Read fon Ɖɛhan 60 Bible Online

Ɖɛhan 60 - fon bible

Ɖɛhan 60

¹ Hanjigbɛ́gán ɔ́ sín hanjiwéma mɛ wɛ han élɔ́ ɖe. È sɔ́ xó lómílómí dó han mɛ. Davídi sín han wɛ. È nɔ ji dó han e è nɔ ylɔ́ ɖɔ “Folówa ɖagbe ɖagbe kúnnuɖiɖe tɔn” é sín hangbe mɛ dó kplɔ́n nǔ mɛ.

²Hwenu e Davídi fun ahwan xá Silíinu e ɖo Mɛzopotamíi lɛ́ɛ kpódó éé ɖo Sova lɛ́ɛ kpó wɛ é ji han élɔ́; hwe énɛ́ nu wɛ Jowabu lɛ́ kɔ sín dɔ̌n bó wá hu Edɔ́munu děgba atɔn (12.000) ɖo Jɛtɔdo ɔ́ mɛ.

³Mawu, a nya mǐ, a gba mǐ dó; a ɖo xomɛsin jí nǔgbó, amɔ̌, kɛnklɛ́n, lɛ̌ sɔ́ mǐ ɖó tɛn mǐtɔn xóxó ɔ́ mɛ bó vɔ́ mǐ to.

⁴A hǔnhún ayǐkúngban ɔ́, a gba ayǐkúngban ɔ́ hánnyá; blǒ fí e é gba ɖe lɛ́ɛ ɖó, ɖó é ɖo dǐndán wɛ.

⁵Nǔ e a sɔ́ togun towe sín nukún dó mɔ é syɛ́n, a kpé vɛ̌ɛn gláglá ɖé nú mǐ.

⁶Mɛ e ɖo gbejí nú we lɛ́ɛ ɔ́, a ɖɔ hwenu e yě ná hɔn bɔ gǎ má ná jɛ yě wú ǎ nú yě. Agbɔ̌n

⁷Sɔ́ ɖisí lɔ towe dó hwlɛ́n mǐ; yǐ gbe nú ɖɛ mǐtɔn; énɛ́ ɔ́, mǐ wǎnyínámɔ towe lɛ́ɛ ná gán.

⁸Mawu ɖɔ ɖo xwé tɔn gbe ɖɔ: “Đuɖéjí ɔ́ ce wɛ. Un ná má Sikɛ́mu toxo ɔ́. Sukɔ́tu tɔdo ɔ́, un ná má mɛtɔn mɛtɔn nú mɛ.

⁹Galadi to ɔ́, ce wɛ, Manasée to ɔ́, ce wɛ. Eflayímu to ɔ́, ahwanfungbákún ce wɛ, Judáa to ɔ́, makpo ce wɛ.

¹⁰Mɔwabu to ɔ́, wǔlɛgbán ce wɛ. Edɔ́mu to ɔ́, un ko ɖó afɔ jí bó ná yí. Un sú xó bó tɔ́n ahwan Filisitɛ́ɛn lɛ́ɛ.”

¹¹Mɛ̌ ká ná kplá mì yi Edɔ́mu to ɔ́ mɛ din? Éɖíe è mɛ ahohó lɛ́ lɛ̌ dó toxo tɔn bǐ e! Mɛ̌ ká ná jó nú mì?

¹²Mɛ̌ ká sɔ́ sixú nyí zɛ hwi Mawu ɔ́ wú? Hwi ɖíe ká kó gbɛ́ mǐ, bó má sɔ́ nɔ́ kplá mǐ yi ahwangbénu ɖě ǎ e!

¹³Gɔ̌ alɔ nú mǐ nú mǐ nǎ ɖu ɖo kɛntɔ́ jí. Gbɛtɔ́ wú gán jɛ ɔ́, nǔ yǎyá wɛ.

¹⁴Mawu ɖo kpɔ́ xá mǐ ɔ́, mǐ ná wa adǎn. É wɛ ná zin kɛntɔ́ mǐtɔn lɛ́ɛ dɛ́.