Read fon Ɖɛhan 14 Bible Online

Ɖɛhan 14 - fon bible

Ɖɛhan 14

¹ Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. Xlonɔ lɛ́ɛ nɔ́ ɖɔ dó ayi mɛ ɖɔ: “Mawu ɖě tíin ǎ.” Yě gblé, bó ja dɔn dě ɖɔhun; zǐnzán yětɔn gbɛ́ hɛn, mɛ ɖé ɖo yě mɛ bó nɔ wa nǔ ɖagbe ǎ.

²Mawu Mavɔmavɔ ka ɖo jǐxwé dɔ̌n, bó nɔ́ kpɔ́n gbɛtɔ́ lɛ́ɛ sɛ́ dó, é nɔ́ kpɔ́n ɖɔ nǔnywɛ́tɔ́ ɖé ka ɖo yě mɛ, bó ɖo émí ba wɛ a jí.

³Yě bǐ gosín ali ɖagbe ɔ́ jí ɖó kpɔ́; yě bǐ wɛ húzú nǔ gbɛ́hɛn. Mɛ ɖěbǔ tíin bó nɔ́ wa ɖagbe ǎ, mɛ ɖokpó géé lě tín ǎ.

⁴Mawu Mavɔmavɔ ɖɔ: “Mɛ e nɔ wa nǔ nyanya lɛ́ɛ bǐ jɛ́n ɖo manywɛ́ mɛ a? Yě nɔ́ ɖo togun ce wɔ ɖu wɛ; nǔɖuɖu yětɔn nɛ́. Yě nɔ́ sɛn mì ǎ.”

⁵Hwenu e Mawu ná ɖo hwɛjijɔnɔ lɛ́ɛ tɛ́ntin ɔ́, xɛsi ɖaxó ɖé ná jɛ yě jí.

⁶Lelenɔ zé nǔɖé bó ná wa ɔ́, mi nɔ jló ná hɛn gblé. Mawu Mavɔmavɔ wɛ ka nyí bibɛtɛn tɔn.

⁷É jló mì tawun ɖɔ hwlɛngán ní gosín Sinyɔ́ɔ wá nú Izlayɛ́li. Mawu Mavɔmavɔ ná lɛ́ fɔ́n togun tɔn sí te. É ná víví nú Jakɔ́bu ví lɛ́ɛ kpɔ́n! Izlayɛ́li ví lɛ́ɛ ná j'awǎ kpɔ́n!