Read fon Ozée 3 Bible Online

Ozée 3 - fon bible

Ozée 3

¹Mawu Mavɔmavɔ ɖɔ nú mì ɖɔ: “Lɛ̌ vɔ́ yí wǎn nú nyɔ̌nu énɛ́ ɔ́ e ɖó asú cóbó ká lɛ́ ɖo aga lɛ wɛ é. Yǐ wǎn n'i lě e nyɛ Mawu Mavɔmavɔ ɔ́ yǐ wǎn nú Izlayɛ́li ví lɛ́ɛ gbɔn é. Yě jó mì dó, bó ɖo vodún lɛ́ɛ sɛn wɛ, bó yí wǎn nú hlɛ̌n vǐwunsínsɛ́ntá tɔn e yě nɔ́ ná vodún lɛ́ɛ, có un yí wǎn nú yě.”

²Ée Mawu Mavɔmavɔ ɖɔ mɔ̌ ɔ́, un zé kpatágankwɛ́ afɔtɔn kpódó jinukún e è nɔ ylɔ́ ɖɔ ɔ́ji ɔ́ kilóo afɔwe kanɖé wǒ (450) kpó dó yí nyɔ̌nu ɔ́ ná.

³Énɛ́ ɔ́, un ɖɔ n'i ɖɔ: “Nyǐ nyɛ ɖokpónɔ tɔn xɔ azǎn gěgé. Ma sɔ́ lɛ aga ɖě ó; ma jó hwiɖée nú súnnu ɖěbǔ ó, énɛ́ ɔ́, nyɛ lɔmɔ̌ ná nɔ mɔ̌ nú we.”

⁴Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé.

⁵Énɛ́ ɔ́ gúdo ɔ́, Izlayɛ́li ví lɛ́ɛ ná lɛ́ kɔ wá. Yě ná ba Mawu Mavɔmavɔ, Mawu yětɔn kpódó Davídi axɔ́sú yětɔn ɔ́ kpó mɔ. Nú é wá yá ɔ́, kpó sísí kpó wɛ yě ná ba Mawu Mavɔmavɔ ɔ́ kpó ɖagbe e é nɔ́ wa nú mɛ lɛ́ɛ kpó.