Read fon Nǔnywɛ́xó 15 Bible Online

Nǔnywɛ́xó 15 - fon bible

Nǔnywɛ́xó 15

¹È sɔ́ gbe fífá dó ná xósin mɛ ɔ́, xomɛ nɔ fá; è ka kán gbe nú mɛ ɔ́, xomɛsin ɔ́ ɖě nɔ́ jɛ ɖě jí.

²Nǔnywɛ́tɔ́ lɛ́ɛ ɖɔ xó ɔ́, nǔnywɛ́ ɖíɖó nɔ́ jló mɛ; amɔ̌, xlonɔ lɛ́ɛ ɔ́, lɛ̌lo wɛ nɔ́ tɔ́n sín nu yětɔn mɛ.

³Mawu Mavɔmavɔ sín nukún mɔ nǔ jɛ fí bǐ; é nɔ́ ɖo mɛdídá kpó mɛ ɖagbe kpó kpɔ́n wɛ.

⁴Xó e nɔ dó wǔsyɛ́n lanmɛ nú mɛ ɔ́, atín ɖé wɛ é nyí bó nɔ́ ná gbɛ mɛ; alǎnnú ɖɔ nú mɛ ka nɔ kú wǔ nú mɛ.

⁵Vǐ e ma bí ǎ é nɔ́ hu tɛ́ nú kplɔ́n e tɔ́ tɔn nɔ́ ná ɛ é; lo ɔ́, vǐ e è gbɛ̌ nǔ ná ɔ́, é nɔ se ɔ́, vǐ ayiɖotenánɔ nɛ́.

⁶Hwɛjijɔnɔ ɔ́, dɔkun wɛ nɔ gɔ́ xwé tɔn; lo ɔ́, mɛdídá ɔ́, nǔ e é wa nǔ bó mɔ ɔ́ nɔ́ dɔn awě wá n'i.

⁷Nǔnywɛ́tɔ́ xó ɔ́, nǔ wɛ é nɔ́ kplɔ́n mɛ; xlonɔ sín ayixa ká gbɔn vo.

⁸Mawu Mavɔmavɔ nɔ gbɛ́ wǎn nú vɔ̌sísá mɛdídá tɔn; lo ɔ́, é nɔ́ se hwɛjijɔnɔ sín ɖɛ kpó xomɛ ɖagbe kpó.

⁹Mawu Mavɔmavɔ nɔ gbɛ́ wǎn nú mɛdídá sín walɔ; lo ɔ́, é nɔ yí wǎn nú mɛ e nɔ xwedó hwɛjijɔ dó wa nǔ é.

¹⁰Mɛ e zɛ sín ali ɖagbe ɔ́ jí ɔ́, è nǎ dɔn tó n'i bɔ é ná vɛ́ jlɛ́; mɛ e è ka gbɛ̌ nǔ ná ɔ́ é ma nɔ́ se ǎ é ná kú.

¹¹Mawu Mavɔmavɔ mɔ nǔ jɛ kútomɛ, é mɔ jɛ domaɖó-azan ɔ́ mɛ; ani ka sɔ́ nyí gbɛtɔ́ sín ayi mɛ tɔn?

¹²Mɛ e nɔ yí go é nɔ́ ba nú è nǐ kɛ nu dó nǔ e wa wɛ é ɖe lɛ́ɛ ɖě wú ǎ; énɛ́ wú wɛ é má nɔ́ kan nǔ byɔ́ mɛ e ɖó nǔnywɛ́ lɛ́ɛ ǎ.

¹³Xomɛ hun mɛ ɔ́, nukún mɛtɔn mɛ nɔ nyɔ́ kpɔ́n; linkpɔ́n ká ɖo ayi mɛ nú mɛ ɔ́, wǔ nɔ kú mɛ.

¹⁴Mɛ e ayi tɔn nɔ mɔ nǔ ɔ́ nɔ́ ba ná tunwun nǔ dó nǔ jí; lo ɔ́, xlonɔ lɛ́ɛ ɔ́, lɛ̌lo ɖɔ wɛ jɛ́n yě nɔ́ ɖe tɛgbɛ.

¹⁵Wamamɔnɔ ɔ́, gbɛ nɔ nyɔ́ n'i gbeɖé ǎ; mɛ e gbɛ ká nyɔ́ ná ɔ́ nɔ́ fɔ́n bó nɔ́ ɖo agɔ̌ ɖu wɛ.

¹⁶È ɖǒ nǔ kpɛɖé lobo ɖó sísí nú Mawu Mavɔmavɔ ɔ́, é nyɔ́ hú è jɛ dɔkun kpɔ́ gěgé, bɔ linkpɔ́n ká hú gǎn mɛ.

¹⁷È ɖu nǔ lan ma ɖ'é mɛ ɖo fí e wǎn yíyí ɖe ɔ́, é nyɔ́ hú è ɖu lan kloklo ɖo fí e è gbɛ́ wǎn nú mɛ ɖe é.

¹⁸Gbɛtɔ́ xomɛsinnɔ nɔ dɔn hun wa; gbɛtɔ́ e fá xomɛ é ká nɔ́ dɔn hun wá ǎ.

¹⁹Ali e jí fɔnlínnɔ ɖe ɔ́, wunkan wɛ gɔ́; mɛ e nɔ wa nǔ jlɔ́jlɔ́ ɔ́, ali e jí é ɖe ɔ́ ká mɛ́.

²⁰Vǐ ɖé ɖó mɛxóyixa ɔ́, é nɔ́ víví nú tɔ́ tɔn; vǐ e jɔ xlo ɔ́ nɔ hu tɛ́ nú nɔ tɔn.

²¹Mɛ e ayivɔ vún ɔ́ zɛ xlohwɛ ɔ́, vǐví wɛ é nɔ́ lɛ́ víví n'i; mɛ e ka nɔ lin tamɛ kpɔ́n ɔ́, núwiwa tɔn nɔ́ xwe ali.

²²È lɛ̌n nǔɖé ná wa bó má ɖó te nú mɛ ɖé ǎ ɔ́, é nɔ́ yi ta ǎ; mɛ gěgé ká ɖe wě d'é wú xá mɛ ɔ́, è nɔ mɔ nu tɔn.

²³Xósin ɖagbe tɔ́n sín gbɛtɔ́ nu mɛ ɔ́, xomɛ nɔ hun i. È ɖɔ xó nú é jɛ gan ɔ́, é nɔ́ nyɔ́ tawun!

²⁴Gbɛtɔ́ e ayi tɔn ɖo te ɔ́, gbɛligbó wɛ é nɔ́ mlɛ́; é nɔ mlɛ́ ali e yi kútomɛ é ǎ.

²⁵Mawu Mavɔmavɔ nɔ gba goyítɔ́ sín xwé, bó ká nɔ́ kpé nukún dó asúkúsi sín ayǐkúngban wú.

²⁶Mawu Mavɔmavɔ nɔ gbɛ́ wǎn nú linlin nyanya lɛ́ɛ; lo ɔ́, xó ɖagbe lɛ́ɛ nɔ́ nyɔ́ nukún tɔn mɛ.

²⁷Mɛ e nɔ gba acɛ dó ɖó akwɛ́ ɔ́, xwé é ɖésúnɔ tɔn wɛ é nɔ́ dɔn dó ya mɛ. Mɛ e ka gbɛ́ wǎn nú nǔ ɖu ɖo nǔ mɛ é ná dɔ́ ji.

²⁸Gbɛtɔ́ hwɛjijɔnɔ nɔ́ lin tamɛ cóbó nɔ́ kɛ nu dó xó wú. Mɛdídá lɛ́ɛ ká nɔ́ ɖɔ alǎnnú kɔn nyi ayǐ kpowun.

²⁹Mawu Mavɔmavɔ nɔ kpɔ́n mɛdídá lɛ́ɛ sín jɔ jí ǎ; lo ɔ́, é nɔ́ ɖótó hwɛjijɔnɔ lɛ́ɛ sín ɖɛ.

³⁰È ko nǔ dó mɛ ɔ́, xomɛ nɔ hun mɛ; wɛn ɖagbe nɔ dó wǔsyɛ́n lanmɛ nú mɛ.

³¹Mɛ e è gbɛ̌ nǔ ná bó ná ɖe e ɖó ali jí ɔ́, é nɔ́ ɖótó te bó nɔ́ se ɔ́, nǔnywɛ́tɔ́ lɛ́ɛ mɛ wɛ é ɖe.

³²Mɛ e è kplɔ́n nǔ ɔ́ é má nɔ se ǎ ɔ́, éɖée wú wɛ é wa nǔ dó; lo ɔ́, mɛ e è gbɛ́ nǔ ná ɔ́, é nɔ se ɔ́ ayi tɔn nɔ ɖo nǔ mɔ wɛ.

³³Sísí ɖó nú Mawu Mavɔmavɔ ɔ́, nǔnywɛ́ sín azɔ̌mɛ yiyi wɛ. Mɛɖée wɛ è nɔ sɔ́ hwe hwɛ̌ có è nɔ wá sɔ́ mɛ su.