Read fon Jɔ̌bu 15 Bible Online

Jɔ̌bu 15 - fon bible

Jɔ̌bu 15

¹Elifázi, Temaninu ɔ́ yí xó bó ɖɔ:

²Nǔnywɛ́tɔ́ hwɛ ɖɔhun ná lɛ́ ɖɔ gblǒ ǎ. Xósin e a nɔ ná lɛ́ɛ sɔ́ nɔ́ xwe ali ǎ.

³Xó e má nyí xó jɔ xó ǎ ɔ́ wɛ a ɖɔ dó ba hwɛjijɔ; xó e má ɖó ta ɖé ǎ ɔ́ wɛ a wlí ɖɔ dó ba hwɛjijɔ.

⁴Hwɛ ɔ́, a hɛn sísí e è nǎ ɖó nú Mawu ɔ́ lɔ gblé, a ɖe ayi gbɛtɔ́ tɔn sín Mawu jí.

⁵Nǔ e a wa nyi do ɔ́ wɛ ɖo xó zɔ́n ɖiɖɔ we wɛ, bɔ a sɔ́ sísɛ́ ɖó nukɔn bo ɖo adingban ɖó wɛ.

⁶Nyɛ wɛ ɖo hwɛ ɖɔ xá we wɛ ǎ, nu e kɛ wɛ a ɖe lɛ́ɛ wɛ ɖo hwɛ ɖɔ xá we wɛ; xó e ɖɔ wɛ a ɖe lɛ́ɛ wɛ ɖo hwɛ dó we wɛ.

⁷Hwi wɛ nyí gbɛtɔ́ nukɔn nukɔntɔn e Mawu ɖǒ ɔ́ a? A ko jɔ dó nukɔn nú só lɛ́ɛ wɛ a?

⁸Hwenu e Mawu ɖo tito tɔn bló wɛ ɔ́, a ɖo fínɛ́ wɛ a? Hwi ɖokpónɔ wɛ ɖó nǔnywɛ́ wɛ a vɛdó a?

⁹Ani wɛ a tunwun bɔ mǐdɛɛ lɛ́ɛ má tunwun ǎ? Étɛ́ mɛ a mɔ nukúnnú jɛ bɔ mǐ má mɔ nukúnnú jɛ ǎ?

¹⁰Gbɛtɔ́ ɖo mǐ mɛ, bó kó wú hwa, gbɛtɔ́ ɖo mǐ mɛ bó kó kpo; gbɛtɔ́ ɖo mǐ mɛ, bó wa ɖaxó tɔ́ towe.

¹¹Gbɔ e dó nú we wɛ Mawu ɖe ɔ́ kpó gbe fífá e dó nú we wɛ mǐ ɖe lɛ́ɛ kpán nyí nǔɖé nú we ǎ wɛ a?

¹²Étɛ́ sín xomɛsin jí a ɖe sɔ mɔ̌, bɔ nukún towe bǐ myá?

¹³Étɛ́ sín xomɛ sin dó Mawu wɛ a ɖe? Étɛ́wú a ɖo nu mɔ̌hun kɛ wɛ?

¹⁴ Ani wɛ gbɛtɔ́ ká nyí bó ná ɖɔ émí nyí mɛ mímɛ́? Ani wɛ é ká nyí bó ná ɖɔ émí nyí hwɛjijɔnɔ?

¹⁵Mawu ɖeji dó wɛnsagun tɔn lɛ́ɛ lɔ wú ǎ, sɛ́xwé ɔ́ lɔ nɛ́ má mɛ́ ɖo nukɔn tɔn ǎ nɛ́;

¹⁶étɛ́ ká sɔ́ nyí gbɛtɔ́ nǔ gbɛ́hɛn, mɛ gblégblé ɔ́ tɔn lo? Gbɛtɔ́ e nɔ ɖo nǔ nyanya wa wɛ, mɛ ɖo sin nu wɛ ɖɔhun é.

¹⁷Jɔ̌bu, un jló ná ɖɔ xó ɖé nú we, ɖǒtó mì! Un jló ná ɖɔ nǔ e un tunwun ɔ́ nú we.

¹⁸Nǔ e nǔnywɛ́tɔ́ lɛ́ɛ yí ɖo tɔ́gbó yětɔn lɛ́ɛ sí, bó má zé hwlá ǎ, bó kplɔ́n mɛ ɔ́, ɖǒtó bó ná se;

¹⁹yědɛɛ lɛ́ɛ kɛ́ɖɛ́ tɔn wɛ to ɔ́ nyí; jǒnɔ ɖěbǔ byɔ́ yě mɛ hwenɛ́nu ǎ.

²⁰Mɛdídá lɛ́ɛ ɔ́, ado wɛ nɔ ɖo yě hu wɛ ayǐhɔ́ngbe ayǐhɔ́ngbe ɖo gbɛ yětɔn mɛ; ado nɔ ɖo yě hu wɛ káká nú xwe nabí e Mawu dó yě jí é.

²¹Zǐngídi e nɔ dó xɛsi nú mɛ ɔ́, ɖi gbe ɖo tó yětɔn mɛ; vivo mɛ wɛ yě ná ɖe bɔ nǔhɛngblétɔ́ ɔ́ ná zɔn jǐ yětɔn.

²²Yě sɔ́ lɛ́n ɖɔ émí ná gán ɖo kú sí ǎ. Yě mɔ ɖɔ kú myɔ ɖo wǔ ɖo wu yi nú émí wɛ.

²³Yě mɔ ɖɔ aklasú lɛ́ɛ jɛ́n émí ɖo te ná; é kún ɖó xo kpɔ́n ó, kú jɛ́n émí ná kú.

²⁴Abluzán énɛ́ e ja ɔ́ ná dó xɛsi nú yě; adohuhu kpó xɛsi ɖaxó kpó ná fyán yě, axɔ́sú tɔ́n ahwan mɛ ɖɔhun.

²⁵Đó yě sɔ́ alɔ Mawu, yě glá awa ɖo Nǔbǐwúkpétɔ́ ɔ́ nukɔn.

²⁶Yě hɛn gǎglónú yětɔn tlitli ɔ́, bó dó kɔ do, bó zun dó Mawu jí.

²⁷Nukún mɛ yětɔn ɖíɖí ganjí, yě mɔ lanmɛ ganjí.

²⁸Yě nɔ toxo gbigba lɛ́ɛ mɛ, xwé e gbe mɛɖé má ɖe ǎ, xwé e kó ɖo nǎ mu wɛ lɛ́ɛ gbe.

²⁹Yě sɔ́ ná jɛ dɔkun ǎ; dɔkun e yě ɖǒ ɔ́ sɔ́ ná nɔ ayǐ káká sɔ́yi ǎ; nǔɖé sɔ́ ná yi nú yě ɖo ayǐkúngban ɔ́ jí ǎ.

³⁰Yě ná sixú gló ablu gɔngɔn ɔ́ ǎ; yě ná cí atín e myɔ fyɔ́ ala ná ɔ́ ɖɔhun: nǔ e ɖo te kpɔ́n yě ɔ́ nɛ́! Mawu ná fún funfún dó nya yě.

³¹Yě ɖó ná ɖeji dó nǔ nyanya wiwa wú ǎ; yě bló mɔ̌ hǔn, yě blɛ́ yěɖée, ɖó nǔ nyanya wɛ è nǎ dó sú axɔ́ yě.

³²Nǔ énɛ́ ná kó jɛ cóbɔ yě ná kú, bɔ ala yětɔn ná xú bǐ.

³³Yě ná cí vǐwuntín e sínsɛ́n tɔn má kó zin ǎ, bó kɔn nyi ayǐ ɔ́ ɖɔhun, abǐ olívutín e folówa tɔn kɔn ayǐ ɔ́ ɖɔhun.

³⁴È nǎ mɔ vǐ ɖo nǔnyanyawatɔ́ lɛ́ɛ xwé gbe ǎ; myɔ wɛ ná fyɔ́ gbɛtɔ́ afuɖutɔ́ nɛ́ lɛ́ɛ sín xwé.

³⁵Mɛ e mɔ nǔ nyanya sín xo ɔ́ ná ji awě; nǔ e ná flú i ɔ́ kpó e kpó wɛ ɖo yiyi wɛ.