Read fon Jozuwée 21 Bible Online

Jozuwée 21 - fon bible

Jozuwée 21

¹Levíi ví lɛ́ɛ sín hɛ̌nnugán lɛ́ɛ wá mɔ vɔ̌sánú-xwlémawutɔ́ Eleazáa kpó Jozuwée Nuni ví ɔ́ kpó, kpódó akɔta Izlayɛ́li ví lɛ́ɛ tɔn sín hɛ̌nnugán ɖé lɛ́ɛ kpó,

² ɖo Silóo, ɖo Kanáa tomɛ, bó ɖɔ nú yě ɖɔ: “Mawu Mavɔmavɔ kó ná gbe gbɔn Mɔyízi jí ɖɔ è nǐ ná toxo e mɛ mǐ ná nɔ lɛ́ɛ mǐ, bó ná ayǐkúngban e lɛ́ lɛ̌ dó toxo énɛ́ lɛ́ɛ mǐ, bónú kanlin mǐtɔn lɛ́ɛ ná nɔ jí.”

³Ée Izlayɛ́li ví lɛ́ɛ se mɔ̌ ɔ́, yě cyán toxo ɖé lɛ́ɛ ɖo ayǐkúngban yětɔn lɛ́ɛ jí, kpódó ayǐkúngban e lɛ́ lɛ̌ dó toxo énɛ́ lɛ́ɛ kpó jí, bó ná akɔta Levíi ví lɛ́ɛ tɔn ɔ́, lě e Mawu Mavɔmavɔ ɖɔ yě ní bló gbɔn é.

⁴È nyi akɔ bo sɔ́ xwédo Kexáti tɔn ɔ́; è nyi akɔ dó toxo lɛ́ɛ, bɔ vɔ̌sánú-xwlémawutɔ́ Aalɔ́ɔn ví lɛ́ɛ yí toxo wǒ-atɔn. Judáa kpódó Sinmɛnyɔ́ɔ kpó, kpódó Bɛnjamɛ́ɛ kpó sín ayǐkúngban jí wɛ toxo wǒ-atɔn énɛ́ lɛ́ɛ ɖe.

⁵Kexáti ví ɖě lɛ́ɛ e má nyí Aalɔ́ɔn ví ǎ lɛ́ɛ yí toxo wǒ, ɖo Eflayímu kpódó Dan kpó, kpódó akɔta vlɔ́ Manasée tɔn kpó sín ayǐkúngban jí.

⁶Gɛɛcɔ́ni ví lɛ́ɛ ká yí toxo wǒ-atɔn ɖo Isakáa kpódó Acɛ́ɛ kpó, kpódó Nɛfutali kpó, kpódó akɔta vlɔ́ Manasée tɔn e ɖo Basáni ɔ́ kpó sín ayǐkúngban jí.

⁷Mɛlali ví lɛ́ɛ yí toxo wěwe ɖo Hwlibɛ́ni kpó Gadi kpó, kpódó Zabulɔ́ɔn kpó sín ayǐkúngban jí.

⁸Akɔ wɛ Izlayɛ́li ví lɛ́ɛ nyi dó toxo énɛ́ lɛ́ɛ bǐ, bó ná Levíi ví lɛ́ɛ, bó ná yě ayǐkúngban e lɛ́ lɛ̌ dó toxo énɛ́ lɛ́ɛ é. Xó e Mawu Mavɔmavɔ ɖɔ nú yě gbɔn Mɔyízi jí ɔ́ wɛ yě xwédo, bo dó ná toxo énɛ́ lɛ́ɛ yě.

⁹Judáa kpó Sinmɛnyɔ́ɔ kpó sín toxo lɛ́ɛ ɖě wɛ

¹⁰è nǎ Kexáti ví e nyí Levíi ví, bó jɔ ɖo Aalɔ́ɔn kún mɛ lɛ́ɛ. Yědɛɛ lɛ́ɛ wɛ akɔ e è nyi ɔ́ ɖe jɛ nukɔn. Toxo e è nǎ yě lɛ́ɛ sín nyǐkɔ ɖíe:

¹¹è nǎ yě Kiliyati-Aaba e nyí Eblɔ́n é kpó ayǐkúngban e lɛ́ lɛ̌ dó e lɛ́ɛ kpó, ɖo sókan Judáa tɔn ɔ́ mɛ. Aaba wɛ nyí Anáki sín tɔ́.

¹²Amɔ̌, toxo ɔ́ sín ayǐkúngban lɛ́ɛ kpódó gletoxo tɔn lɛ́ɛ kpó ɔ́, Kalɛ́bu Yefunnɛ́ɛ ví ɔ́ wɛ è ko ná.

¹³È nǎ Eblɔ́n kpó Livuna kpó vɔ̌sánú-xwlémawutɔ́ Aalɔ́ɔn ví lɛ́ɛ. Eblɔ́n ɔ́, toxo e mɛ mɛ e hu mɛ lɛ́ɛ hɛn ɔ́, yě ná nɔ yi hɔn hwlá cí lɛ́ɛ ɖě wɛ.

¹⁴È lɛ̌ ná yě Yatíi kpó Ɛcitemɔwa kpó, kpódó ayǐkúngban e lɛ́ lɛ̌ dó yě lɛ́ɛ kpó.

¹⁵Holɔ́ni kpó Devíi kpó, kpódó ayǐkúngban e lɛ́ lɛ̌ dó yě lɛ́ɛ kpó.

¹⁶Acáni kpó Yutá kpó, kpó Bɛti-Cɛmɛ́ci kpó, kpódó ayǐkúngban e lɛ́ lɛ̌ dó yě lɛ́ɛ kpó. Toxo e è fɔ ɖo akɔta we énɛ́ lɛ́ɛ mɛ, bɔ è hɛn ɔ́, è nǎ nɔ hɔn hwlá cí lɛ́ɛ bǐ bló tɛ́nnɛ.

¹⁷Toxo e è nǎ yě ɖo akɔta Bɛnjamɛ́ɛ tɔn ɔ́ sín ayǐkúngban jí lɛ́ɛ ɖíe: Gabawɔ́ɔn kpó Gɛva kpó, kpódó ayǐkúngban e lɛ́ lɛ̌ dó yě lɛ́ɛ kpó.

¹⁸Anatɔ́ti kpó Alumɔ́ni kpó, kpódó ayǐkúngban e lɛ́ lɛ̌ dó yě lɛ́ɛ kpó. É bló toxo ɛnɛ.

¹⁹Toxo e è nǎ vɔ̌sánú-xwlémawutɔ́ Aalɔ́ɔn ví lɛ́ɛ ɔ́, bǐ bló toxo wǒ-atɔn, kpódó ayǐkúngban e lɛ́ lɛ̌ dó yě lɛ́ɛ kpó.

²⁰Levíi ví e jɔ ɖo Kexáti ví ɖě lɛ́ɛ sín xwédo mɛ lɛ́ɛ ɔ́, è nyi akɔ bo má akɔta Eflayímu tɔn ɔ́ sín toxo ɖé lɛ́ɛ nú yě.

²¹È nǎ yě Sikɛ́mu kpó ayǐkúngban e lɛ́ lɛ̌ dó e lɛ́ɛ kpó, ɖo sókan Eflayímu tɔn mɛ, bo ná yě Gɛzɛ́ɛ kpó ayǐkúngban e lɛ́ lɛ̌ dó e lɛ́ɛ kpó. Sikɛ́mu ɔ́, toxo e mɛ mɛ e hu mɛ lɛ́ɛ ná nɔ hɔn hwlá cí lɛ́ɛ ɖě wɛ.

²²È lɛ̌ ná yě Kivusayimu kpó Bɛti-Holɔ́ni kpó, kpódó ayǐkúngban e lɛ́ lɛ̌ dó yě lɛ́ɛ kpó. É bló toxo ɛnɛ.

²³Toxo e è nǎ yě ɖo akɔta Dan tɔn ɔ́ sín ayǐkúngban jí lɛ́ɛ ɖíe: Ɛluteke kpó Gibetɔ́ni kpó, kpódó ayǐkúngban e lɛ́ lɛ̌ dó yě lɛ́ɛ kpó,

²⁴Ayalɔ́ni kpó Gati-Hlimumɔ́ni kpó, kpódó ayǐkúngban e lɛ́ lɛ̌ dó yě lɛ́ɛ kpó. É bló toxo ɛnɛ.

²⁵Toxo e è nǎ yě ɖo akɔta vlɔ́ Manasée tɔn sín ayǐkúngban jí lɛ́ɛ ɖíe: Tanaki kpó Yivleámu kpó, kpódó ayǐkúngban e lɛ́ lɛ̌ dó yě lɛ́ɛ kpó. É bló toxo we.

²⁶Toxo e è nǎ Kexáti ví ɖě lɛ́ɛ sín xwédo lɛ́ɛ bǐ bló toxo wǒ kpó ayǐkúngban yětɔn lɛ́ɛ kpó.

²⁷Levíi ví, Gɛɛcɔ́ni sín xwédo lɛ́ɛ ɔ́, è nǎ yě toxo we kpódó ayǐkúngban e lɛ́ lɛ̌ dó yě lɛ́ɛ kpó. Toxo énɛ́ lɛ́ɛ ɖo akɔta vlɔ́ Manasée tɔn sín ayǐkúngban jí, ɖo gbadahwe jí. Toxo we lɛ́ɛ ɖíe: Goláni e ɖo Basáni ɔ́ kpó Bɛciteláa kpó, kpódó ayǐkúngban yětɔn lɛ́ɛ kpó. Goláni ɔ́, toxo e mɛ mɛ e hu mɛ lɛ́ɛ ná nɔ hɔn hwlá cí lɛ́ɛ ɖě wɛ.

²⁸Toxo e è nǎ yě ɖo akɔta Isakáa tɔn ɔ́ sín ayǐkúngban jí lɛ́ɛ ɖíe: Kiciɔ́ni kpó Davɛlati kpó, kpódó ayǐkúngban e lɛ́ lɛ̌ dó yě lɛ́ɛ kpó,

²⁹Yaamúti kpó Eyinu-Gannimu kpó, kpódó ayǐkúngban e lɛ́ lɛ̌ dó yě lɛ́ɛ kpó. É bló toxo ɛnɛ.

³⁰Ée è nǎ yě ɖo akɔta Acɛ́ɛ tɔn ɔ́ sín ayǐkúngban jí lɛ́ɛ ɖíe: Miceali kpó Avidɔni kpó, kpódó ayǐkúngban e lɛ́ lɛ̌ dó yě lɛ́ɛ kpó,

³¹Hɛlukáti kpó Hlexɔ́vu kpó, kpódó ayǐkúngban e lɛ́ lɛ̌ dó yě lɛ́ɛ kpó. É bló toxo ɛnɛ.

³²Ée è nǎ yě ɖo akɔta Nɛfutali tɔn ɔ́ sín ayǐkúngban jí lɛ́ɛ ɖíe: Kedɛ́ci e ɖo Galilée ɔ́ kpó Hamumɔ́ti-Dɔ́ɔ kpó, kpó Kaatáni kpó, kpódó ayǐkúngban e lɛ́ lɛ̌ dó yě lɛ́ɛ kpó. Kedɛ́ci ɔ́, toxo e mɛ mɛ e hu mɛ lɛ́ɛ nɔ yi hɔn hwlá cí lɛ́ɛ ɖě wɛ. É bló toxo atɔn.

³³Toxo e è nǎ Gɛɛcɔ́ni ví lɛ́ɛ sín xwédo lɛ́ɛ bǐ bló toxo wǒ-atɔn, kpódó ayǐkúngban e lɛ́ lɛ̌ dó yě lɛ́ɛ kpó.

³⁴Levíi ví ɖě lɛ́ɛ e kpo, bó nyí Mɛlali sín xwédo lɛ́ɛ ɔ́, toxo e è nǎ yě ɖo akɔta Zabulɔ́ɔn tɔn ɔ́ sín ayǐkúngban jí lɛ́ɛ ɖíe: Yokunɛámu kpó Kaata kpó, kpódó ayǐkúngban e lɛ́ lɛ̌ dó yě lɛ́ɛ kpó.

³⁵Hlimɔna kpó Naxalalu kpó, kpódó ayǐkúngban e lɛ́ lɛ̌ dó yě lɛ́ɛ kpó. É bló toxo ɛnɛ.

³⁶Ée è nǎ yě ɖo akɔta Hwlibɛ́ni tɔn ɔ́ sín ayǐkúngban jí lɛ́ɛ ɖíe: Bɛsɛ́ɛ kpó Yaxisa kpó, kpódó ayǐkúngban e lɛ́ lɛ̌ dó yě lɛ́ɛ kpó,

³⁷Kedemɔ́ti kpó Mɛfáti kpó, kpódó ayǐkúngban e lɛ́ lɛ̌ dó yě lɛ́ɛ kpó. É bló toxo ɛnɛ.

³⁸Ée è nǎ yě ɖo akɔta Gadi tɔn ɔ́ sín ayǐkúngban jí lɛ́ɛ ɖíe: Hlamɔti e ɖo Galadi ɔ́ kpó Maxanayímu kpó, kpódó ayǐkúngban e lɛ́ lɛ̌ dó yě lɛ́ɛ kpó. Hlamɔti ɔ́, toxo e mɛ e hu mɛ lɛ́ɛ nɔ yi hɔn hwlá cí lɛ́ɛ ɖě wɛ.

³⁹È lɛ̌ ná yě kpó Hɛcibɔ́ni kpó ayǐkúngban e lɛ́ lɛ̌ dó e ɔ́ kpó, bó lɛ́ ná yě Yazɛ́ɛ kpó ayǐkúngban e lɛ́ lɛ̌ dó e ɔ́ kpó gɔ́ ná. É bló toxo ɛnɛ.

⁴⁰Toxo e è nyi akɔ bo ná Levíi ví ɖě lɛ́ɛ e kpo, bó nyí Mɛlali sín xwédo lɛ́ɛ bǐ bló toxo wěwe.

⁴¹Toxo e è nǎ Levíi ví lɛ́ɛ, ɖo Izlayɛ́li ví lɛ́ɛ sín ayǐkúngban jí ɔ́, bǐ bló kanɖé tántɔn (48), kpó ayǐkúngban e lɛ́ lɛ̌ dó yě lɛ́ɛ kpó.

⁴²Toxo énɛ́ lɛ́ɛ ɖokpó ɖokpó ɖó ayǐkúngban yětɔn yětɔn lɛ́ lɛ̌ dó. Mɔ̌ wɛ toxo énɛ́ lɛ́ɛ bǐ ɖe.

⁴³Izlayɛ́li ví lɛ́ɛ ɔ́, ayǐkúngban e sín akpá Mawu Mavɔmavɔ dó nú tɔ́gbó yětɔn lɛ́ɛ ɔ́, é ná bǐ yě. Yě yǐ ayǐkúngban lɛ́ɛ, bó sá xwé nyi yě jí.

⁴⁴Mawu Mavɔmavɔ ná yě ayi jɛ ayǐ gbɔn dogbó yětɔn lɛ́ɛ bǐ jí, lě e é kó dó akpá tɔn nú tɔ́gbó yětɔn lɛ́ɛ lɔ gbɔn é. É ná yě, bɔ yě ná ɖu ɖo kɛntɔ́ yětɔn lɛ́ɛ bǐ jí. Kɛntɔ́ yětɔn lɛ́ɛ ɖěbǔ ná sixú nɔ te ɖo nukɔn yětɔn ǎ.

⁴⁵Akpá e Mawu Mavɔmavɔ dó nú Izlayɛ́li togun ɔ́ lɛ́ɛ, bǐ wɛ é ɖe. É gɔn ɖěbǔ ɖe ǎ.