Read fon Ɖɛhan 93 Bible Online

Ɖɛhan 93 - fon bible

Ɖɛhan 93

¹Mawu Mavɔmavɔ wɛ nyí axɔ́sú, susu wɛ nyí avɔ bɔ é nyi kɔ; é cyɔ́n susu avɔ ɖɔhun, hlɔ̌nhlɔ́n nyí gǒjíblánú bɔ é sin. É sɔ́ ayǐkúngban ɔ́ jínjɔ́n ayǐ bɔ é dó ɖɔ do ganjí; é ná dán wǔ ǎ.

²Mawu Mavɔmavɔ, axɔ́súɖuɖu towe ɖo te din ɔ́, é nyí mɛɖé hwenu xó ǎ; Mawu Mavɔmavɔ, sín do ɔ́, hwi wɛ tíin.

³Mawu Mavɔmavɔ, tɔ lɛ́ɛ nɔ́ sí te; tɔ lɛ́ɛ nɔ́ sí te kpó adǎn kpó; tɔ lɛ́ɛ nɔ́ sí te kpó zǐngídi kpó;

⁴lo ɔ́, hwɛ Mawu Mavɔmavɔ ɔ́, a hú hlɔ̌nhlɔ́n nǔ bǐ, a ɖo jǐ aga dɔ̌n bó hú hlɔ̌nhlɔ́n adǎn e jí tɔ lɛ́ɛ nɔ́ ɖe é; a hú hlɔ̌nhlɔ́n aslɔkɛ́ e nɔ́ sí te ɖo xu jí lɛ́ɛ bǐ.

⁵Mawu Mavɔmavɔ, sɛ́n e a dǒ lɛ́ɛ bǐ wɛ nyí sɛ́n jɔ sɛ́n. É jɛ xá bɔ xwé towe ná nyí nǔ mímɛ́ káká sɔ́yi.