Read fon Ɖɛhan 81 Bible Online

Ɖɛhan 81 - fon bible

Ɖɛhan 81

¹Hanjigbɛ́gán ɔ́ sín hanjiwéma mɛ wɛ han élɔ́ ɖe. Asáfu sín han wɛ; è nɔ ji bo nɔ xo kanhún Gatinu lɛ́ɛ tɔn d'é mɛ.

²Mi sú xó kpó xomɛhunhun kpó sɛ́ dó Mawu hlɔ̌nhlɔ́n mǐtɔn ɔ́; mi kpa awǒbóbó sɛ́ dó Mawu Jakɔ́bu tɔn.

³Mi dó han víví bó ji; mi xo hǔnví, mi xo kanhún e nyɔ́ gbe ganjí é, mi xo kanhún kanwǒnɔ.

⁴ Mi kún lanzo xwezán mǐtɔn gbe: sun wá jǐ hǔn, mi kún lanzo, sun kpé ká hǔn, mi kún.

⁵Đó nǔ wɛ nyí bɔ Mawu zɔ́n Izlayɛ́li ví lɛ́ɛ, Mawu Jakɔ́bu tɔn sín gbeta wɛ;

⁶é sɔ́ dó ɖó sɛ́n nú Jozɛ́fu ví lɛ́ɛ, hwenu e é tɔ́n ahwan Ejípu é. Un se gbe ɖé, un ka tunwun mɛ e sín gbe wɛ ɔ́ ǎ. Gbe ɔ́ ɖɔ nú mì ɖɔ:

⁷“Un ɖe agban kpinkpɛn sín abɔ̌ towe ta, bɔ alɔ towe gosín xasun kpinkpɛn ɔ́ wú.

⁸ Adǎn ɖo gbigbo we wɛ bɔ a sú xó ylɔ́ mì, bɔ un hwlɛ́n we. Un zɔn jɔhɔn ɖaxó ɖé mɛ bó wá hwlɛ́n we gán. Un tɛ́n we kpɔ́n ɖo Mɛliba sin ɔ́ kɔn. Agbɔ̌n

⁹Togun ce, ɖǒtó mì, un ná gba akpá ɖé nú we. Izlayɛ́li, tó wɛ a lo kó ɖó mì.

¹⁰ È ma mɔ vodún ɖo gɔn towe ó, ma sɛn vodún ó.

¹¹Nyɛ wɛ nyí Mawu Mavɔmavɔ, Mawu towe; nyɛ wɛ ɖe we tɔ́n sín Ejípu. Kɛ nu gblogblo, un ná bɛ́ nǔɖuɖu d'é mɛ bɔ é ná gɔ́.

¹²Lo ɔ́, togun ce ɖótó gbe ce ǎ; Izlayɛ́li ví lɛ́ɛ ba xó ce ǎ.

¹³Énɛ́ ɔ́, un gbɔ bo jó yě dó nyi tó tlítlí yětɔn mɛ, bɔ yě xwedó linlin yě ɖésúnɔ tɔn lɛ́ɛ.

¹⁴Áo! Ényí togun ce nɔ ɖótó mì wɛ ɔ́, ényí Izlayɛ́li ví lɛ́ɛ sixú nɔ ali e un ɖe nú yě ɔ́ jí wɛ ɔ́,

¹⁵un ná ko dó winnyá kɛntɔ́ yětɔn lɛ́ɛ ɖo cɛ́jú mɛ, un ná húzú kpan nukɔn mɛ e ma ɖo yě jí ǎ lɛ́ɛ.”

¹⁶Énɛ́ ɔ́, mɛ e gbɛ́ wǎn nú Mawu Mavɔmavɔ lɛ́ɛ ná jó goyíyí bǐ dó, bɔ Izlayɛ́li ví lɛ́ɛ ná mɔ agbɔ̌n káká sɔ́yi.

¹⁷Jinukún e nyɔ́ hú ɖě lɛ́ɛ bǐ ɔ́ wɛ ná nyí nǔɖuɖu e Mawu ná ná yě ɔ́; é ná ná wǐin e è nɔ fɔ ɖo sókan mɛ é yě, bɔ yě ná nɔ́ ɖu gɔ́ xo.