Read fon 1 Tan 3 Bible Online

1 Tan 3 - fon bible

1 Tan 3

¹Davídi ví e é ji ɖo Eblɔ́n lɛ́ɛ ɖíe: Nukɔngbéví tɔn nɔ́ nyí Amunɔ́ɔ, bɔ é ji ɖo Axinɔwamu Izleyɛ́linu ɔ́ xomɛ. Vǐ tɔn wegɔ́ ɔ́ nɔ́ nyí Daniyɛ́li, bɔ é ji ɖo Avigalu Kaamɛ́linu ɔ́ xomɛ.

²Vǐ tɔn atɔngɔ́ ɔ́ nɔ́ nyí Abusalɔ́mu, bɔ é ji ɖo Maaka xomɛ. Maaka ɔ́, Gɛcúu xɔ́sú Talumayi ví wɛ. Vǐ tɔn ɛnɛgɔ́ ɔ́ nɔ́ nyí Adoniyasi, bɔ é ji ɖo Hagiti xomɛ.

³Vǐ tɔn atɔ́ɔ́ngɔ́ ɔ́ nɔ́ nyí Cefátiya, bɔ é ji ɖo Avitálu xomɛ. Vǐ tɔn ayizɛ́ngɔ́ ɔ́ nɔ́ nyí Yitleamu, bɔ é ji ɖo Egla xomɛ.

⁴ Eblɔ́n wɛ é ji vǐ ayizɛ́n énɛ́ lɛ́ɛ ɖe. É nɔ́ Eblɔ́n bó ɖu axɔ́sú xɔ xwe tɛ́nwe adaɖé, bó nɔ Jeluzalɛ́mu bó ɖu axɔ́sú nú xwe gban-nukún-atɔn (33).

⁵ Vǐ e é ji ɖo Jeluzalɛ́mu lɛ́ɛ ɖíe: Cimɛ́ya, Covavu, Natáni kpó Salomɔ́ɔ kpó. Bati-Cúwa, Amumiyɛli ví ɔ́ xomɛ wɛ é ji vǐ énɛ́ lɛ́ɛ ɖe.

⁶Yiváa, Elicuwa, Elifɛlɛ́ti.

⁷Nɔgáxi, Nɛfɛ́gi, Yafia,

⁸Elicama, Eliyada, kpódó Elifɛlɛ́ti kpó. Vǐ énɛ́ lɛ́ɛ bló vǐ tɛ́nnɛ.

⁹Davídi ví lɛ́ɛ bǐ nɛ́. Vǐ e asi tɔn lɛ́ɛ ji n'i lɛ́ɛ ɖ'é mɛ ǎ. É ká ɖó vǐ nyɔ̌nu ɖokpó, bɔ é nɔ́ nyí Tamáa.

¹⁰Salomɔ́ɔ ji Hlobowámu, Hlobowámu ji Abiya, Abiya ji Asa, Asa ji Jozafáti,

¹¹Jozafáti ji Yexolámu, Yexolámu ji Akaziasi, Akaziasi ji Joasi,

¹²Joasi ji Amasiyasi, Amasiyasi ji Oziyási, Oziyási ji Yotámu,

¹³Yotámu ji Akázi, Akázi ji Ezekiyási, Ezekiyási ji Manasée,

¹⁴Manasée ji Amɔ́ni, Amɔ́ni ji Joziyási.

¹⁵Joziyási ví lɛ́ɛ ɖíe: nukɔngbéví ɔ́ nɔ́ nyí Yoxanáni, wegɔ́ ɔ́ nɔ́ nyí Yoyakímu, atɔngɔ́ ɔ́ nɔ́ nyí Sedesíyasi, ɛnɛgɔ́ ɔ́ nɔ́ nyí Calúmu.

¹⁶Yoyakímu ví lɛ́ɛ ɖíe: Yoyakini kpó Sedesíyasi kpó.

¹⁷Yoyakini e ahwan wlí yi Babilɔ́nu é sín ví lɛ́ɛ ɖíe: Calutiyɛ́li,

¹⁸Malukilámu, Pedaya, Cɛnasáa, Yekamiya, Hocama kpódó Nɛdaviya kpó.

¹⁹Pedaya ví lɛ́ɛ ɖíe: Zolobabɛ́li kpó Cimɛ́yi kpó. Zolobabɛ́li ví lɛ́ɛ ɖíe: Mɛculamu kpó Hananiya kpó. É ɖó vǐ nyɔ̌nu ɖokpó bɔ è nɔ ylɔ́ ɛ ɖɔ Celomíti.

²⁰Zolobabɛ́li lɛ́ ji vǐ súnnu atɔ́ɔ́n. Yě wɛ nyí Hacúva, Ohɛli, Bɛlɛkya, Hasadiya kpódó Yucavu-Xɛsɛ́di kpó.

²¹Hananiya ví lɛ́ɛ ɖíe: Pelatiya kpó Yecaya kpó, Hlefaya ví lɛ́ɛ, Aanani ví lɛ́ɛ, Ovadia ví lɛ́ɛ kpódó Cekaniya ví lɛ́ɛ kpó.

²²Cekaniya ɖó vǐ ayizɛ́n. Yě wɛ nyí Cemaya, Hatúci, Yigealu, Balyaxi, Nɛyalíya kpódó Cafáti kpó.

²³Nɛyalíya ɖó vǐ atɔn. Yě wɛ nyí Eliyoenayi, Hizikiya kpódó Azlikámu kpó.

²⁴Eliyoenayi ɖó vǐ tɛ́nwe. Yě wɛ nyí Hodawyahu, Eliyacivu, Pelaya, Akúvu, Yoxanáni, Deláya kpódó Anáni kpó.