Read fon Ɖɛhan 110 Bible Online

Ɖɛhan 110 - fon bible

Ɖɛhan 110

¹ Davídi sín han. Mawu Mavɔmavɔ ɖɔ nú axɔ́sú sɛ́mɛɖó ce ɖɔ: “Jǐnjɔ́n aɖisí ce xwé fí káká jɛ hwenu e un ná sɔ́ kɛntɔ́ towe lɛ́ɛ dó húzú nǔ e jí a nǎ nɔ́ bɛ́ afɔ ɖó é.”

²Mawu Mavɔmavɔ ná vlɔ́n kan nú axɔ́súɖuto towe, Sinyɔ́ɔ wɛ é ná bɛ́ sín; hwɛ ɔ́, a nǎ kpa acɛ nú kɛntɔ́ towe lɛ́ɛ.

³Gbe e gbe a nǎ sɔ́ ahwannú bó xwe ahwan ɔ́, ahwanfuntɔ́ akowunká kɛ́ɖɛ́ wɛ ná kplá we yi. Dɔ̌nkpɛvú towe lɛ́ɛ ná sɛ kplé dó wǔ we, ɖo só mímɛ́ ɔ́ jí, ahǔn e nɔ́ ja ayǐtéhɔ̌nnu é ɖɔhun.

⁴ Mawu Mavɔmavɔ wɛ ɖɔ bó xwlé nǔ dó é jí, é sɔ́ ná húzú gbeɖé ǎ, é ɖɔ: “Vɔ̌sánú-xwlémawutɔ́ wɛ a nyǐ káká sɔ́yi mavɔ mavɔ, Mɛlukisedɛ́ki ɖɔhun.”

⁵Aklúnɔ ɖo akpá towe. Gbe e gbe é ná sin xomɛ ɔ́, é ná gblé gbɛ dó nú axɔ́sú lɛ́ɛ.

⁶É ɖo hwɛ ɖó nú akɔta lɛ́ɛ wɛ, cyɔ kpé fí bǐ, é gblé gbɛ dó nú gǎn lɛ́ɛ gbɔn ayǐkúngban ɔ́ bǐ jí.

⁷Axɔ́sú ɔ́ ɖo ali jí ɔ́, é nɔ́ nu sin ɖo tɔsisa nu bɔ é nɔ kpé e. Énɛ́ ɔ́ gúdo ɔ́, é nɔ́ zé ta.