Read Tungag ПАВЛИНИН КИЙАДЫ ГАЛАТИЙАЛЫЛАРА 6 Bible Online

ПАВЛИНИН КИЙАДЫ ГАЛАТИЙАЛЫЛАРА 6 - Tungag bible

ПАВЛИНИН КИЙАДЫ ГАЛАТИЙАЛЫЛАРА 6

¹Кардашлар, еер биркимсей тутуларсайды гӱнах йапаркан, сиз, Духтан кулланыланнар, доорудун бир йалпак духлан ону. Хем кендинӓ есап ал, ки сӓн дӓ дененмиш олмайасын.

²Ташыйын бири-биринизин аарлыкларыны, бӧлӓ йапарак, таманнайаӂэныз Христозун законуну.

³Еер биркимсей, олмайарак бишей, сайарсайды кендини ӱстӱн, о алдадэр кенди-кендини.

⁴Херкез аараштырсын кенди ишлерини, да озаман олаӂэк насыл ӱӱнсӱн кенди ишиннӓн, ама диил башкасынын ишиннӓн.

⁵Зерӓ херкез ташыйаӂэк кенди ӱкӱнӱ.

⁶Ким ӱӱренмӓк кабледер Аллахын сӧзӱндӓн, о дӱшер пайетсин хепси ииликлерини онуннан, ким ону ӱӱредер.

⁷Алданмайын, Аллах гӱлмӓӓ алынмаз. Не адам екер, ону да бичер.

⁸Ким екер тенинӓ, ӧлӱм бичер, ама ким екер Айоз Духа, о Духтан дивеч йашамак бичер.

⁹Хич быкмайалым иилик йапмаа, зерӓ бир уйгун вакытта бичеӂез, не ектик, еер йорулуп вазгечмӓрсейдик.

¹⁰Онуштан, некадар колайлык вар, херкезӓ иилик йапалым, ен чок бизим инанӂы кардашлара.

¹¹Гӧрерсиниз ми, кенди елимнӓн, не бӱӱк букваларлан йаздым сизӓ.

¹²Хепси, ким истеер гӱӱдесиннӓн ӱӱнерӓк кендини инсана беендирсин, сизӓ кесиклик йаптырэрлар, салт кооланмыш олмасыннар дейни Христозун ставрозунун бетеринӓ.

¹³Зерӓ артык оннар да, ким кесиклик йаптылар, кендилери дӓ таманнамээрлар Айоз Закону, ама истеерлӓр сизӓ кесиклик йаптырмаа, ки ӱӱнӓбилсиннӓр сизин гӱӱделеринизлӓн.

¹⁴Бана калса, бир сыра билӓ дӱшмеер, ки ӱӱнейим башка бишейлӓн, салт некадар бизим Сааби Иисус Христозун ставрозуннан, нейлӓн бу дӱннӓ беним ичин ставроза герили, бӓн дӓ бу дӱннӓ ичин герилийим.

¹⁵Зерӓ /Иисус Христозда/ не кесикликтӓ, не дӓ кесиксизликтӓ бир дӓ ӱстӱннӱк йок, саде ени йарадылы адамда.

¹⁶Хепси, ким бу сырайа гӧрӓ йашээр, оннара хем Аллахын Израилинӓ услулук хем аӂыйаннык олсун.

¹⁷Илери доору кимсей бана кахыр йапмасын, зерӓ Иисусун йараларыны ташыйэрым беним гӱӱдемдӓ.

¹⁸Кардашлар, Саабимиз Иисус Христозун иивергиси олсун сизин духунузлан. Амин.