Read fon Ɖɛhan 87 Bible Online

Ɖɛhan 87 - fon bible

Ɖɛhan 87

¹Kolée ví súnnu lɛ́ɛ sín han. Mawu ɖó Jeluzalɛ́mu toxo ɔ́ ayǐ ɖó só mímɛ́ lɛ́ɛ jí.

²Mawu Mavɔmavɔ yí wǎn nú Sinyɔ́ɔ toxo hú Jakɔ́bu ví lɛ́ɛ sín toxo ɖě lɛ́ɛ bǐ.

³Toxo Mawu tɔn, è nɔ ɖɔ xó e nɔ́ sɔ́ mɛ su lɛ́ɛ dó wǔ towe; é nɔ́ ɖɔ: Agbɔ̌n

⁴“Ejípunu ɖo mɛ e tunwun mì lɛ́ɛ mɛ, Babilɔ́nunu kpó Filisitɛ́ɛn kpó ɖo yě mɛ, Tíinu kpó Etiopíinu kpó lɔ ɖo yě mɛ; è ji yě ɖó to yětɔn yětɔn mɛ.

⁵È ka jɛ Sinyɔ́ɔ ɔ́, è nɔ ɖɔ: Fí élɔ́ wɛ nyí mɛ énɛ́ lɛ́ɛ bǐ sín toxo. Mawu Ajalɔ̌nlɔn ɔ́ wɛ ɖó toxo élɔ́ ayǐ.”

⁶Mawu Mavɔmavɔ ɖo togun lɛ́ɛ sín nyǐkɔ wlán dó wěgbó togun lɛ́ɛ tɔn mɛ wɛ; é nɔ́ wlán ɖɔ: “Sinyɔ́ɔ fí wɛ togun lě jɔ ɖe.” Agbɔ̌n

⁷Mɛ e ɖo han ji wɛ lɛ́ɛ, kpó mɛ e ɖo we ɖú wɛ lɛ́ɛ kpó nɔ́ sú xó ɖɔ: “Gɔ̌n towe wɛ donu ce bǐ ɖe!”