Read fon Ezekiyɛ́li 15 Bible Online

Ezekiyɛ́li 15 - fon bible

Ezekiyɛ́li 15

¹Mawu Mavɔmavɔ ɖɔ nú mì ɖɔ:

²“Hwɛ gbɛtɔ́ e, étɛ́ vǐwuntín[6] ka dó nyɔ́ hú atín e ɖo zunkan mɛ lɛ́ɛ bǐ? Étɛ́ vǐwuntín sín ala lɛ́ɛ ka dó nyɔ́ hú atín e ɖo zunkan mɛ lɛ́ɛ bǐ sín ala?

³È nɔ sixú zé atín énɛ́ dó kpa nǔɖé ná a? È nɔ sixú zé dó kpa só ná vɔ́vɔ́, bó zé nǔ kplá kɔ a?

⁴Éeǒ! Nǔ ɖokpó e è nɔ dó wa ɔ́ jɛ́n nyí è nɔ dó zo. É ji zo ɔ́, nuvínu tɔn we lɛ́ɛ kpó tɛ́ntin tɔn kpó bǐ wɛ nɔ́ ji zo, bó nɔ́ kɔn afín. È sɔ́ sixú dó wa nǔ ɖěvo a?

⁵Hwenu e vǐwuntín ɔ́ ɖo ganjí é ɔ́, è ko tunwun nǔ e è nǎ zé dó wa ná lɔ é ǎ, ani ka sɔ́ nyí hwenu e é ji zo ɔ́ tɔn? É kó lɛ́ nylá bǐ nɛ́ hǔn! È sɔ́ sixú sɔ́ dó wa nǔɖé ná ǎ.

⁶“Nǔ e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Vǐwuntín nyɔ́ hú atín ɖě lɛ́ɛ ée ɖo zunkan mɛ é ǎ; myɔ mɛ wɛ xó tɔn nɔ́ wá fó dó. Mɔ̌ wɛ Jeluzalɛ́munu lɛ́ɛ xó ná fó gbɔn;

⁷un ná wa nǔ xá yě. È ko ɖe yě tɔ́n sín myɔ ɔ́ mɛ ɖokpó, lo ɔ́, myɔ ɔ́ jɛ́n ɖo yě ná fyɔ́ wɛ. Ée un ná wa nǔ xá yě gbɔn mɔ̌ ɔ́, mi ná tunwun ɖɔ nyɛ wɛ nyí Mawu Mavɔmavɔ.

⁸Un nǎ zé to yětɔn dó húzú gbětótló, ɖó yě nɔ gbejí nú mì ǎ. Xó e nyɛ Aklúnɔ Mavɔmavɔ ɖɔ ɔ́ nɛ́.”