Read Tungag ПАВЛИНИН ИЛК КИЙАДЫ САЛОНИКЛИЛЕРӒ 2 Bible Online

ПАВЛИНИН ИЛК КИЙАДЫ САЛОНИКЛИЛЕРӒ 2 - Tungag bible

ПАВЛИНИН ИЛК КИЙАДЫ САЛОНИКЛИЛЕРӒ 2

¹Сиз кендиниз билерсиниз, кардашлар, ани бизим гелмемиз сизӓ олмады наафилӓ.

²Ачан таа илери зеетлендик хем гӱӂендирилмиш олдук, ниӂӓ билерсиниз, Филип касабасында, Аллахымыз бизи гиргиннетти, ки насаат еделим сизӓ Аллахын Ии Хаберини, бакмайарак чок каршылаа инсандан.

³Зерӓ ачан чаардык сизи инана, биздӓ йокту йалан еки диилпак неетлӓр, йада шалвирлик.

⁴Ама чӱнкӱ Аллах сайды бизи уйгун, ки инандырсын бизӓ Ии Хабери, бакэрыз, ӧлӓ лафеделим, ки беендирелим кендимизи диил инсана, ама Аллаха, ани адамын ӱреени денеер.

⁵Ниӂӓ ии билерсиниз, бир сыра билӓ сизӓ сӧлӓмедик йалтыклы лафлар, не дӓ пердӓ чектик, ки саклайалым тамахлыы. Аллах бизӓ шаат.

⁶Инсаннардан метинник аарамадык, не сиздӓн, не дӓ башкасындан.

⁷Биз, Христозун апостоллары, варды насыл аарлык койалым сизин ӱстӱнӱзӓ. Ама биз кендимизи йалпак гӧтӱрдӱк сизиннӓн, ниӂӓ бир ана кенди ушакларыны дойуран.

⁸Зерӓ биз сизӓ ӧлӓ ӱректӓн бааландык, ани кайыл олдук пайетмӓӓ сизиннӓн диил саде Ии Хабери Аллах ичин, ама бизим кенди ӂаннарымызы да, зерӓ окадар пек севдик сизи.

⁹Сиз аклыныза гетирин, кардашлар, бизим аар ишимизи хем савашмамызы, ниӂӓ геӂӓ-гӱндӱз ишледик, ки сиздӓн кимсейӓ аарлык йапмайалым, да насаат еттик сизӓ Ии Хабери Аллах ичин.

¹⁰Сиз дири шаатларсыныз, хеп ӧлӓ Аллах да, некадар айоз, доору хем лекесиз гӧтӱрдӱк кендимизи сизин, инанӂыларын, ӧнӱндӓ.

¹¹Ниӂӓ билерсиниз, херкезинизлӓн олдук, ниӂӓ бир боба кенди ушакларыннан, сизи гиргиннеттик, иилендирдик

¹²хем ӧзендирдик, ки гӧтӱрӓсиниз кендинизи йакышыклы Аллаха, Ангысы чаарды сизи Кенди падишахлыына хем Кенди метинниинӓ.

¹³Онуштан биз херзаман шӱкӱр едериз Аллаха, ки кабледип Аллахын сӧзӱнӱ, ани ишиттиниз биздӓн, каблеттиниз диил ниӂӓ адам сӧзӱнӱ, ама ниӂӓ Аллахын сӧзӱнӱ, ниӂӓ дӓ хакына вар хем ангысы сиздӓ, инанӂыларда, ишлеер.

¹⁴Зерӓ сиз, кардашлар, олдунуз бензӓр Аллахын клиселеринӓ Иудейада, ангылары Иисус Христоза баалы, зерӓ сиз дӓ чектиниз кенди ватандашларыныздан, не оннар чектилӓр иудейлердӓн,

¹⁵ани ӧлдӱрдӱлӓр Сааби Иисусу хем Аллахын пророкларыны, бизи дӓ кооладылар. Аллахы гӱӂендирерлӓр хем хепси инсана каршы дурэрлар,

¹⁶зерӓ кӧстек койэрлар бизӓ, насаат еделим башка миллетлерӓ, куртулсуннар дейни. Бунуннан дайма долдурэрлар

¹⁷Кардашлар, биз айырылдык сиздӓн бир вакыда ӱзлӓн, ама диил ӱреклӓн. Онуштан окадар таа бӱӱк хавезлӓн чалыштык гӧрелим сизин ӱзӱнӱзӱ.

¹⁸Хакына, ани истедик сизӓ гелмӓӓ. Бӓн, Павли, бир-ики сыра истедим гелейим, ама шейтан бизӓ кӧстек койду.

¹⁹Зерӓ ким бизим умудумуз еки севинмемиз, ким о фенец, нейлӓн биз ӱӱнеӂез Саабимизин Иисус Христозун каршысында Онун гелмесиндӓ? Диил ми сиз?

²⁰Доору, ани сизсиниз — оннар, киминнӓн биз ӱӱнериз хем севинериз.