Read fon Jozuwée 15 Bible Online

Jozuwée 15 - fon bible

Jozuwée 15

¹Ayǐkúngban e è nyi akɔ dó, bó má nú akɔta Judáa tɔn sín xwédo lɛ́ɛ ɔ́ gosín tofɔligbé-zǎnzǎnhwe jí, káká yi bɔdó Edɔ́mu sín dogbó ɔ́ wú. Gbětótló Síni tɔn wɛ nyí ayǐkúngban Judáa tɔn ɔ́ sín dogbó ɖo afɔligbé.

²Dogbó yětɔn e ɖo afɔligbé ɔ́ gosín fí e Xu Kúkú ɔ́ vɔ ɖe, bó ɖe nu kpan nukɔn tofɔligbé ɔ́ kɔn.

³É dín yi Aklabímu só ɔ́ sín afɔligbé, bó gbɔn Síni ɖidó Kadɛ́ci-Baanɛ́ya sín afɔligbé. É gbɔn fínɛ́ wá Ɛslɔ́ni, bo dín ɖidó Adudáa toxo ɔ́ wa jí, bó xá ɖidó Kaakáa.

⁴É dlɛ́n d'é nu gbɔn Asemɔ́ni, bó gbɔn Ejípu tɔ ɔ́ kɔn, bo wá yi fó dó Mɛditɛlanɛ́ɛ xutó. Fí e ayǐkúngban Judáa tɔn sín dogbó e ɖo tofɔligbé ɔ́ gbɔn ɔ́ nɛ́.

⁵Dogbó tɔn e ɖo zǎnzǎnhwe jí ɔ́ bɛ́ sín Xu Kúkú ɔ́ tó káká yi fí e Judɛ́ɛn tɔ ɔ́ sa yi byɔ́ Xu Kúkú ɔ́ mɛ ɖe é. Fí énɛ́ ɔ́ ɖokpó ɔ́ wɛ dogbó tɔn e ɖo totaligbé ɔ́ bɛ́ sín.

⁶É dín yi Bɛti-Hogla, bó gbɔn Bɛti-Alaba ɖo totaligbé, bó dín káká yi awǐnnya Bohani tɔn ɔ́ kɔn. Bohani ɔ́, Hwlibɛ́ni ví wɛ.

⁷É lɛ́ yi Devíi bó gbɔn tɔdo Akɔ́ɔ tɔn ɔ́ mɛ, bó dín ɖidó totaligbé wají ɖo Gilugalu kpá. Gilugalu ɔ́ kpan nukɔn Adumímu só ɔ́ ɖo tɔsisa ɔ́ sín afɔligbé. É lɛ́ gbɔn tɔ Eyinu-Cemɛ́ci tɔn kpá, bó dín káká yi Eyinu-Hlogɛ́li.

⁸É lɛ́ gosín fínɛ́, bó gbɔn tɔdo Hinnɔ́mu tɔn ɔ́ mɛ, bó fán Jebuzinu só ɔ́ yi ɖó fí ɖé, ɖo Jeluzalɛ́mu sín afɔligbé. É hun káká yi só e ɖo tɔdo Hinnɔ́mu tɔn sín nukɔn ɔ́ kpá ɖo gbadahwe jí, bó yi tɔdo Hlafa ví lɛ́ɛ tɔn e ɖo totaligbé ɔ́ sín vivɔnu.

⁹É gosín fínɛ́, bó xá ɖidó Nɛfutoáxi sín tɔjɔtɛn lɛ́ɛ kɔn, ɖo toxo e ɖo Eflɔ́ni só ɔ́ kpá lɛ́ɛ mɛ, cóbó wá ɖidó Baala; è nɔ lɛ́ ylɔ́ toxo énɛ́ ɔ́ ɖɔ Kiliyati-Yealimu.

¹⁰Dogbó ɔ́ xá sín Baala ɖo gbadahwe jí, ɖidó Seyíi sín só lɛ́ɛ kɔn, bó fán zungbó só ɔ́ yi ɖó fí ɖé, ɖo totaligbé; zungbó só ɔ́ wɛ è nɔ lɛ́ ylɔ́ ɖɔ Kesalɔ́ni só; é sí kɔ do wá Bɛti-Cɛmɛ́ci, lobo dín zɛ Timuna wú.

¹¹É dlɛ́n d'é nu ɖidó, bó fán Eklɔ́ni só ɔ́ yi ɖó fí ɖé, ɖo taligbé, bó xá lɛ́dó Cikikalɔ́ni, bó gbɔn Baala só ɔ́ kɔn ɖidó Yavunɛyɛ́li, bo yi fó dó Mɛditɛlanɛ́ɛ xutó.

¹²Mɛditɛlanɛ́ɛ xu ɔ́ wɛ nyí dogbó tɔn e ɖo gbadahwe jí é. Ayǐkúngban e è nǎ akɔta Judáa tɔn sín xwédo lɛ́ɛ ɔ́, fí e dogbó tɔn lɛ́ɛ gbɔn ɔ́ nɛ́.

¹³ È nǎ ayǐkúngban Judáa tɔn ɔ́ ɖě Kalɛ́bu Yefunnɛ́ɛ ví ɔ́, lě e Mawu Mavɔmavɔ kó ɖɔ gbɔn nú Jozuwée é. È nǎ ɛ Kiliyati-Aaba. Din ɔ́, è nɔ ylɔ́ toxo énɛ́ ɔ́ ɖɔ Eblɔ́n. Aaba ɔ́, Anáki ví lɛ́ɛ sín tɔ́gbó wɛ.

¹⁴Kalɛ́bu nya Anáki ví atɔn lɛ́ɛ kpó xwédo yětɔn lɛ́ɛ kpó sín ayǐkúngban ɔ́ jí. É nya Cecáyi kpó xwédo tɔn kpó, Aximani kpó xwédo tɔn kpó, Talumayi kpó xwédo tɔn kpó.

¹⁵Kalɛ́bu gosín Eblɔ́n bo yi tɔ́n ahwan Devíinu lɛ́ɛ. Dɛvíi ɔ́, Kiliyati-Sefɛ́ɛ wɛ é nɔ́ nyí ɖ'ayǐ.

¹⁶Kalɛ́bu ɖɔ mɛ e ná ɖu ɖo Kiliyati-Sefɛ́ɛ to ɔ́ jí, bó ná yí ɔ́, émí ná sɔ́ vǐ émítɔn Akisa da n'i.

¹⁷Kenázi ví Ɔtiniyɛ́li e nyí Kalɛ́bu nɔví ɔ́ yí to ɔ́, bɔ Kalɛ́bu sɔ́ vǐ tɔn da n'i.

¹⁸Ée vǐ ɔ́ jɛ Ɔtiniyɛ́li kpá ɔ́, é ɖɔ nú Ɔtiniyɛ́li ɖɔ é ní byɔ́ gle ɖokpó tɔ́ émítɔn. Énɛ́ ɔ́ gúdo ɔ́, é jɛ te sín tócí tɔn jí, bɔ tɔ́ tɔn kan nǔ e jló e ɔ́ byɔ́ ɛ.

¹⁹Bɔ é yí gbe n'i ɖɔ: “Kɛnklɛ́n bó ná fí e sin ɖe lɛ́ɛ mì, ɖó ayǐkúngban e a nǎ mì ɖo tofɔligbé ɔ́, axéko wɛ.” Bɔ Kalɛ́bu ná ɛ fí e sin ɖe ɖo só jí lɛ́ɛ, kpódó fí e sin ɖe ɖo dodomɛ lɛ́ɛ kpó.

²⁰Ayǐkúngban e è nǎ akɔta Judáa tɔn sín xwédo lɛ́ɛ ɔ́ nɛ́.

²¹Toxo e ɖo ayǐkúngban Judáa tɔn ɔ́ jí ɖo tofɔligbé ɖo Edɔ́mu sín dogbó kpá lɛ́ɛ ɖíe: Kavuceyɛ́li, Edɛ́ɛ, Yagúu,

²²Kina, Dimɔna, Adeada,

²³Kedɛ́ci, Hasɔ́ɔ, Itináni,

²⁴Zifu, Tɛlɛ́mu, Bealɔ́ti,

²⁵Hasɔ́ɔ-Hadata, Keliyɔ́ti-Ɛslɔ́ni e è nɔ lɛ́ ylɔ́ ɖɔ Hasɔ́ɔ é,

²⁶Amamu, Cema, Mɔlada,

²⁷Hasáa-Gadáa, Hɛcimɔ́ni, Bɛti-Pɛlɛ́ti,

²⁸Hasáa-Cuwáli, Bɛ̌-Ceva, Biziotia,

²⁹Baala, Iyé-Avalímu, Esɛ́mu,

³⁰Ɛlutoladi, Kesilu, Hɔ́ɔma,

³¹Siklági, Madumána, Sansána,

³²Levaɔ́ti, Cilɛxímu, kpódó Eyinu-Hlimumɔ́ni kpó. Bǐ sésé bló toxo koatɔ́n-nukún-ɛnɛ (29), kpódó gletoxo e lɛ́ lɛ̌ dó yě lɛ́ɛ kpó.

³³Toxo e ɖo ayǐkúngban wɛnjɛ jí lɛ́ɛ wɛ nyí: Ɛcitawɔ́lu, Soléa, Acina,

³⁴Zanɔwáxi, Eyinu-Gannimu, Tapuwaxi, Eyinamu,

³⁵Yaamúti, Adulámu, Soko, Azeka,

³⁶Caalayímu, Aditayimu, Gedela kpó Gedelotayímu kpó. Bǐ sésé bló toxo wǒ-ɛnɛ, kpódó gletoxo e lɛ́ lɛ̌ dó yě lɛ́ɛ kpó.

³⁷Toxo élɔ́ lɛ́ɛ lɔ ɖ'é mɛ: Senáni, Hadaca, Migidalu-Gadi,

³⁸Dileani, Misipa, Yokiteɛ́li,

³⁹Lakíci, Bɔsikáti, Eglɔ́ni,

⁴⁰Kabubɔni, Laximási, Kitlíci,

⁴¹Gedelɔ́ti, Bɛti-Dagɔ́ni, Naama kpódó Makeda kpó. Bǐ sésé bló toxo afɔtɔn-nukún-ɖokpó, kpódó gletoxo e lɛ́ lɛ̌ dó yě lɛ́ɛ kpó.

⁴²Toxo élɔ́ lɛ́ɛ lɔ ɖ'é mɛ: Livuna, Etɛ́ɛ, Acáni,

⁴³Yifutáxi, Acina, Nɛsívu,

⁴⁴Keyila, Akizívu kpódó Maleca kpó. É bló toxo tɛ́nnɛ kpódó gletoxo e lɛ́ lɛ̌ dó yě lɛ́ɛ kpó.

⁴⁵Toxo élɔ́ lɛ́ɛ lɔ ɖ'é mɛ: Eklɔ́ni kpódó toxo e ɖo acɛ tɔn mɛ lɛ́ɛ kpó, kpódó gletoxo lɛ́ɛ kpó,

⁴⁶kpó toxo lɛ́ɛ bǐ kpó, kpódó gletoxo e lɛ́ lɛ̌ dó Acidɔ́di, bó ɖo Eklɔ́ni kpódó Mɛditɛlanɛ́ɛ xu ɔ́ kpó tɛ́ntin lɛ́ɛ bǐ kpó.

⁴⁷Acidɔ́di kpódó Gaza kpó, kpódó toxo e ɖo acɛ yětɔn mɛ lɛ́ɛ kpó, kpódó gletoxo yětɔn lɛ́ɛ kpó, káká yi Ejípu tɔ ɔ́ tó, bó hun káká yi Mɛditɛlanɛ́ɛ xu ɔ́ tó.

⁴⁸Toxo e ɖo sókan mɛ lɛ́ɛ ɖíe: Camíi, Yatíi, Soko,

⁴⁹Dana, Kiliyati-Sána e è nɔ lɛ́ ylɔ́ ɖɔ Devíi é,

⁵⁰Anávu, Ɛcitemɔwa, Animu,

⁵¹Gocɛ́ni, Holɔ́ni kpódó Gilóo kpó. É bló toxo wǒ-ɖokpó, kpódó gletoxo yětɔn lɛ́ɛ kpó.

⁵²Toxo élɔ́ lɛ́ɛ ɖ'é mɛ: Alávu, Duma, Ɛceani,

⁵³Yanúmu, Bɛti-Tapuwaxi, Afeka,

⁵⁴Humɛta, Kiliyati-Aaba e è nɔ lɛ́ ylɔ́ ɖɔ Eblɔ́n é kpódó Siɔ́ɔ kpó. É bló toxo tɛ́nnɛ kpódó gletoxo yětɔn lɛ́ɛ kpó.

⁵⁵Toxo élɔ́ lɛ́ɛ lɔ ɖ'é mɛ: Mawɔ́ni, Kaamɛ́li, Zifu, Yutá,

⁵⁶Izleyɛ́li, Yɔkeamu, Zanɔwáxi,

⁵⁷Kayini, Giveya kpódó Timuna kpó. É bló toxo wǒ, kpódó gletoxo yětɔn lɛ́ɛ kpó.

⁵⁸Bó ná dó fó ɔ́, toxo élɔ́ lɛ́ɛ lɔ ɖ'é mɛ: Halihúli, Bɛti-Súu, Gedɔ́ɔ,

⁵⁹Maalati, Bɛti-Anɔti kpódó Ɛlutekɔ́nu kpó. É bló toxo ayizɛ́n, kpódó gletoxo yětɔn lɛ́ɛ kpó.

⁶⁰Toxo élɔ́ lɛ́ɛ lɔ ɖ'é mɛ: Kiliyati-Baalu e è nɔ lɛ́ ylɔ́ ɖɔ Kiliyati-Yealimu é, kpódó Hlaba kpó. É bló toxo we, kpódó gletoxo yětɔn lɛ́ɛ kpó.

⁶¹Toxo e ɖo gbětótló mɛ lɛ́ɛ ɖíe: Bɛti-Alaba, Midíni, Sekaka,

⁶²Nivucáni, Ii-Mɛláxi, kpódó Eyinu-Gɛdi kpó. É bló toxo ayizɛ́n, kpódó gletoxo yětɔn lɛ́ɛ kpó.

⁶³ Judáa sín kúnkan lɛ́ɛ kpé wú bó nya Jebuzinu e ɖo Jeluzalɛ́mu lɛ́ɛ ǎ, bɔ yě mɛ énɛ́ lɛ́ɛ kpo ɖo toxo ɔ́ mɛ, kpódó kúnkan Judáa tɔn lɛ́ɛ kpó káká jɛ égbé.