Read fon Ɖɛhan 34 Bible Online

Ɖɛhan 34 - fon bible

Ɖɛhan 34

¹ Davídi sín han. Hwenu e é vlɛ́ nǔwanǔmɔnɔ ɖo Abimɛlɛ́ki nukɔn, bɔ é nya ɛ, bɔ é ɖidó ɔ́ wɛ é ji han élɔ́.

²Un ná nɔ́ dó kú nú Mawu Mavɔmavɔ hwebǐnu, nu ce ná gɔn mlǎmlá ɛ gbeɖé ǎ.

³Mawu Mavɔmavɔ mɛ wɛ un nɔ gó ɖe; mɛ e zé yěɖée hwe lɛ́ɛ ní ɖótó mì bó j'awǎ.

⁴Mi kpa susu nú Mawu Mavɔmavɔ xá mì! Mi nú mǐ nǎ nɔ kpɔ́ bó ná sɔ́ nyǐkɔ tɔn su!

⁵Un ylɔ́ Mawu Mavɔmavɔ bɔ é yí gbe nú mì, é ɖe mì sín nǔ e ɖo xɛsi dó nú mì wɛ lɛ́ɛ bǐ mɛ.

⁶Mɛ e sín nukún ɖo Mawu Mavɔmavɔ wú lɛ́ɛ nɔ́ nɔ awǎjijɛ mɛ; yě nɔ́ ɖu winnyá gbeɖé ǎ.

⁷Nyɛ lelenɔ ɖíe sú xó ylɔ́ Mawu Mavɔmavɔ e, bɔ é se bó hwlɛ́n mì gán ɖo nǔ e ɖo hǔn hɛn nú mì wɛ lɛ́ɛ bǐ mɛ.

⁸Wɛnsagun Mawu Mavɔmavɔ tɔn nɔ nya xɛ ɖo mɛ e nɔ́ nɔ gbejí nú Mawu Mavɔmavɔ lɛ́ɛ jí, bó nɔ́ hwlɛ́n yě.

⁹ Mi ɖɔ́ Mawu Mavɔmavɔ kpɔ́n bó kpɔ́n lě e é nyɔ́ sɔ é. Nǔ nyɔ́ nú mɛ e nɔ hɔn yi su Mawu Mavɔmavɔ é.

¹⁰Mi mɛ e nyí Mawu Mavɔmavɔ tɔn lɛ́ɛ mi, mi ɖó sísí nú Mawu Mavɔmavɔ, ɖó nǔɖé nɔ́ hwedó mɛ e nɔ ɖó sísí n'i lɛ́ɛ ǎ.

¹¹Kinnikínní ví lɛ́ɛ nɔ́ ba nǔɖuɖu kpo, bó nɔ́ nɔ xovɛ́; lo ɔ́, mɛ e nɔ sú xó ylɔ́ Mawu Mavɔmavɔ lɛ́ɛ ɔ́, nǔ ɖěbǔ nɔ hwedó yě ǎ.

¹²Vǐ ce lɛ́ɛ mi, mi wá, mi ɖótó mì; un nǎ kplɔ́n mi sísí ɖó nú Mawu Mavɔmavɔ.

¹³ Ényí a yǐ wǎn nú gbɛ, bó jló ná dɔ́ ji hǔn,

¹⁴hɛn nu towe, ma nɔ ɖɔ xó nyanya ó, ma nɔ ɖó adingban ó,

¹⁵hɔn nú nǔ nyanya wiwa, nɔ wa nǔ ɖagbe; nɔ ba fífá, bó nɔ́ jɛ hun d'é jí.

¹⁶Mawu Mavɔmavɔ sín nukún nɔ́ nɔ mɛ e nɔ wa nǔ jlɔ́jlɔ́ lɛ́ɛ jí. Tó tɔn ɖo te, bó nɔ se xó e yě ná sú é,

¹⁷Mawu Mavɔmavɔ nɔ húzú kpan nukɔn mɛdídá lɛ́ɛ, bó nɔ́ sú kún yětɔn dó, bɔ mɛɖé sɔ́ nɔ flín yě ɖo ayǐkúngban ɔ́ jí ǎ.

¹⁸Ényí mɛ e ɖo gbejí n'i lɛ́ɛ sú xó ɔ́, é nɔ́ se, bó nɔ́ hwlɛ́n yě ɖo nǔ e ɖo hǔn hɛn nú yě wɛ lɛ́ɛ bǐ mɛ.

¹⁹Mawu Mavɔmavɔ ɖo kpɔ́ xá mɛ e ayi yětɔn gbadó lɛ́ɛ, é nɔ́ hwlɛ́n mɛ e nǔ jɛ akɔ́n jí ná lɛ́ɛ.

²⁰Adǎn gěgé nɔ́ gbo gbejínɔtɔ́, Mawu Mavɔmavɔ ka nɔ hwlɛ́n ɛ sín bǐ mɛ.

²¹ É nɔ́ kpé nukún dó xú tɔn lɛ́ɛ bǐ wú, bɔ ɖokpó géé nɔ́ wɛ́n ǎ.

²²Nǔnyanyawatɔ́ ná kú nǔ nyanya kú, Mawu Mavɔmavɔ ná dɔn tó nú mɛ e jɛ gǒ mɛ nú gbejínɔtɔ́ lɛ́ɛ.

²³Mawu Mavɔmavɔ nɔ hwlɛ́n mɛsɛntɔ́ tɔn lɛ́ɛ gán; é nɔ ɖó hwɛ nú mɛ e nɔ hɔn wá su i lɛ́ɛ ɖě ǎ.