Read fon Zakalíi 4 Bible Online

Zakalíi 4 - fon bible

Zakalíi 4

¹Wɛnsagun e ɖo xó ɖɔ xá mì wɛ ɔ́ lɛ́ wá, bó hun nukún nú ayixa ce mɛ e ɖo amlɔ dɔ́ wɛ bɔ è fɔ́n ɛ ɔ́ ɖɔhun.

²Bó kanbyɔ́ mì ɖɔ: “Étɛ́ mɔ wɛ a ɖe?” Bɔ un yí gbe n'i ɖɔ: “Un mɔ zogbɛ́nhɛnnú ɖokpó, bɔ é nyí siká kɛ́ɖɛ́. É ɖó nǔ e mɛ è nǎ kɔn ami dó ɔ́ ɖokpó ɖo aga, bó hɛn zogbɛ́n tɛ́nwe, nǔ e mɛ ami nɔ gbɔn byɔ́ zogbɛ́n lɛ́ɛ mɛ ɔ́ tɛ́nwe.

³Olívutín we ɖo nǔ e mɛ è nɔ kɔn ami dó ɔ́ kpá, ɖokpó ɖo ɖisíxwé, bɔ ɖokpó ɖo amyɔxwé.”

⁴Un kanbyɔ́ wɛnsagun e ɖo xó ɖɔ xá mì wɛ ɔ́ ɖɔ: “Étɛ́ nyí wɛ nǔ énɛ́ lɛ́ɛ bǐ ká ɖe Sɛ́mɛɖó ce?”

⁵Bɔ é kanbyɔ́ mì ɖɔ: “A tunwun ǎ cé?” Bɔ un ɖɔ: “Éeǒ!”

⁶Énɛ́ ɔ́, é lɛ́ yí xó bó tínmɛ nú mì ɖɔ:

¹⁰ “Zogbɛ́n tɛ́nwe lɛ́ɛ ɔ́, Mawu Mavɔmavɔ sín nukún e ɖo ayǐkúngban ɔ́ bǐ cɔ́ wɛ lɛ́ɛ wɛ.”

¹¹ Un yí xó bó kanbyɔ́ ɛ ɖɔ: “Étɛ́ nyí wɛ olívutín we e ɖo ɖisíxwé kpó amyɔxwé kpó nú zogbɛ́nhɛnnú lɛ́ɛ ká ɖe?”

¹²Un lɛ́ kanbyɔ́ ɛ ɖɔ: “Olívutín sín ala we e ɖo sikánú e mɛ ami nɔ gbɔn ɔ́ kpá lɛ́ɛ ɔ́, étɛ́ nyí wɛ yě ká ɖe?”

¹³Bɔ é yí gbe nú mì ɖɔ: “A tunwun ǎ cé?” Bɔ un ɖɔ: “Éeǒ! Sɛ́mɛɖó ce.”

¹⁴Bɔ é tínmɛ nú mì ɖɔ: “Mɛ we e Mawu Mavɔmavɔ e kpa acɛ dó ayǐkúngban ɔ́ bǐ nu ɔ́ dó ami ta ná, dó ɖe yě ɖó vo, bɔ yě ná wa azɔ̌ n'i lɛ́ɛ wɛ.” Mawu Mavɔmavɔ dó akpá nú Zolobabɛ́li Wɛnsagun Mawu Mavɔmavɔ tɔn ɔ́ ɖɔ nú mì ɖɔ nyi ní ɖɔ nú Zolobabɛ́li[3] ɖɔ: Xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: “É nyí zǐngídi wɛ a nǎ nɔ́ dó wa nǔ ǎ, é ká nyí hlɔ̌nhlɔ́n towe ɖésú wɛ a nǎ nɔ́ dó wa nǔ ǎ, lo ɔ́, Yɛ ce sín hlɔ̌nhlɔ́n wɛ a nǎ nɔ dó wa nǔ.” Mawu Mavɔmavɔ lɛ́ ɖɔ: “Só ɖaxó e, étɛ́ wɛ a nyǐ ɖo Zolobabɛ́li nukɔn? É ná gbígbá we bǐ yi do. Hwi mɛ wɛ é ná ɖe awǐnnya tají e ná nɔ sinsɛnxɔ ɔ́ ta ɔ́ sín. È nǎ kpa awǒbóbó, bó ná ɖɔ: ‘É nyɔ́ ɖɛkpɛ mɛ nya! É nyɔ́ ɖɛkpɛ mɛ nya!’ ” Mawu Mavɔmavɔ lɛ́ ɖɔ nú mì ɖɔ: “Zolobabɛ́li wɛ dó sinsɛnxɔ ɔ́ do, bó ká ná gbá yi fó.” Ényí nǔ cí mɔ̌ ɔ́, a nǎ tunwun ɖɔ Mawu Mavɔmavɔ Nǔbǐwúkpétɔ́ ɔ́ wɛ sɛ́ mì dó mi gɔ́n nǔgbó. Đó mɛ e ná (...)