Read fon Jozuwée 12 Bible Online

Jozuwée 12 - fon bible

Jozuwée 12

¹ Izlayɛ́li ví lɛ́ɛ kó ɖu ɖo axɔ́sú we jí ɖo Judɛ́ɛn tɔ ɔ́ sín zǎnzǎnhwe jí; yě yí ayǐkúngban yětɔn sín Aanɔ́ni tɔ ɔ́ kɔn, káká yi Ɛmɔ́ɔ só ɔ́ kɔn; ayǐkúngban e ɖo Judɛ́ɛn tɔdo ɔ́ mɛ ɖo zǎnzǎnhwe jí ɔ́ lɔ ɖo ayǐkúngban e yě yǐ lɛ́ɛ mɛ.

²Axɔ́sú ɔ́ ɖokpó nyí Sihɔ́ni. Éyɛ́ ɔ́, Amɔliti wɛ é nyí, bó nɔ́ nɔ Hɛcibɔ́ni. É kpa acɛ dó tɔdo e ɖo Aanɔ́ni ɔ́ sín vlɔ̌ɖówe nu, bɛ́ sín gletoxo Alowɛ́ɛ tɔn mɛ, bó kpa acɛ dó Galadi yíkúngban ɔ́ sín vlɔ̌ɖówe nu káká yi Yabɔ́ku tɔ ɔ́ kɔn. Tɔ énɛ́ ɔ́ wɛ nyí dogbó nú yě kpódó Amumɔ́ɔ ví lɛ́ɛ kpó.

³É lɛ́ kpa acɛ dó tɔdo Judɛ́ɛn tɔn ɔ́ nu, ɖo zǎnzǎnhwe jí, bɛ́ sín Jenɛzalɛ́ti tɔ ɔ́ kɔn ɖo totaligbé káká yi Xu Kúkú ɔ́ kɔn, ɖo Bɛti-Yesimɔ́ti kpá, bó lɛ́ kpa acɛ dó ayǐkúngban e ɖo Pisiga só kpá ɔ́ nu, ɖo tofɔligbé do dɔ̌n.

⁴Axɔ́sú ɔ́ ɖě nyí Ɔgu, bo nyí Hlafa ví gǔdo gúdo tɔn e kpo lɛ́ɛ ɖě bó kpa acɛ dó Basáni nu, bó nɔ́ nɔ Acitalɔ́ti, bó nɔ́ lɛ́ nɔ Edlɛyi.

⁵É kpa acɛ ɖo Ɛmɔ́ɔ só ɔ́ kɔn, bó kpa acɛ ɖó Saluka toxo ɔ́ nu, bó kpa acɛ dó Basáni to ɔ́ bǐ nu, káká yi Gɛcúunu lɛ́ɛ kpó Maakatinu lɛ́ɛ kpó sín dogbó jí. É lɛ́ kpa acɛ dó ayǐkúngban Galadi tɔn ɔ́ sín vlɔ̌ɖówe nu, káká yi bɔdó Sihɔ́ni axɔ́sú Hɛcibɔ́ni tɔn sín dogbó wú.

⁶ Mɛsɛntɔ́ Mawu Mavɔmavɔ tɔn Mɔyízi kpódó Izlayɛ́li ví lɛ́ɛ kpó kó ɖu ɖo axɔ́sú we énɛ́ lɛ́ɛ jí, bɔ Mɔyízi ko sɔ́ ayǐkúngban yětɔn lɛ́ɛ jó nú akɔta Hwlibɛ́ni tɔn kpódó Gadi tɔn kpó, kpódó akɔta vlɔ́ Manasée tɔn ɔ́ kpó.

⁷Énɛ́ ɔ́ gúdo ɔ́, Jozuwée kpódó Izlayɛ́li ví lɛ́ɛ kpó wá ɖu ɖo axɔ́sú e ɖo Judɛ́ɛn tɔ ɔ́ sín gbadahwe jí lɛ́ɛ jí; axɔ́sú énɛ́ lɛ́ɛ sín ayǐkúngban gosín Baalu-Gadi, ɖo Libáan tɔdo mɛ, ɖo totaligbé káká yi só e jí nǔɖé má ɖe ǎ é kɔn, ɖo Seyíi kpá, ɖo tofɔligbé. Jozuwée ná to énɛ́ lɛ́ɛ Izlayɛ́li ví lɛ́ɛ; é má nú akɔta yětɔn lɛ́ɛ.

⁸To e é má nú yě lɛ́ɛ ɖíe: Ayǐkúngban e ɖo sókan mɛ é, to e ɖo dodomɛ é, ayǐkúngban e ɖo tɔdo Judɛ́ɛn tɔn mɛ é, ayǐkúngban e ɖo só jí lɛ́ɛ, ayǐkúngban e ɖo gbětótló mɛ lɛ́ɛ kpódó éé ɖo só kpɛví kpɛví lɛ́ɛ kan mɛ lɛ́ɛ kpó. Mɛ e nɔ ayǐkúngban énɛ́ lɛ́ɛ jí ɖ'ayǐ lɛ́ɛ ɖíe: Hitíti lɛ́ɛ, Amɔliti lɛ́ɛ, Kanáanu lɛ́ɛ, Pɛliziti lɛ́ɛ, Hivíti lɛ́ɛ, kpódó Jebuzinu lɛ́ɛ kpó.

⁹Axɔ́sú e jí Jozuwée kpó Izlayɛ́li ví lɛ́ɛ kpó ɖu ɖe lɛ́ɛ ɖíe: Jeliko xɔ́sú ɔ́, Ayíi xɔ́sú ɔ́; Betɛ́li kpá wɛ Ayíi ɔ́ ɖe.

¹⁰Jeluzalɛ́mu xɔ́sú ɔ́, Eblɔ́n xɔ́sú ɔ́,

¹¹Yaamúti xɔ́sú ɔ́, Lakíci xɔ́sú ɔ́,

¹²Eglɔ́ni xɔ́sú ɔ́, Gɛzɛ́ɛ xɔ́sú ɔ́,

¹³Devíi xɔ́sú ɔ́, Gɛdɛ́ɛ xɔ́sú ɔ́,

¹⁴Hɔ́ɔma xɔ́sú ɔ́, Aladi xɔ́sú ɔ́,

¹⁵Livuna xɔ́sú ɔ́, Adulámu xɔ́sú ɔ́,

¹⁶Makeda xɔ́sú ɔ́, Betɛ́li xɔ́sú ɔ́,

¹⁷Tapuwaxi xɔ́sú ɔ́, Hefɛ́ɛ xɔ́sú ɔ́,

¹⁸Afɛ́ki xɔ́sú ɔ́, Lacalɔ́ni xɔ́sú ɔ́,

¹⁹Madɔ́ni xɔ́sú ɔ́, Hasɔ́ɔ xɔ́sú ɔ́,

²⁰Cimulɔ́ni-Mɛlɔ́ni xɔ́sú ɔ́, Akisáfu xɔ́sú ɔ́,

²¹Tanaki xɔ́sú ɔ́, Mɛgido xɔ́sú ɔ́,

²²Kedɛ́ci xɔ́sú ɔ́, Yokunɛámu xɔ́sú ɔ́, Kaamɛ́li gbé ɔ́ jí wɛ Yokunɛámu ɔ́ ɖe.

²³Dɔ́ɔ xɔ́sú ɔ́; xutó wɛ Dɔ́ɔ ɔ́ ɖe; Goyímu xɔ́sú ɔ́; Galilée wɛ Goyímu ɔ́ ɖe,

²⁴kpódó Tíisa xɔ́sú ɔ́ kpó. É bló axɔ́sú gban-nukún-ɖokpó.