Read fon Ɖɛhan 25 Bible Online

Ɖɛhan 25 - fon bible

Ɖɛhan 25

¹Davídi sín han. Mawu Mavɔmavɔ, hwi wɛ un sɔ́ ayi ce jó ná.

²Mawu ce, hwi wú wɛ un ɖeji dó; ma nú un ɖu winnyá ó! Ma nú kɛntɔ́ kpé wǔ ce ó.

³Mɛ e gán jɛ wǔ we lɛ́ɛ ɖěbǔ ná ɖu winnyá ǎ, mɛslɛ́tɔ́ lɛ́ɛ wɛ ná ɖu winnyá; yě ní má mɔ nu tɔn ó.

⁴Mawu Mavɔmavɔ, xlɛ́ ali e un ná gbɔn ɔ́ mì, kplɔ́n lě e un ná zán gbɛ ce gbɔn ɔ́ mì.

⁵Kplá mì gbɔn nǔgbó towe lixo, kplɔ́n nǔ mì, ɖó hwi wɛ nyí Mawu mɛhwlɛ́ngántɔ́ ce. Hwi wú wɛ un nɔ gán jɛ gbe bǐ gbe.

⁶Mawu Mavɔmavɔ, flín nǔbláwǔkúnúmɛ towe kpódó xomɛnyínyɔ́ towe kpó, ɖó a nɔ ɖe nǔbláwǔkúnúmɛ towe kpó xomɛnyínyɔ́ towe kpó xlɛ́ sín do.

⁷Ma flín hwɛ e un ko hu ɖo wǐnnyáwínnyá mɛ lɛ́ɛ ó, ma flín gǔ e un fɔ́n lɛ́ɛ ó, kpɔ́n dó nǔbláwǔkúnúmɛ towe wú, bó flín mì, ɖó Mawu Mavɔmavɔ, xomɛnyɔ́tɔ́ wɛ a nyǐ.

⁸Mawu Mavɔmavɔ nyɔ́ xomɛ; é nɔ́ wa nǔ jlɔ́jlɔ́. Énɛ́ ɔ́ wú wɛ é nɔ́ xlɛ́ ali e è ɖǒ ná gbɔn ɔ́ hwɛhutɔ́ lɛ́ɛ.

⁹É nɔ́ kplá mɛ e nɔ sɔ́ yěɖée hwe lɛ́ɛ gbɔn hwɛjijɔ li jí; É nɔ́ kplɔ́n jlǒ tɔn yě.

¹⁰Ali e Mawu Mavɔmavɔ nɔ xlɛ́ mɛ lɛ́ɛ ɔ́, bǐ wɛ nɔ́ ɖe xomɛnyínyɔ́ tɔn kpó gbejíninɔ tɔn kpó xlɛ́ mɛ e ɖo gbejí nú akɔ e é jɛ xá yě lɛ́ɛ.

¹¹Mawu Mavɔmavɔ! Kpɔ́n dó nyǐkɔ towe wú, bó sɔ́ hwɛ ce lɛ́ɛ kɛ mì; hwɛ ce lɛ́ɛ sukpɔ́.

¹²Ényí mɛɖé ɖó sísí nú Mawu Mavɔmavɔ ɔ́, Mawu Mavɔmavɔ nɔ xlɛ́ ɛ ali e é ɖó ná sɔ́ é.

¹³Nǔ ná nyɔ́ nú mɛ énɛ́; to ɔ́ ná nyí vǐ tɔn lɛ́ɛ tɔn.

¹⁴Mawu Mavɔmavɔ nɔ ɖɔ nǔ e ɖo ayi tɔn mɛ ɔ́ nú mɛ e nɔ sí i lɛ́ɛ; é kplɔ́n nǔ e akɔ jɛ xá ɛ nyí ɔ́ yě.

¹⁵Nukún ce ɖo Mawu Mavɔmavɔ wú hwebǐnu, ɖó é wɛ nɔ́ ɖe mì sín mɔ mɛ.

¹⁶Mawu Mavɔmavɔ, nyi kɔ kpɔ́n mì, bó kú nǔbláwǔ nú mì, ɖó un ɖó mɛɖé ǎ, gbɛ ce blá wǔ.

¹⁷Un vo ɖo ayi mɛ ǎ; kɛnklɛ́n, wǎ ɖe mì sín adǎn e ɖo gbigbo mì wɛ lɛ́ɛ mɛ.

¹⁸Kpɔ́n ya e ji wɛ un ɖe ɔ́, kpɔ́n wǔvɛ́ e mɔ wɛ un ɖe ɔ́, bó sɔ́ hwɛ ce lɛ́ɛ bǐ kɛ mì.

¹⁹Kpɔ́n lě do e kɛntɔ́ ce lɛ́ɛ sukpɔ́ sɔ é, kpɔ́n lě do e yě gbɛ́ wǎn nú mì sɔ é.

²⁰Cyɔ́n alɔ jǐ ce, hwlɛ̌n mì, ma nú un ɖu winnyá ó, ɖó hwi wɛ un hɔn wá su.

²¹Xomɛvɔ́ e un ɖe ɔ́ kpó nǔ jlɔ́jlɔ́ e un nɔ wa ɔ́ kpó ní hɛn mì ɖó te, ɖó hwi wú wɛ un gán jɛ.

²²Mawu ce, hwlɛ̌n Izlayɛ́li, hwlɛ̌n ɛ sín adǎn e ɖo gbigbo e wɛ lɛ́ɛ bǐ mɛ.