Read fon Jonási 2 Bible Online

Jonási 2 - fon bible

Jonási 2

¹ Mawu Mavɔmavɔ sɛ́ hweví ɖaxó ɖé dó, bɔ é wá mi Jonási. Jonási nɔ hweví xomɛ nú zǎn atɔn kéze atɔn.

²Ée Jonási ɖo hweví ɔ́ xomɛ ɔ́, é xo ɖɛ bó sú xó ylɔ́ Mawu Mavɔmavɔ, Mawu tɔn.

³É ɖɔ: Hwenu e adǎn gbo mì ɔ́, un sú xó ylɔ́ we Mawu Mavɔmavɔ, bɔ a yǐ gbe nú mì. Hwenu e un ɖo kúdonu ɔ́, un sú xó ylɔ́ we ɖɔ hwi ní wá gɔ́ alɔ nú mì bɔ a se xósúsú ce.

⁴A sɔ́ mì nyi dó xu mɛ, bɔ un yi do bǐ gbídígbídí. Sin ɔ́ bú mì bǐ gbídígbídí, bɔ a nɔ mlí aslɔkɛ́ wá gba mì ɖě jɛ ɖě gúdo.

⁵Nyɛ ka ko ɖo ɖiɖɔ wɛ ɖɔ: “Mawu Mavɔmavɔ, a nya mì bɔ un ɖo zɔ nú we bǐ. Nǔ ɖo mɔ̌ có un ka lɛ́ jló ná mɔ sinsɛnxɔ towe.”

⁶Sin bú mì káká wá kɔ. Sin ɔ́ bú mì bǐ, bɔ gběhan xu mɛ tɔn lɛ́ɛ blá ta nú mì.

⁷Só lɛ́ɛ sín dodónu wɛ un ko yi, bɔ kú sín hɔntogbó lɛ́ɛ ko sú dó mì bó ná nɔ mɔ̌ káká sɔ́yi. Lo ɔ́, hwɛ Mawu Mavɔmavɔ, Mawu ce ɔ́, a ɖe mì tɔ́n gbɛɖe sín do gɔngɔn énɛ́ ɔ́ mɛ.

⁸Hwenu e kan mɛ gbɔ́jɔ́ mì bɔ agbɔ̌n kpé mì bǐ ɔ́, un wá flín we, bó xo ɖɛ sɛ́ dó we Mawu Mavɔmavɔ, bɔ ɖɛ ce wá gɔ̌n towe, ɖo sinsɛnxɔ mímɛ́ towe mɛ.

⁹Mɛ e nɔ sɛn nǔmɛsɛn lɛ́ɛ ɔ́, hwlɛngánli ɔ́ bǐ wɛ sú dó yě.

¹⁰Amɔ̌, nyɛ ɔ́, nǔ e a wa nú mì ɔ́, un ná ji han dó dó kú tɔn nú we; un ná xwlé vɔ̌sánú we, bɔ akpá e un dó nú we lɛ́ɛ ɔ́, un ná ɖe yě. Nǔgbó wɛ Mawu Mavɔmavɔ, hwi wɛ nɔ hwlɛ́n mì gán.

¹¹Mawu Mavɔmavɔ ká wá ɖe gbe, bɔ hweví ɔ́ wá vi Jonási sɔ́ nyi agě.