Read Tungag ПАВЛИНИН ИКИНӁИ КИЙАДЫ КОРИНФЛИЛЕРӒ 13 Bible Online

ПАВЛИНИН ИКИНӁИ КИЙАДЫ КОРИНФЛИЛЕРӒ 13 - Tungag bible

ПАВЛИНИН ИКИНӁИ КИЙАДЫ КОРИНФЛИЛЕРӒ 13

¹Ӱчӱнӂӱ керӓ гелерим сизӓ. Хербир лаф лӓӓзым дооруклансын ики-ӱч шаадын аазындан.

²Ниӂӓ ӧнӂӓ хаберледим сизӓ, ачан икинӂи керӓ аранызда булунардым, шинди дӓ, аранызда булунмайарак, енидӓн хаберлеерим оннара, ким гечмиштӓ гӱнаха гирди, хем каланына да, ани, ачан генӓ гелеӂӓм сизӓ, аӂымайаӂам кимсейи.

³Сиз истеерсиниз бишей, ани гӧстерер, ки Христос беним аазымнан лафедер. О диил йуфка сизӓ каршы, ама каави ишлеер сиздӓ.

⁴Доору, ани О ставроза герилди йуфкалыктан, ама шинди йашээр Аллахын кувединнӓн. Хеп ӧлӓ биз дӓ йуфкайыз Онда, ама Аллахын кувединнӓн йашайаӂэз Онуннан барабар сизин файданыз ичин.

⁵Кендинизи денейин да бакын, булунэрсыныз мы инанда? Кендинизи аараштырын. Оса танымээрсыныз мы, ани Иисус Христос сиздӓ? Башка тӱрлӱ сиз денемектӓн гечмемишиниз.

⁶Умут едерим, ки билерсиниз, ани биз диилиз оннардан, ким денемектӓн гечмеди.

⁷Дуа едериз Аллаха, ки йапмайасыныз кӧтӱлӱк, диил ки биз гӧрӱнелим денемектӓн гечмиш, ама сиз йапасыныз иилик, артык биз гӧрӱнӓрсейдик дӓ ӧлӓ, ани денемектӓн гечмемиш.

⁸Зерӓ йок куведимиз бишей йапмаа аслылаа каршы, анӂак аслылык ичин бишей йапмаа.

⁹Севинериз, ачан биз йуфка, ама сиз каавийсиниз. Бунун ичин биз дуа едериз, ки сиз таман оласыныз.

¹⁰Буннары онуштан йазэрым, таа булунмаркан сизиннӓн, ки ачан булунаӂам, сертликлӓн кулланмайым сизӓ каршы заабитлии, ани Сааби верди бана, сизи духча каавилемӓӓ дейни, ама диил йыкмаа.

¹¹Биткидӓ, кардашлар, хошча калын. Олгун олун, насаатымы сеслейин, бир нееттӓ олун, услулукта йашайын. Озаман Аллах, севги хем услулук сызынтысы, сизиннӓн олаӂэк.

¹²Селӓмнейин бири-биринизи айоз ӧпушлӓн. Аллахын хепси айоз халкы сизи селӓмнеер.

¹³Бизим Сааби Иисус Христозун иивергиси, Аллахын севгиси хем Айоз Духун бирликлии олсун хербиринизлӓн. /Амин./