Read Tungag ПАВЛИНИН КИЙАДЫ ФИЛИПЛИЛЕРӒ 2 Bible Online

ПАВЛИНИН КИЙАДЫ ФИЛИПЛИЛЕРӒ 2 - Tungag bible

ПАВЛИНИН КИЙАДЫ ФИЛИПЛИЛЕРӒ 2

¹Христос сизи гиргиннедер, севгисиннӓн иилендирер, Айоз Духтан пай алэрсыныз, ӱреениздӓ севги хем аӂыйаннык вар.

²Онуштан беним севинмеми долдурун: олун бир нееттӓ хем бир севгиликтӓ, ниӂӓ бир ӂанда хем фикирликтӓ.

³Бишей йапмайын кендинизи калдырмак ичин еки бошуна ӱӱнмӓк ичин, ама йавашлыклан хатырлайын бири-биринизи, ӱӱсеклендирерӓк башкасыны таа чок, некадар кендини.

⁴Дӱшӱнмейин салт кендиниз ичин, ама башкасы ичин дӓ дӱшӱнӱн.

⁵Сиздӓ олсун хеп о дӱшӱнмӓк, не варды Иисус Христозда.

⁶Макар ки О Аллахын симасыйды, саймады, ани дӱшер кендини коймаа Аллахлан бир,

⁷ама метиннииндӓн сойунуп, алды чырак симасыны да олду инсан гиби.

⁸Оларак инсан гӧрӱмӱндӓ, О ашаалатты Кендини да сеследи Аллахы ӧлӱмӓ кадар, артык ӧлӱмӓ кадар ставрозда.

⁹Онуштан Аллах Ону пек чок ӱӱсеклетти да баашлады Она хепси адлардан таа ӱстӱн бир ад,

¹⁰ки Иисусун адыны икрамнайарак хепси гӧктекилӓр, ердекилӓр хем ер алтындакылар диз чӧксӱннӓр,

¹¹хем хербир дил ачык сӧлесин, ани Иисус Христос — Сааби, да бунуннан Аллах Боба метинненсин.

¹²Ӧлӓ ки, севгили кардашларым, ниӂӓ херзаман сеслединиз, диил саде ачан беним йанымдайдыныз, ама таа чок шинди, ачан бӓн йокум аранызда, сайгыйлан хем коркуйлан чыкарын баша куртулманызы.

¹³Зерӓ Аллах О, Ким ишлеер сиздӓ, ки хем истейӓсиниз хем йапасыныз, не О беенер.

¹⁴Хепсини йапын, мырылданмайарак хем чекишмейерӓк,

¹⁵ки оласыныз кусурсуз хем темиз, Аллахын лекесиз ушаклары бу бозук хем сапык сенселенин ортасында. Оннарын арасында сиз, сыкы тутарак йашамак верӓн сӧзӱ, шафк едерсиниз, ниӂӓ йылдызлар гӧктӓ.

¹⁶Ӧлӓ ки олаӂэк нейлӓн ӱӱнейим Христозун гӱнӱндӓ, ани бошуна чалышмадым хем бошуна ишлӓмедим.

¹⁷Ниӂӓ шарап дӧкӱлер курбанын ӱстӱнӓ, хеп ӧлӓ беним каным да лӓӓзым дӧкӱлсӱн, ки таманнансын сизин инанынызын изметчилии. Ама хеп окадар севинерим хем хепсинизин севинмелииниздӓн пай алэрым.

¹⁸Хеп ӧлӓ сиз дӓ севинин хем беним севинмелиимдӓн пай алын.

¹⁹Сааби Иисуса умутланэрым, ани тездӓ йоллайаӂам сизӓ Тимофейи, ки беним дӓ, хабер сиздӓн кабледип, ӱрӓӓм услансын.

²⁰Зерӓ башка кимсейим йок, ки онун гиби дӱшӱнсӱн хем сизин ичин бӱтӱн ӱректӓн чалышсын.

²¹Зерӓ хепси аарээр кендинӓ файда, диил Иисус Христоза.

²²Ама билерсиниз, некадар дененмиш адам Тимофей, зерӓ Ии Хабери насаат едерӓк бенимнӓн барабар измет етти, ниӂӓ бир оол бобасыннан.

²³Умутланэрым, ону чабук йоллайым сизӓ, гӧрдӱйнӓн, не олаӂэк бенимнӓн.

²⁴Чок инанэрым Саабийӓ, ани тездӓ кендим дӓ гелеӂӓм.

²⁵Ама есапладым, ки лӓӓзым сизӓ геери йоллайым кардашымы Епафродити, ангысы бенимнӓн барабар ишлеер хем савашэр, да ангысыны сиз йолладыныз, ки йардым етсин бана зорлукларымда.

²⁶Зерӓ о пек ӧзлемиш сизи хепсинизи, да чок гӱчленди, чӱнкӱ онун хасталыы ичин ишиттиниз.

²⁷Хакына, о хасталандыйды да ӧлӱм дӧшеендейди, ама Аллах аӂыды ону, да диил саде ону, ама бени дӓ, ки олмасын бана кахыр ӱстӱнӓ кахыр.

²⁸Онуштан ону таа бӱӱк хавезлӓн йоллээрым, ки сиз, ону енидӓн гӧрӱп, севинӓсиниз, бӓн дӓ таа аз кахырланайым.

²⁹Кабледин ону Саабидӓ бӱтӱн севинмеликлӓн да бутӱрлӱ инсаннары хатырлайын.

³⁰Зерӓ о Христозун иши ичин йакынды ӧлӱмӓ да йашамасыны орталаа койду, ки таманнасын изметчилии, не етишмӓрди сиздӓ бана дейни.