Read fon Ɖɛhan 137 Bible Online

Ɖɛhan 137 - fon bible

Ɖɛhan 137

¹Mǐ jínjɔ́n Babilɔ́nu tɔ lɛ́ɛ tó; bó ɖo Sinyɔ́ɔ flín sɛ́ dó wɛ, bó ɖo avǐ ya wɛ.

²Mǐ fɔ kanhún mǐtɔn lɛ́ɛ kplá atín e ɖo tɔ lɛ́ɛ tó é wú.

³Tɔ tó fínɛ́ ɔ́, mɛ e wlí kannumɔ mǐtɔn lɛ́ɛ nɔ́ ɖɔ mǐ ní ji han; Yě nɔ́ ɖɔ: “Mi dó Sinyɔ́ɔ sín han ɖokpó bó ji nú mǐ.”

⁴Nɛ̌ mǐ ká ná ji Mawu Mavɔmavɔ sín han ɖo ayǐkúngban ɖěvo jí gbɔn?

⁵Óo! Jeluzalɛ́mu! Un wɔn we gbeɖé hǔn, alɔ ce ɖisí ɔ́ ní wɔn mì.

⁶Ényí un ma sɔ́ flín we ǎ hǔn, ényí nǔɖé sɔ́ dó xomɛhunhun nú mì hú Jeluzalɛ́mu hǔn, ɖɛ̌ ce ní tɛ́ ɖo gbla mɛ.

⁷Mawu Mavɔmavɔ, flín nǔ e Edɔ́munu lɛ́ɛ wa gbe e gbe ahwan gba Jeluzalɛ́mu é. Yě nɔ́ sú xó bó nɔ́ ɖɔ: “Mi gba toxo ɔ́ bǐ, mi gba káká bónú nǔɖé má sɔ́ ɖo te ɖo toxo ɔ́ mɛ ó.”

⁸ Babilɔ́nu, zaanɖé din ɔ́, è gba hwi lɔ bǐ hánnyá. Nǔ ná nyɔ́ nú mɛ e ná sú nǔ e a wa nú mǐ ɔ́ sín axɔ́ we é.

⁹Nǔ ná nyɔ́ nú mɛ e ná wlí vǐ towe lɛ́ɛ, bó sɔ́ xo dó só wú bɔ yě ná gba hánnyá lɛ́ɛ.