Read fon Ɖɛhan 142 Bible Online

Ɖɛhan 142 - fon bible

Ɖɛhan 142

¹ Xólómílómí Davídi tɔn dó han mɛ; hwenu e é yi cí sóxo mɛ é wɛ é ji.

²Un ɖo axwá dó ylɔ́ Mawu Mavɔmavɔ wɛ ɖɔ é ní gɔ́ alɔ nú mì; un ɖo vo sa sɛ́ dó Mawu Mavɔmavɔ wɛ.

³Un sa gbɛvo ɖo nukɔn tɔn; un ɖɔ adǎn e ɖo gbigbo mì wɛ é n'i.

⁴Mawu Mavɔmavɔ, hwenu e awakanmɛ kú mì ɔ́, hwi wɛ tunwun tɔ e mɛ hwe ɖa wɛ un ɖe é; kɛntɔ́ ɖó mɔ gbɔn ali e jí un ɖe é.

⁵Nyi kɔ kpɔ́n akpá ce, kpɔ́n, mɛɖé ɖo jɛ ce jí kpɔ́n wɛ ǎ; un ka sɔ́ ɖó fí ɖé bó ná hɔn yi ǎ, mɛɖé ɖo ce ɖɔ wɛ ǎ.

⁶Mawu Mavɔmavɔ, hwi sú xó ylɔ́ wɛ un ɖe, bó nɔ́ ɖɔ: Hwi wɛ nyí bibɛtɛn ce; hwi wɛ nyí dɔkun ɖokpó e un jɛ ɖo ayǐkúngban jí fí é.

⁷Đǒtó vo e sa nú we wɛ un ɖe é, un sɔ́ ɖó hlɔ̌nhlɔ́n ɖěbǔ ǎ. Hwlɛ̌n mì gán ɖo mɛ e ɖo ya dó nú mì wɛ lɛ́ɛ sí, yě hú hlɔ̌nhlɔ́n mì.

⁸Đe mì tɔ́n sín gantɔ́ gbɛ e mɛ un ɖe é mɛ, bónú má mlá nyǐkɔ towe, ɖo gbɛtɔ́ hwɛjijɔnɔ lɛ́ɛ tɛ́ntin, ɖó ɖagbe énɛ́ e a nǎ wa nú mì é wú.