Read fon Ɖɛhan 2 Bible Online

Ɖɛhan 2 - fon bible

Ɖɛhan 2

¹ Étɛ́wú akɔta lɛ́ɛ ká ɖo adǎn jí? Étɛ́wú togun lɛ́ɛ ká ɖo gbě blá wɛ dó wǔvɔ́?

²Axɔ́sú e ɖo wɛ̌kɛ́ ɔ́ mɛ lɛ́ɛ ɖo ahwan nú sɔ́ wɛ, gǎn lɛ́ɛ ɖó gbe kpɔ́, bó ɖo Mawu Mavɔmavɔ gbé blá wɛ; yě ɖo axɔ́sú tɔn e é sɔ́ ɔ́ sín gbě blá wɛ.

³Yě ɖɔ: “Mi nú mǐ nǎ wɛ́n gɛdɛ e yě dó mǐ lɛ́ɛ! Mi nú mǐ nǎ bɛ́ wlɔ e yě dó mǐ lɛ́ɛ kɔn nyi gbě!”

⁴Lo ɔ́, Aklúnɔ ɖo nǔ ko wɛ; mɛ e kpa acɛ ɖo sɛ́xwé ɔ́ ɖo aca gbɔ́ ta yětɔn wɛ.

⁵É ɖɔ xó nú yě kpó xomɛsin kpó, adǎn e wa wɛ é ɖe ɔ́ gba hǔn dó nú yě.

⁶É ɖɔ nú yě ɖɔ: “Nyɛ wɛ sɔ́ axɔ́sú ce ɖó zinkpo jí ɖo Sinyɔ́ɔ, só mímɛ́ ce jí.”

⁷ Axɔ́sú ɔ́ ɖɔ: “Un ná jlá gbeta e Mawu ɖe tɔ́n é, é ɖɔ nú mì ɖɔ: ‘Vǐ ce wɛ a nyǐ, bɛ́ sín égbé ɔ́, nyɛ wɛ nyí tɔ́ towe[1].

⁸A byɔ̌ akɔta e ɖo gbɛ ɔ́ mɛ lɛ́ɛ bǐ ɔ́, un ná ná we, ayǐkúngban ɔ́ bǐ ná nyí towe káká yi fí e gbɛ ɔ́ kponu ɖó é.

⁹ A nǎ sɔ́ gankpo dó gba yě ná; a nǎ gba yě hánnyá kozɛ́n ɖɔhun.’ ”

¹⁰Axɔ́sú lɛ́ɛ mi, din ɔ́, ayi mitɔn ní mɔ nǔ, gǎn gbɛmɛ fí tɔn lɛ́ɛ mi, mi gbɔ nú è nǐ kplɔ́n nǔ mi.

¹¹Mi sɛn Mawu Mavɔmavɔ kpó xɛsi kpó, mi j'awǎ kpó sísí kpó.

¹²Mi sɔ́ vǐ ɔ́ su, é má nyí mɔ̌ ǎ ɔ́, Mawu Mavɔmavɔ ná sin xomɛ. Mi sɔ́ ɛ su, é má nyí mɔ̌ ǎ ɔ́, mi táá kú vawun. Đó é nɔ́ lín sin xomɛ ǎ. Nǔ nyɔ́ nú mɛ e nɔ bɛ ta ɖo glɔ̌ tɔn lɛ́ɛ bǐ.