Read fon 1 Tan 6 Bible Online

1 Tan 6 - fon bible

1 Tan 6

¹ Levíi ví lɛ́ɛ ɖíe: Gɛɛcɔ́ni, Kexáti kpó Mɛlali kpó.

²Gɛɛcɔ́ni ví lɛ́ɛ ɖíe: Livuni kpódó Cimɛ́yi kpó.

³Kexáti ví lɛ́ɛ ɖíe: Amulámu, Yisexáa, Eblɔ́n kpódó Wuziyɛ́li kpó.

⁴Mɛlali ví lɛ́ɛ ɖíe: Maxli kpó Muci kpó. Tɔ́gbó e ɖó nyǐkɔ nú hɛ̌nnu e ɖo akɔta Levíi tɔn ɔ́ mɛ lɛ́ɛ nɛ́.

⁵Gɛɛcɔ́ni ji Livuni, Livuni ji Yaxáti, Yaxáti ji Zimuma.

⁶Zimuma ji Yoáxi, Yoáxi ji Idóo, Idóo ji Zeláxi, Zeláxi ji Yeotlayi.

⁷Kexáti ji Aminadabu, Aminadabu ji Kolée, Kolée ji Asíi,

⁸Asíi ji Ɛlukana, Ɛlukana ji Eviyasáfu, Eviyasáfu ji Asíi,

⁹Asíi ji Taxati, Taxati ji Wuliyɛ́li, Wuliyɛ́li ji Wuziya, Wuziya ji Cawúlu.

¹⁰Ɛlukana ví lɛ́ɛ ɖíe: Amasayi, Aximɔti kpó Ɛlukana kpó;

¹¹Ɛlukana ji Sofáyi, bɔ Sofáyi ji Naxáti,

¹²Naxáti ji Eliavu, bɔ Eliavu ji Yeloxámu, Yeloxámu ka ji Ɛlukana.

¹³Samuwɛ́li ví lɛ́ɛ ɖíe: Yoɛ́li wɛ nyí nukɔngbéví ɔ́ bɔ Avíya bɔ d'é wú.

¹⁴Mɛlali ji Maxli, Maxli ji Livuni, bɔ Livuni ji Cimɛ́yi, bɔ Cimɛ́yi ji Wúza.

¹⁵Wúza ji Cimɛ́ya, bɔ Cimɛ́ya ji Hagiya, bɔ Hagiya ji Asaya.

¹⁶Sín hwenu e è ɖǒ tɛnmɛ nú akɔjijɛgbá ɔ́, Davídi ɖe Levíi ví ɖé lɛ́ɛ, bɔ yě ná nɔ́ kpé nukún dó han jiji wú ɖo Mawu Mavɔmavɔ xwé gbe.

¹⁷Cóbónú Salomɔ́ɔ ná gbá sinsɛnxɔ Jeluzalɛ́mu tɔn ɔ́, yě mɛ énɛ́ lɛ́ɛ nɔ kplé ɖo goxɔ e mɛ Mawu Mavɔmavɔ nɔ wá kpé yě ɖe ɔ́ nukɔn, bó nɔ ɖo han ji wɛ lě e è ko to ɖó é.

¹⁸Yě mɛ e nɔ ji han lɛ́ɛ ɔ́, mɛ e ɖo Kexáti hɛ́nnu mɛ lɛ́ɛ ɖíe: Hemani Hansinɔ ɔ́; tɔ́gbó tɔn lɛ́ɛ wɛ nyí Yoɛ́li Samuwɛ́li ví ɔ́, Samuwɛ́li Ɛlukana ví ɔ́,

¹⁹Ɛlukana Yeloxámu ví ɔ́, Yeloxámu Eliyɛ́li ví ɔ́, Eliyɛ́li Toáxi ví ɔ́, Toáxi Súfu ví ɔ́,

²⁰Súfu Ɛlukana ví ɔ́, Ɛlukana Maxáti ví ɔ́, Maxáti Amasayi ví ɔ́, Amasayi Ɛlukana ví ɔ́,

²¹Ɛlukana Yoɛ́li ví ɔ́, Yoɛ́li Azalya ví ɔ́, Azalya Sefaníya ví ɔ́, Sefaníya Taxati ví ɔ́,

²²Taxati Asíi ví ɔ́, Asíi Eviyasáfu ví ɔ́, Eviyasáfu Kolée ví ɔ́, Kolée Yisexáa ví ɔ́,

²³Yisexáa Kexáti ví ɔ́, Kexáti Levíi ví ɔ́ kpó Levíi Jakɔ́bu ví ɔ́ kpó.

²⁴Azɔ̌gbɛ́ Hemani tɔn Asáfu nɔ nɔ Hemani sín ɖisíxwé. Asáfu sín tɔ́gbó lɛ́ɛ ɖíe: Asáfu Bɛlɛkiyahu ví ɔ́, Bɛlɛkiyahu Cimɛ́ya ví ɔ́,

²⁵Cimɛ́ya Mikaɛli ví ɔ́, Mikaɛli Baaseya ví ɔ́, Baaseya Malukíya ví ɔ́,

²⁶Malukíya Etini ví ɔ́, Etini Zeláxi ví ɔ́, Zeláxi Adaya ví ɔ́,

²⁷Adaya Etáni ví ɔ́, Etáni Zimuma ví ɔ́, Zimuma Cimɛ́yi ví ɔ́,

²⁸Cimɛ́yi Yaxáti ví ɔ́, Yaxáti Gɛɛcɔ́ni ví ɔ́, Gɛɛcɔ́ni Levíi ví ɔ́.

²⁹Hanjigbɛ́ e ɖo Mɛlali hɛ́nnu ɔ́ mɛ lɛ́ɛ nɔ́ nɔ amyɔxwé nú yě; Etáni wɛ nɔ nɔ nukɔn nú yě; Etáni sín tɔ́gbó lɛ́ɛ ɖíe: Etáni Kíci ví ɔ́, Kíci Avudi ví ɔ́, Avudi Malulúki ví ɔ́.

³⁰Malulúki Hacaviya ví ɔ́, Hacaviya Amaciya ví ɔ́, Amaciya Ilukya ví ɔ́,

³¹Ilukya Amusi ví ɔ́, Amusi Bani ví ɔ́, Bani Cɛmɛ́ɛ ví ɔ́,

³²Cɛmɛ́ɛ Maxli ví ɔ́, Maxli Muci ví ɔ́, Muci Mɛlali ví ɔ́, Mɛlali Levíi ví ɔ́.

³³Levíi ví ɖě lɛ́ɛ nɔ́ wa azɔ̌ e kpo ɖo Mawu xwé gbe lɛ́ɛ.

³⁴Aalɔ́ɔn kpó vǐ tɔn lɛ́ɛ kpó nɔ́ xwlé vɔ̌ e è nɔ dó zo ɔ́ Mawu ɖo vɔ̌sákpe e jí è nɔ dó vɔ̌ zo ɖe ɔ́ jí, bó nɔ xwlé zǎlínkpɔ́n Mawu, ɖo vɔ̌sákpe e jí è nɔ dó zǎlínkpɔ́n zo ɖe ɔ́ jí. Yě nɔ́ kpé nukún dó azɔ̌ e ɖo Tɛn mímɛ́ bǐ ɔ́ mɛ lɛ́ɛ wú. Yě ɖokpó ɔ́ wɛ nɔ́ sá hwɛsɔ́kɛmɛvɔ́ dó Izlayɛ́li ví lɛ́ɛ tamɛ, lě e mɛsɛntɔ́ Mawu tɔn Mɔyízi ɖɔ nú yě gbɔn é.

³⁵Aalɔ́ɔn ji Eleazáa, Eleazáa ji Pínxási, Pínxási ji Avicua,

³⁶Avicua ji Buki, Buki ji Wúzi, Wúzi ji Zelaxiya,

³⁷Zelaxiya ji Mɛlayɔ́ti, Mɛlayɔ́ti ji Amaliya, Amaliya ji Axitúvu,

³⁸Axitúvu ji Sadɔ́ku, Sadɔ́ku ji Aximáasi.

³⁹Fí e Aalɔ́ɔn ví lɛ́ɛ nɔ́ nɔ ɖo ayǐkúngban e è nǎ yě lɛ́ɛ jí lɛ́ɛ ɖíe: è nyi akɔ dó bɔ Aalɔ́ɔn ví e jɔ ɖo Kexáti hɛ́nnu mɛ lɛ́ɛ yí ayǐkúngban dó nukɔn.

⁴⁰Yě yí Eblɔ́n toxo ɔ́ ɖo Judáa yíkúngban jí, kpó ayǐkúngban e lɛ́ dó e lɛ́ɛ kpó.

⁴¹Lo ɔ́, gle kpó ayǐkúngban kpó e ɖo toxo ɔ́ sín acɛ mɛ lɛ́ɛ ɔ́, Kalɛ́bu Yefunnɛ́ɛ ví ɔ́ wɛ è nǎ ɖ'ayǐ.

⁴²Toxo e è nǎ Aalɔ́ɔn ví lɛ́ɛ bɔ è nǎ nɔ hɔn yi cí mɛ lɛ́ɛ ɖíe: Eblɔ́n, Livuna kpó ayǐkúngban e lɛ́ dó e lɛ́ɛ kpó, Yatíi, Ɛcitemɔwa kpó ayǐkúngban e lɛ́ dó e lɛ́ɛ kpó,

⁴³Ilɛ́zi kpó ayǐkúngban e lɛ́ dó e lɛ́ɛ kpó, Devíi kpó ayǐkúngban e lɛ́ dó e lɛ́ɛ kpó,

⁴⁴Acáni kpó ayǐkúngban e lɛ́ dó e lɛ́ɛ kpó, Bɛti-Cɛmɛ́ci kpó ayǐkúngban e lɛ́ dó e lɛ́ɛ kpó.

⁴⁵Toxo e è nǎ yě ɖo akɔta Bɛnjamɛ́ɛ tɔn ɔ́ mɛ lɛ́ɛ ɖíe: Gɛva kpó ayǐkúngban e lɛ́ dó e lɛ́ɛ kpó, Alɛmɛ́ti kpó ayǐkúngban e lɛ́ dó e lɛ́ɛ kpó, Anatɔ́ti kpó ayǐkúngban e lɛ́ dó e lɛ́ɛ kpó. Toxo e è nǎ hɛ̌nnu yětɔn lɛ́ɛ bǐ bló wǒ-atɔn.

⁴⁶Kexáti ví ɖě lɛ́ɛ ɔ́, akɔta Eflayímu tɔn, Dan tɔn kpódó akɔta vlɔ́ Manasée tɔn e ɖo gbadahwe jí ɔ́ kpó sín toxo lɛ́ɛ ɔ́, è nyi akɔ dó toxo wǒ ɖo yě mɛ, bó ná yě.

⁴⁷Gɛɛcɔ́ni ví lɛ́ɛ ɔ́, toxo wǒ-atɔn wɛ è nǎ yě ɖo akɔta Isakáa tɔn, Acɛ́ɛ tɔn, Nɛfutali tɔn, kpódó akɔta vlɔ́ Manasée tɔn e ɖo Basáni ɔ́ kpó sín ayǐkúngban jí.

⁴⁸Mɛlali ví lɛ́ɛ ɔ́, akɔta Hwlibɛ́ni tɔn, Gadi tɔn kpódó Zabulɔ́ɔn tɔn kpó sín toxo lɛ́ɛ ɔ́, è nyi akɔ dó toxo wěwe ɖo yě mɛ, bó ná yě.

⁴⁹Izlayɛ́li ví lɛ́ɛ ná toxo énɛ́ lɛ́ɛ kpó ayǐkúngban e lɛ́ dó yě lɛ́ɛ kpó Levíi ví lɛ́ɛ.

⁵⁰Yě nyi akɔ dó toxo e ɖo Judáa yíkúngban lɛ́ɛ, éé ɖo Sinmɛnyɔ́ɔ yíkúngban jí, kpó éé ɖo Bɛnjamɛ́ɛ yíkúngban jí lɛ́ɛ kpó.

⁵¹Kexáti ví ɖě lɛ́ɛ sín hɛ̌nnu lɛ́ɛ ɔ́, akɔta Eflayímu tɔn sín toxo lɛ́ɛ mɛ wɛ è nǎ toxo yě ɖe.

⁵²Toxo e è nǎ yě bɔ è nǎ nɔ hɔn yi cí mɛ lɛ́ɛ ɖíe: Sikɛ́mu, toxo e nyí bibɛtɛn ɔ́, kpó ayǐkúngban e lɛ́ dó e lɛ́ɛ kpó, ɖo Eflayímu sókan mɛ, Gɛzɛ́ɛ kpó ayǐkúngban e lɛ́ dó e lɛ́ɛ,

⁵³Yokumɛámu kpó ayǐkúngban e lɛ́ dó e lɛ́ɛ, Bɛti-Holɔ́ni kpó ayǐkúngban e lɛ́ dó e lɛ́ɛ kpó,

⁵⁴Ayalɔ́ni kpó ayǐkúngban e lɛ́ dó e lɛ́ɛ kpó, Gati-Hlimumɔ́ni kpó ayǐkúngban e lɛ́ dó e lɛ́ɛ kpó.

⁵⁵Bó ná Anɛ́ɛ kpó ayǐkúngban e lɛ́ dó e lɛ́ɛ kpó, Bileyamu kpó ayǐkúngban e lɛ́ dó e lɛ́ɛ kpó yě, ɖo akɔta vlɔ́ Manasée tɔn e ɖo gbadahwe jí ɔ́ sín toxo lɛ́ɛ mɛ. Kexáti ví ɖě lɛ́ɛ sín hɛ̌nnu ɔ́, nǔ e è nǎ yě lɛ́ɛ nɛ́.

⁵⁶Toxo e è nǎ Gɛɛcɔ́ni ví lɛ́ɛ ɖo akɔta vlɔ́ Manasée tɔn e ɖo zǎnzǎnhwe jí ɔ́ sín ayǐkúngban jí lɛ́ɛ ɖíe: Goláni kpó ayǐkúngban e lɛ́ dó lɛ́ɛ kpó, ɖo Basáni; Acitalɔ́ti kpó ayǐkúngban e lɛ́ dó e lɛ́ɛ kpó.

⁵⁷Toxo e è nǎ yě ɖo ayǐkúngban Isakáa tɔn ɔ́ jí lɛ́ɛ ɖíe: Kedɛ́ci kpó ayǐkúngban e lɛ́ dó e lɛ́ɛ kpó, Davɛlati kpó ayǐkúngban e lɛ́ dó e lɛ́ɛ kpó.

⁵⁸Hlamɔti kpó ayǐkúngban e lɛ́ dó e lɛ́ɛ kpó, Anɛ́mu kpó ayǐkúngban e lɛ́ dó e lɛ́ɛ kpó.

⁵⁹Toxo e è nǎ yě ɖo ayǐkúngban akɔta Acɛ́ɛ tɔn ɔ́ jí lɛ́ɛ ɖíe: Macalu kpó ayǐkúngban e lɛ́ dó e lɛ́ɛ kpó, Avidɔni kpó ayǐkúngban e lɛ́ dó e lɛ́ɛ kpó,

⁶⁰Hukɔ́ki kpó ayǐkúngban e lɛ́ dó e lɛ́ɛ kpó, Hlexɔ́vu kpó ayǐkúngban e lɛ́ dó e lɛ́ɛ kpó.

⁶¹Toxo e è nǎ yě ɖo ayǐkúngban akɔta Nɛfutali tɔn ɔ́ jí lɛ́ɛ ɖíe: Kedɛ́ci kpó ayǐkúngban e lɛ́ dó e lɛ́ɛ kpó ɖo Galilée, Hamumɔ́ni kpó ayǐkúngban e lɛ́ dó e lɛ́ɛ kpó, Kiliyatayimu kpó ayǐkúngban e lɛ́ dó e lɛ́ɛ kpó.

⁶²Levíi ví ɖě lɛ́ɛ e nyí Mɛlali ví lɛ́ɛ ɔ́, toxo e è nǎ yě ɖo ayǐkúngban akɔta Zabulɔ́ɔn tɔn ɔ́ jí lɛ́ɛ ɖíe: Hlimumɔ́nɔ kpó ayǐkúngban e lɛ́ dó e lɛ́ɛ kpó, Tabɔ́ɔ kpó ayǐkúngban e lɛ́ dó e lɛ́ɛ kpó.

⁶³Toxo e è nǎ yě ɖo ayǐkúngban akɔta Hwlibɛ́ni tɔn ɔ́ jí ɖo Judɛ́ɛn tɔ ɔ́ gúdo dɔ̌n, ɖo Jeliko nukɔn, ɖo tɔ ɔ́ sín zǎnzǎnhwe jí lɛ́ɛ ɖíe: Bɛsɛ́ɛ ɖo gbětótló mɛ, kpó ayǐkúngban e lɛ́ dó e lɛ́ɛ kpó, Yaxisa kpó ayǐkúngban e lɛ́ dó e lɛ́ɛ kpó.

⁶⁴Kedemɔ́ti kpó ayǐkúngban e lɛ́ dó e lɛ́ɛ kpó, Mɛfáti kpó ayǐkúngban e lɛ́ dó e lɛ́ɛ kpó.

⁶⁵Đo ayǐkúngban akɔta Gadi tɔn ɔ́ jí ɔ́, toxo e è nǎ yě lɛ́ɛ ɖíe: Hlamɔti kpó ayǐkúngban e lɛ́ dó é lɛ́ɛ kpó ɖo Galadi, Maxanayímu kpó ayǐkúngban e lɛ́ dó e lɛ́ɛ kpó,

⁶⁶Hɛcibɔ́ni kpó ayǐkúngban e lɛ́ dó e lɛ́ɛ kpó, Yazɛ́ɛ kpó ayǐkúngban e lɛ́ dó e lɛ́ɛ kpó.