Read fon Ɖɛhan 122 Bible Online

Ɖɛhan 122 - fon bible

Ɖɛhan 122

¹È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Davídi sín han wɛ. Hwenu e è ɖɔ nú mì ɖɔ nyi ní wá mǐ ní yi Mawu Mavɔmavɔ xwé é ɔ́, é víví nú mì kpɔ́n.

²Jeluzalɛ́mu, mǐ ɖíe wá hɔntogbó towe lɛ́ɛ jí e!

³Jeluzalɛ́mu, toxo e è gbǎ ganjí é, hwi mɛ e è mɛ ahohó lɛ́ lɛ̌ dó mlɛlɛn é.

⁴Gɔ̌n towe wɛ akɔta lɛ́ɛ nɔ wá, akɔta Mawu Mavɔmavɔ tɔn lɛ́ɛ nɔ wá mlá nyǐkɔ tɔn, lě e Izlayɛ́li sín sɛ́n ɔ́ ɖɔ gbɔn é;

⁵hwi gɔ́n wɛ mɛ e nɔ ɖɔ hwɛ lɛ́ɛ sín zinkpo ɖe, axɔ́súzinkpo Davídi ví lɛ́ɛ tɔn ɖo gɔ̌n towe.

⁶Mi byɔ́ fífá nú Jeluzalɛ́mu: “Jeluzalɛ́mu, mɛ e yí wǎn nú we lɛ́ɛ ní mɔ vivo,

⁷fífá ní nɔ ahohó towe mɛ, ayi ní jɛ ayǐ nú mɛ e ɖo hɔn towe lɛ́ɛ mɛ lɛ́ɛ.

⁸Nɔví ce lɛ́ɛ kpó xɔ́ntɔn ce lɛ́ɛ kpó wú wɛ un ɖɔ fífá ní tíin nú we.

⁹Wǎn e un yí nú Mawu Mavɔmavɔ, Mawu mǐtɔn xwé ɔ́ wú wɛ un ɖo nyɔ̌ná byɔ́ nú we wɛ.”