Read fon Ɖɛhan 121 Bible Online

Ɖɛhan 121 - fon bible

Ɖɛhan 121

¹È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Un ɖo só lɛ́ɛ kpɔ́n sɛ́ dó wɛ: Fítɛ́ alɔdó ná gosín wá nú mì?

²Alɔdó ɔ́, Mawu Mavɔmavɔ gɔ́n wɛ é nɔ́ gosín wá nú mì, Mawu e ɖó jǐxwé kpó ayǐkúngban kpó é.

³É ná lɔn bɔ a nǎ ɖe afɔ nyi do ǎ. Éyɛ́ mɛ e nɔ nya xɛ ɖo jǐ we é nɔ́ dɔ́ amlɔ ǎ.

⁴Gbeɖé! Mɛ e nɔ nya xɛ ɖo Izlayɛ́li jí ɔ́, é nɔ́ sa kɔmlɔgɔ́ ǎ, é nɔ́ dɔ́ amlɔ ǎ.

⁵Mawu Mavɔmavɔ wɛ nɔ nya xɛ ɖo jǐ we, é wɛ nɔ́ cyɔ́n alɔ jǐ towe, é ɖo akpá towe.

⁶Kéze ɔ́, hwe ná wa nǔɖé nú we ǎ, zǎn mɛ ɔ́, sun ná wa nǔɖé nú we ǎ.

⁷Mawu Mavɔmavɔ ná hɛn we; nǔ ɖěbǔ ná wa we ǎ. É ná hɛn gbɛ towe.

⁸Mawu Mavɔmavɔ ná nya xɛ ɖo jǐ we ɖo yiyi towe, kpó wiwa towe kpó mɛ, sín din káká sɔ́yi.