Read fon Ɖɛhan 15 Bible Online

Ɖɛhan 15 - fon bible

Ɖɛhan 15

¹Davídi sín han. Mawu Mavɔmavɔ, mɛ̌ wɛ ná nɔ xwé towe gbe? Mɛ̌ wɛ ná nɔ só mímɛ́ towe jí?

²Mɛ e è ma nɔ mɔ nǔɖé ɖɔ dó wǔ tɔn ǎ é wɛ, mɛ e nɔ wa nǔ jlɔ́jlɔ́ é wɛ, mɛ nɔ ɖɔ nǔgbó lě e é ɖe gbɔn ɖo ayi tɔn mɛ é wɛ.

³É nɔ́ ɖɔ mɛ nú ǎ. É nɔ́ wa nyanya nú nɔzo tɔn ǎ. É nɔ́ kɔ́n mɛ tɔn lɛ́ɛ sín wi ǎ.

⁴É nɔ́ kpɔ́n mɛ e Mawu Mavɔmavɔ gbɛ́ wǎn ná lɛ́ɛ sín jɛ jí ǎ. Amɔ̌, é nɔ́ wlí yɛ̌yi nú mɛ e nɔ sí Mawu Mavɔmavɔ lɛ́ɛ. É dó akpá ɖé ɔ́, é nɔ́ ɖe. Nǔ ɖěbǔ ná bó gbo e ɖ'é mɛ ɔ́, é nɔ́ ɖe.

⁵É nɔ sa akwɛ́ ǎ. É nɔ́ ɖu nǔ ɖo nǔ mɛ dó táfú xomɛvɔ́nɔ ǎ. Mɛ e nɔ wa nǔ gbɔn mɔ̌ ɔ́ ná jɛ ayǐ gbeɖé ǎ.