. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹⁸Akɔ wǒ-ɖokpógɔ́ ɔ́ sɔ́ Azalɛ́li. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

¹⁹Akɔ wěwegɔ́ ɔ́ sɔ́ Hacaviyahu. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²⁰Akɔ wǒ-atɔngɔ́ ɔ́ sɔ́ Cuvayɛ́li. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²¹Akɔ wǒ-ɛnɛgɔ́ ɔ́ sɔ́ Matitiahu. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²²Akɔ afɔtɔngɔ́ ɔ́ sɔ́ Yelemɔ́ti. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²³Akɔ afɔtɔn-nukún-ɖokpógɔ́ ɔ́ sɔ́ Hananiyahu. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²⁴Akɔ afɔtɔn-nukún-wegɔ́ ɔ́ sɔ́ Yocibekáca. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²⁵Akɔ afɔtɔn-nukún-atɔngɔ́ ɔ́ sɔ́ Hanáni. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²⁶Akɔ afɔtɔn-nukún-ɛnɛgɔ́ ɔ́ sɔ́ Malulɔ́ti. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²⁷Akɔ kogɔ́ ɔ́ sɔ́ Eliata. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²⁸Akɔ ko-nukún-ɖokpógɔ́ ɔ́ sɔ́ Hotíi. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

²⁹Akɔ ko-nukún-wegɔ́ ɔ́ sɔ́ Gidaluti. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

³⁰Akɔ ko-nukún-atɔngɔ́ ɔ́ sɔ́ Maxaziɔ́ti. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.

³¹Akɔ ko-nukún-ɛnɛgɔ́ ɔ́ sɔ́ Hlɔ̌mamuti-Ezɛ́ɛ. É kpó vǐ tɔn súnnu lɛ́ɛ kpó nɔví tɔn súnnu lɛ́ɛ kpó bló wěwe.