Read fon Ɖɛhan 53 Bible Online

Ɖɛhan 53 - fon bible

Ɖɛhan 53

¹Hanjigbɛ́gán ɔ́ sín hanjiwéma mɛ wɛ han élɔ́ ɖe. È sɔ́ xó lómílómí dó han mɛ; Davídi sín han wɛ. È nɔ ji dó han e è nɔ ylɔ́ ɖɔ “Mahalati” ɔ́ sín hangbe mɛ.

² Xlonɔ lɛ́ɛ nɔ́ ɖɔ dó ayi mɛ ɖɔ: “Mawu ɖě tíin ǎ.” Yě gblé, bó ja dɔn dě ɖɔhun; zǐnzán yětɔn gbɛ́ hɛn, mɛ ɖé ɖo yě mɛ bó nɔ́ wa nǔ ɖagbe ǎ.

³Mawu ka ɖo jǐxwé dɔ̌n, bó nɔ́ kpɔ́n gbɛtɔ́ lɛ́ɛ sɛ́ dó; é nɔ́ kpɔ́n ɖɔ nǔnywɛ́tɔ́ ɖé ka ɖo yě mɛ, bó ɖo émí ba wɛ a jí.

⁴Gbɛtɔ́ lɛ́ɛ bǐ gosín ali ɖagbe ɔ́ jí ɖó kpɔ́, yě bǐ wɛ húzú nǔ gbɛ́hɛn. Mɛ ɖěbǔ tíin bó nɔ́ wa ɖagbe ǎ, mɛ ɖokpó géé lě tíin ǎ.

⁵Mawu ɖɔ: “Mɛ e nɔ wa nǔ nyanya lɛ́ɛ bǐ jɛ́n ɖo manywɛ́ mɛ a? Yě nɔ́ ɖo togun ce wɔ ɖu wɛ; nǔɖuɖu yětɔn nɛ́. Yě nɔ́ ylɔ́ mì ǎ.”

⁶Xɛsi ɖaxó ɖé ná jɛ yě jí, bɔ yě ná nɔ́ sísɔ́, có xɛsi nú ɖé ká ná gbo yě ǎ. Yě mɛ e nɔ kplé dó wǔ we, bó ná wa nǔ xá we lɛ́ɛ ɔ́, Mawu ná fúnfún xú yětɔn; yě ná ɖu winnyá, ɖó Mawu jó yě dó.

⁷É jló mì tawun ɖɔ hwlɛngán ní gosín Sinyɔ́ɔ wá nú Izlayɛ́li. Mawu ná lɛ́ fɔ́n togun tɔn sí te. É ná víví nú Jakɔ́bu ví lɛ́ɛ kpɔ́n! Izlayɛ́li ví lɛ́ɛ ná j'awǎ kpɔ́n!