Read fon Ɖɛhan 24 Bible Online

Ɖɛhan 24 - fon bible

Ɖɛhan 24

¹ Davídi sín han. Mawu Mavɔmavɔ tɔn wɛ nyí ayǐkúngban ɔ́ kpó ayǐkúngban dɔkun lɛ́ɛ kpó. É tɔn wɛ nyí gbɛ ɔ́ kpó gbɛtɔ́ e ɖo gbɛ ɔ́ mɛ lɛ́ɛ kpó.

²Đó é wɛ dó ayǐkúngban ɔ́ do ɖó xu jí, é wɛ hɛn ɛ ɖó te ɖó tɔ lɛ́ɛ jí.

³Mɛ̌ wɛ sixú yi Mawu Mavɔmavɔ só ɔ́ jí? Mɛ̌ wɛ sixú nɔ tɛn mímɛ́ tɔn mɛ?

⁴ Mɛ e ma nɔ wa nǔ nyanya ǎ, mɛ e ayixa tɔn mɛ́, mɛ e ma nɔ ɖó adingban ǎ, mɛ e ma nɔ xwlé nǔ dó blɛ́ mɛ ǎ ɔ́ wɛ.

⁵Mawu Mavɔmavɔ ná dó acɛ mɛ énɛ́ jí, Mawu mɛhwlɛ́ngántɔ́ tɔn ná mɔ ɛ dó mɔ xomɛvɔ́nɔ.

⁶Lě e é nɔ́ cí gbɔn nú mɛ e ɖo gbejí nú Mawu ɔ́ nɛ́; lě e é nɔ́ cí gbɔn nú mɛ e ɖo gbejí nú Mawu Jakɔ́bu tɔn e un nɔ sɛn ɔ́ nɛ́. Agbɔ̌n

⁷Hɔn lɛ́ɛ mi, mi zé agba mitɔn lɛ́ɛ dó jǐ; hwexónu hɔntogbó lɛ́ɛ mi, mi hun kɛ́, bónú axɔ́sú susunɔ ɔ́ ní wá yi.

⁸Mɛ̌ wɛ nyí axɔ́sú susunɔ énɛ́ ɔ́? Mawu Mavɔmavɔ hlɔ̌nhlɔ́nnɔ, ahwanfuntɔ́ syɛ́nsyɛ́n ɔ́ wɛ; Mawu Mavɔmavɔ ahwanfuntɔ́ ɖaxó e nɔ ɖu ɖ'é jí ɔ́ wɛ.

⁹Hɔn lɛ́ɛ mi, mi zé agba mitɔn lɛ́ɛ dó jǐ. Hwexónu hɔntogbó lɛ́ɛ mi, mi hun kɛ́, bónú axɔ́sú susunɔ ɔ́ ní wá yi.

¹⁰Mɛ̌ ká nyí axɔ́sú susunɔ énɛ́ ɔ́ tawun? Mawu Mavɔmavɔ Nǔbǐwúkpétɔ́ ɔ́ wɛ; é wɛ nyí axɔ́sú susunɔ ɔ́. Agbɔ̌n