Read fon Ɖɛhan 62 Bible Online

Ɖɛhan 62 - fon bible

Ɖɛhan 62

¹Hanjigbɛ́gán ɔ́ sín hanjiwéma mɛ wɛ han élɔ́ ɖe. È nɔ ji dó Yedutún sín hangbe mɛ. Davídi sín han wɛ.

²Mawu ɖokpónɔ géé gɔ́n wɛ un nɔ vo ɖe; gɔ̌n tɔn wɛ hwlɛngán ce nɔ́ gosín.

³É ɖokpó géé wɛ nyí só e wú un gán jɛ é, é wɛ nyí hwlɛngán ce, é wɛ nyí ahohó ce, nǔɖé ná dán mì ǎ.

⁴Káká hwetɛ́nu wɛ mi ka ná xísí dó gbɛtɔ́ ɖokpó ɔ́ dó yi jɛ? Mi xísí dó e, bó ná hu i; mi jló ná tun i gba dǒ e kó ɖo tɔ́tɔ́ é ɖɔhun. Mi jló ná mu i zindɛ́ kpá e kó nyi akɔ́n wɛn é ɖɔhun.

⁵Nǔgbó wɛ, mi ɖó gbe kpɔ́, bó ná ɖe e sín tɛn ɖaxó e mɛ é ɖe é. Adingban ɖíɖó wɛ nɔ víví nú mi. Yě nɔ́ sɔ́ nu yětɔn dó ɖo ɖɛ ɖagbe xo nú mɛ wɛ, ayi yětɔn mɛ ɔ́, ɖɛ nyanya xo wɛ yě ká ɖe. Agbɔ̌n

⁶Mawu ɖokpónɔ géé gɔ́n wɛ un ɖó ná ba vivo ce ɖe, ɖó é ɖokpó wɛ un ɖó nukún.

⁷É ɖokpónɔ géé wɛ nyí só e wú un gán jɛ é, é wɛ nyí hwlɛngán ce, é wɛ nyí ahohó ce, nǔɖé ná dán mì ǎ.

⁸Mawu jí wɛ hwlɛngán ce kpódó susu ce kpó jínjɔ́n. É wɛ nyí só e nɔ nya xɛ ɖo jǐ ce é. É wɛ nyí bibɛtɛn ce.

⁹Mi mɛ e ɖo togun ce mɛ lɛ́ɛ e mi, mi sɔ́ miɖée dó alɔ mɛ nú Mawu hwebǐnu. Mi ɖɔ nǔ e ɖo ayi mǐtɔn mɛ lɛ́ɛ bǐ n'i, é wɛ nyí bibɛtɛn mǐtɔn. Agbɔ̌n

¹⁰Nǔgbó wɛ, gbɛtɔ́ lɛ́ɛ ɔ́, nǔ yǎyá wɛ yě nyí. Gbɛtɔ́ lɛ́ɛ ɖésú ɔ́, adingbannɔ kpowun wɛ yě nyí. Gbɛtɔ́ lɛ́ɛ ɔ́, nú è bɛ̌ yě bǐ ɖó gan jí ɔ́, yě fúɖá hú jɔhɔn.

¹¹Mi ma gán jɛ mɛ táfútáfú wú ó, mi ma ka ɖó nukún nǔ e è fán asú bó yí é ó, nukúnɖíɖó yǎyá wɛ é ná nyí. Dɔkun ɖo dɔkun jí jɛ nú mi wɛ hǔn, ayixa mitɔn ní má nɔ wú ó.

¹²Đó Mawu kó ɖɔ xó ɖé; azɔn ɖokpó kɛ́ɖɛ́ wɛ é ka ɖɔ ǎ; é ɖɔ: “Hlɔ̌nhlɔ́n ɔ́, ce wɛ.”

¹³ Aklúnɔ, xomɛnyínyɔ́ ɔ́ lɔmɔ̌ ɔ́, towe wɛ é nyí, ɖó hwi wɛ nɔ sú nǔ e mɛ ɖokpó ɖokpó wa ɔ́ sín axɔ́ ɛ.