Read fon Ɖɛhan 92 Bible Online

Ɖɛhan 92 - fon bible

Ɖɛhan 92

¹Han e è nɔ ji gbɔjɛzán gbe é.

²Susu kpa nú we nyɔ́ mɛ Mawu Mavɔmavɔ! Han ji dó mlá nyǐkɔ towe nyɔ́ lóóo Mawu Ajalɔ̌nlɔn!

³È ɖɔ lě e a nyɔ̌ xomɛ gbɔn é zǎnzǎn, bó ɖɔ lě e a ɖo gbejí gbɔn é zǎn mɛ ɔ́, é nyɔ́ mɛ!

⁴È ɖo ɖiɖɔ wɛ, bó ɖo kanhún kanwǒnɔ xo d'é mɛ wɛ, bó ɖo kanhún kan atɔn nɔ xo d'é mɛ wɛ, bó ɖo kpete kún d'é mɛ wɛ ɔ́, é nyɔ́ lóóo!

⁵Mawu Mavɔmavɔ, a nɔ sɔ́ nǔ e a blǒ lɛ́ɛ dó dó xomɛhunhun nú mì. Un nɔ ji han kpó awǎjijɛ kpó dó kpa nǔ e a sɔ́ alɔ towe dó bló lɛ́ɛ é.

⁶Mawu Mavɔmavɔ, nǔ e a blǒ lɛ́ɛ d'agba mɛ nya! Linlin towe lɛ́ɛ ɔ́, è sixú mɔ do ná gbeɖé ǎ.

⁷Gbɛtɔ́ e ma bí ǎ é nɔ́ tunwun nǔ ɖěbǔ ɖ'é mɛ ǎ, xlonɔ nɔ mɔ nǔ jɛ mɛ ǎ.

⁸Mɛdídá lɛ́ɛ ɖo zǐnzɔ́n wɛ gběhan ɖɔhun. Mɛ e nɔ xo dǎka lɛ́ɛ bǐ ɖo sɛ́ gba wɛ folówa ɖɔhun; kún yětɔn ká ná wá sú dó bǐ gbídí gbídí.

⁹Amɔ̌, hwɛ Mawu Mavɔmavɔ ɔ́, hwi wɛ hú gǎn nǔ bǐ káká sɔ́yi.

¹⁰Kɛntɔ́ towe lɛ́ɛ ɔ́, mɛ e nyí kɛntɔ́ towe lɛ́ɛ ɔ́, yě bǐ wɛ nɔ́ sú kún dó, bɔ mɛ e nɔ dó nǔ nyanya sin lɛ́ɛ ɔ́, è nɔ gba yě bǐ dó.

¹¹Mawu Mavɔmavɔ, a nǎ hlɔ̌nhlɔ́n mì, bɔ un dó hlɔ̌nhlɔ́n agbo ɖɔhun. A nɔ kɔn ami fífá ɖé dó ta nú mì.

¹²Kɛntɔ́ ce lɛ́ɛ ɖo ayǐ jɛ wɛ bɔ un ɖo yě kpɔ́n wɛ; yě ɖo alě ná wɛ, bɔ un ɖo sise wɛ ɖótó wú.

¹³Mɛ e nyí hwɛjijɔnɔ ɔ́ nɔ́ su dětín ɖɔhun; é nɔ́ yi jǐ sɛ́dlutín Libáan tɔn ɖɔhun.

¹⁴Mawu Mavɔmavɔ sín xwé gbe wɛ è tun sɔ́ nyi; é nɔ́ su ɖo Mawu mǐtɔn sín kɔ́xota.

¹⁵É ná bó kó kpo ɔ́, é nɔ́ lɛ́ sɛ́n. Gbɛ nɔ kpo ɖo wǔ tɔn, ama tɔn lɛ́ɛ nɔ́ ɖo mǔ tɛgbɛ.

¹⁶Énɛ́ nɔ́ ɖe xlɛ́ ɖɔ Mawu Mavɔmavɔ wɛ nyí hwɛjijɔnɔ. Mawu Mavɔmavɔ wɛ nyí só e jí un dó ɖɔ do ɖó é; è nɔ mɔ nǔ jɛ do ɖé ɖo wǔ tɔn ǎ.