Read fon Ɛsidlási 2 Bible Online

Ɛsidlási 2 - fon bible

Ɛsidlási 2

¹Mɛ gěgé ɖo togun Izlayɛ́li tɔn e axɔ́sú Nabukodonɔzɔ́ɔ wlí hɛn yi kannumɔgbénu ɖo Babilɔ́nu lɛ́ɛ mɛ, bó lɛ́ kɔ wá Jeluzalɛ́mu kpódó Judáa kpó. Mɛ ɖokpó ɖokpó lɛ́ kɔ wá to é ɖésúnɔ tɔn mɛ.

²Zolobabɛ́li kpódó Jozuwée kpó, kpódó Nɛ̌ɛmíya kpó, kpódó Selaya kpó, kpódó Hlelaya kpó, kpódó Mɔdokayi kpó, kpódó Bilucáni kpó, kpódó Misipáa kpó, kpódó Bigiwayi kpó, kpódó Hlehúmu kpó, kpódó Baana kpó wɛ zɔn yě nu wá. Izlayɛ́li ví e wá lɛ́ɛ sín nyǐkɔ kpódó mɛ nabí e ɖo gbɛ̌ta ɖokpó ɖokpó mɛ lɛ́ɛ kpó ɖíe:

³Xwédo Palewɔ́ci tɔn: súnnu afɔwó kɛnnɛ wěwe (2172).

⁴Xwédo Cefátiya tɔn: súnnu afɔɖé kɛnnɛ wěwe (372).

⁵Xwédo Aláxi tɔn: súnnu nǔwɔntɔn kɛnnɛ afɔtɔn (775).

⁶Xwédo Paxáti-Mɔwabu tɔn: súnnu afɔwó-afɛnɛ wěwe (2.812). Yecúwa kpó Yoavu kpó kún mɛ wɛ yě jɔ ɖe.

⁷Xwédo Elámu tɔn: súnnu afayizɛ́n kanɖé wɛ̌nɛ (1.254).

⁸Xwédo Zatú tɔn: súnnu afɛnɛ kantɔn koatɔ́n (945).

⁹Xwédo Zakáyi tɔn: súnnu nǔwɔntɔn kɛnnɛ (760).

¹⁰Xwédo Bani tɔn: súnnu nǔwɔntɔn kanɖé-nukún-we (642).

¹¹Xwédo Bevayi tɔn: súnnu nǔwɔntɔn ko-nukún-atɔn (623).

¹²Xwédo Azigadi tɔn: súnnu afayizɛ́n ko-nukún-we (1.222).

¹³Xwédo Adonikámu tɔn: súnnu nǔwɔntɔn kanɖé koatɔ́n-nukún-ɖokpó (666).

¹⁴Xwédo Bigiwayi tɔn: súnnu afɔwó kanɖé afɔtɔn-nukún-ɖokpó (2.056).

¹⁵Xwédo Adini tɔn: súnnu afɔwe kanɖé wɛ̌nɛ (454).

¹⁶Xwédo Atɛ́ɛ e nyí kúnkan Yexizikiya tɔn é: súnnu kanwe afɔtɔn-nukún-atɔn (98).

¹⁷Xwédo Besayi tɔn: súnnu afɔɖé kantɔn-nukún-atɔn (323).

¹⁸Xwédo Yola tɔn: súnnu kanwe gban-nukún-we (112).

¹⁹Xwédo Hacúmu tɔn: súnnu afɔɖé ko-nukún-atɔn (223).

²⁰Xwédo Gibáa tɔn: súnnu kanwe afɔtɔn (95).

²¹Gletoxo Bɛteleyɛ́mu tɔn mɛ nu lɛ́ɛ: súnnu kantɔn-nukún-atɔn (123).

²²Gletoxo Nɛtofa tɔn mɛ nu lɛ́ɛ: súnnu kanɖé afɔtɔn-nukún-ɖokpó (56).

²³Gletoxo Anatɔ́ti tɔn mɛ nu lɛ́ɛ: súnnu kantɔn tántɔn (128).

²⁴Gletoxo Azimawɛ́ti tɔn mɛ nu lɛ́ɛ: súnnu kanɖé-nukún-we (42).

²⁵Gletoxo Kiliyati-Yealimu tɔn, kpódó Kefila tɔn, kpódó Beelɔ́ti kpó tɔn mɛ nu lɛ́ɛ: súnnu nǔwɔntɔn kantɔn ko-nukún-atɔn (743).

²⁶Gletoxo Hlama kpó Gɛva kpó tɔn mɛ nu lɛ́ɛ: súnnu nǔwɔntɔn ko-nukún-ɖokpó (621).

²⁷Gletoxo Mikumasi tɔn mɛ nu lɛ́ɛ: súnnu kantɔn-nukún-we (122).

²⁸Gletoxo Betɛ́li kpódó Ayíi kpó tɔn mɛ nu lɛ́ɛ: súnnu afɔɖé ko-nukún-atɔn (223).

²⁹Gletoxo Nɛbo tɔn mɛ nu lɛ́ɛ: súnnu kanɖé wěwe (52).

³⁰Gletoxo Magibíci tɔn mɛ nu lɛ́ɛ: súnnu kantɔn gbantɔ́n-nukún-ɖokpó (156).

³¹Xwédo Elámu ɖě ɔ́ tɔn mɛ nu lɛ́ɛ: Súnnu afayizɛ́n kanɖé wǒ ɛnɛ (1254).

³²Gletoxo Halimu tɔn mɛ nu lɛ́ɛ: súnnu afɔɖé kantɔn (320).

³³Gletoxo Lodi kpódó Hadídi kpó, kpódó Onɔ kpó tɔn mɛ nu lɛ́ɛ: súnnu nǔwɔntɔn kantɔn atɔ́ɔ́n (725).

³⁴Toxo ɖaxó Jeliko tɔn mɛ nu lɛ́ɛ: súnnu afɔɖé kantɔn koatɔ́n (345).

³⁵Toxo ɖaxó Senáa tɔn mɛ nu lɛ́ɛ: súnnu afɔwó-afatɔ́n nǔwɔntɔn gban (3.630).

³⁶Mɛ e wá ɖo vɔ̌sánú-xwlémawutɔ́ lɛ́ɛ sín gbɛ̌ta mɛ lɛ́ɛ ɖíe: xwédo Yedaya tɔn e nyí kúnkan Yecúwa tɔn lɛ́ɛ: súnnu afɛnɛ kɛnnɛ wǎtɔn (973).

³⁷Xwédo Imumɛ́ɛ tɔn: súnnu afatɔ́n kanɖé wěwe (1.052).

³⁸Xwédo Pacehúu tɔn: súnnu afatɔ́n afɔɖé kanɖé tɛ́nwe (1.247).

³⁹Xwédo Halimu tɔn: Súnnu afatɔ́n afɔtɔn-nukún-we (1.017).

⁴⁰Mɛ nabí e wá ɖo gbɛ̌ta Levíi tɔn mɛ lɛ́ɛ ɖíe: xwédo Yecúwa kpódó Kadimiyɛ́li kpó tɔn e nyí kúnkan Hodawya tɔn lɛ́ɛ é: súnnu kanɖé gban-nukún-ɛnɛ (74).

⁴¹Mɛ nabí e wá ɖo hanjitɔ́ Mawu xwé ɔ́ gbe tɔn lɛ́ɛ sín gbɛ̌ta ɔ́ mɛ lɛ́ɛ ɖíe: xwédo Asáfu tɔn: súnnu kantɔn tántɔn (128).

⁴²Đo hɔnjínɔtɔ́ lɛ́ɛ sín gbɛ̌ta mɛ ɔ́, súnnu kantɔn afɔtɔn-nukún-ɛnɛ (139) wɛ wá. Yě jɔ ɖo xwédo Calúmu tɔn, Atɛ́ɛ tɔn, Talumɔ́ni tɔn, Akúvu tɔn, Hatíta tɔn, kpódó Covayi tɔn kpó mɛ.

⁴³Mɛ e wá ɖo mɛ e nɔ wa azɔ̌ ɖo Mawu xwé lɛ́ɛ sín gbɛ̌ta mɛ lɛ́ɛ ɖíe: kúnkan Siha kpódó Hasúfa kpó, kpódó Tabawɔ́ti kpó tɔn,

⁴⁴kúnkan Kelɔ́si tɔn, Siaxa tɔn, kpódó Padɔ́ni tɔn kpó.

⁴⁵Kúnkan Levana tɔn, Hagáva tɔn, kpódó Akúvu tɔn kpó,

⁴⁶kúnkan Hagávu tɔn, Calumayi tɔn, kpódó Hanáni tɔn kpó.

⁴⁷Kúnkan Gidɛ́li tɔn, Gaxáa tɔn, kpódó Hleaya tɔn kpó,

⁴⁸kúnkan Hlesini tɔn, Nɛkoda tɔn, kpódó Gazamu tɔn kpó,

⁴⁹kúnkan Wúza tɔn, Paseyaxi tɔn, kpódó Besayi tɔn kpó,

⁵⁰kúnkan Asina kpó Mɛwunimu kpó tɔn, kpódó Nɛfusímu tɔn kpó,

⁵¹kúnkan Bakibúki tɔn, Hakúfa tɔn, kpódó Haahúu tɔn kpó,

⁵²kúnkan Basiluti tɔn, Mɛxida tɔn, kpódó Haaca tɔn kpó,

⁵³kúnkan Baakosi tɔn, Sisela tɔn, kpódó Tamáxi tɔn kpó,

⁵⁴kúnkan Nɛsíyaxi tɔn kpódó Hatífa tɔn kpó.

⁵⁵Mɛsɛntɔ́ Salomɔ́ɔ tɔn sín kúnkan lɛ́ɛ ɔ́, gbɛ̌ta yětɔn e wá lɛ́ɛ ɖíe: kúnkan Sotayi tɔn, Ha-Sofelɛ́ti tɔn, kpódó Pɛluda tɔn kpó,

⁵⁶kúnkan Yaala tɔn kpódó Daakɔ́ni tɔn kpó, kpódó Gidɛ́li tɔn kpó,

⁵⁷kúnkan Cefátiya tɔn, Hatílu tɔn, Pokelɛ́ti-Xa-Cevayímu tɔn kpódó Ami tɔn kpó.

⁵⁸Kplékplé yě mɛ e nɔ wa azɔ̌ ɖo Mawu xwé gbe lɛ́ɛ tɔn, kpódó kúnkan mɛsɛntɔ́ Salomɔ́ɔ tɔn lɛ́ɛ tɔn kpó bló súnnu afɔɖé kɛnnɛ gban-nukún-we (392).

⁵⁹Mɛ e lɛ́ kɔ sín kannumɔgbénu sín Tɛ́lu-Mɛláxi, Tɛ́lu-Xaaca, Kelúbi-Adidáni kpódó Imumɛ́ɛ kpó wá xwé lɛ́ɛ ɔ́, è ɖɔ xó ɖé dó xwédo yětɔn wú ǎ, è ka ɖɔ xó dó tɔ́gbó yětɔn lɛ́ɛ wú bónú è na dó tunwun ɖɔ Izlayɛ́li ví wɛ yě nyí ǎ.

⁶⁰Yě mɛ énɛ́ lɛ́ɛ bǐ bló nǔwɔntɔn kanɖé wěwe (652), bó gosín kúnkan Deláya tɔn, Toviya tɔn, kpódó Nɛkoda tɔn kpó mɛ.

⁶¹Vɔ̌sánú-xwlémawutɔ́ ɖé lɛ́ɛ lɔmɔ̌ ɖo ninɔmɛ ɖokpó énɛ́ ɔ́ mɛ. Yě wɛ nyí kúnkan Hovaya tɔn, Hakɔ́si tɔn, kpódó Baaziláyi tɔn kpó. È nɔ́ ylɔ́ mɛ énɛ́ ɔ́ ɖɔ Baaziláyi, ɖó Baaziláyi Galadinu ɔ́ sín vǐ nyɔ̌nu wɛ é da.

⁶²Yě ba wěma e mɛ è wlǎn tɔ́gbó yětɔn lɛ́ɛ sín nyǐkɔ dó ɔ́ káká bo ba kpo. È mɔ yě dó mɔ mɛ kwíji kwíji, bo gbɛ́ ɖɔ yě ní má wa vɔ̌sánú-xwlémawutɔ́ sín azɔ̌ ó.

⁶³ Tokpɔngán ɔ́ ɖésú gbɛ́ nú yě ɖɔ yě ní má ɖu nǔ mímɛ́ titewungbe e è xwlé Mawu lɛ́ɛ ɖě káká jɛ hwenu e vɔ̌sánú-xwlémawutɔ́ ɖé ná sɔ́ Wulímu kpó Tumímu kpó dó kan nǔ byɔ́ Mawu dó xó yětɔn wú bó ná ɖe gbeta ɖé tɔ́n dó é ó.

⁶⁴Izlayɛ́li ví e lɛ́ kɔ sín kannumɔgbénu wá lɛ́ɛ bǐ bló gbɛtɔ́ adɔ̌kpo we afɔwó-afɔɖé kɛnnɛ (42.360).

⁶⁵Mɛsɛntɔ́ yětɔn súnnu kpódó nyɔ̌nu kpó bló gbɛtɔ́ děgba ɖě afɔwó-afayizɛ́n kantɔn afɔtɔn-nukún we (7.337). È ka xa yědɛɛ lɛ́ɛ ǎ. Hanjitɔ́ súnnu kpó nyɔ̌nu kpó bló gbɛtɔ́ afɔɖé (200).

⁶⁶Yě hɛn sɔ́ nǔwɔntɔn kantɔn afɔtɔn-nukún-ɖokpó (736), sɔ́tócí afɔɖé kanɖé atɔ́ɔ́n (245),

⁶⁷lǎkúnmí afɔwe gbantɔ́n (435), tócí afɔwe děgba ɖě afɔwó nǔwɔntɔn kantɔn (6.720).

⁶⁸Ée yě wǎ Jeluzalɛ́mu ɔ́, to énɛ́ e mɛ Mawu Mavɔmavɔ xwé ɔ́ ɖe ɔ́, hɛ̌nnugán ɖé lɛ́ɛ sɔ́ jlǒ yě ɖésúnɔ tɔn dó ná nǔɖé lɛ́ɛ, bónú è na gbá Mawu xwé ɔ́ ɖó tɛn e mɛ è ko gbá ɖó ɖ'ayǐ é.

⁶⁹Akwɛ́ e wú yě kpé bó ná ná nú xwé ɔ́ sín gbǐgbá ɔ́, yě ná bǐ. Nǔ e yě ná lɛ́ɛ é ɖíe: yě ná sikágó adɔ̌kpo atɔn afatɔ́n (61.000), kpatágan kilóo afɔwó-afɔwe kanwe ko (2.500). Yě lɛ́ ná awu gaga e vɔ̌sánú-xwlémawutɔ́ lɛ́ɛ nɔ dó ɔ́ kanwe ko (100).

⁷⁰ Vɔ̌sánú-xwlémawutɔ́ lɛ́ɛ, Levíi ví lɛ́ɛ, mɛ kpaa ɖé lɛ́ɛ, hanjitɔ́ lɛ́ɛ, hɔnjínɔtɔ́ lɛ́ɛ, kpódó mɛ e nɔ wa azɔ̌ ɖo Mawu xwé gbe lɛ́ɛ kpó wá jɛ toxo e è nǎ yě lɛ́ɛ mɛ. Izlayɛ́li ví ɖě lɛ́ɛ ka jɛ toxo e ko nyí yě ɖésúnɔ tɔn ɖ'ayǐ lɛ́ɛ mɛ.