Read Tungag ПАВЛИНИН ИЛК КИЙАДЫ ТИМОФЕЙӒ 2 Bible Online

ПАВЛИНИН ИЛК КИЙАДЫ ТИМОФЕЙӒ 2 - Tungag bible

ПАВЛИНИН ИЛК КИЙАДЫ ТИМОФЕЙӒ 2

¹Онуштан хепсиндӓн ӧнӂӓ насаат верерим, дуалар, истемеклӓр, йалвармаклар хем шӱкӱрлӓр едилсин хепси инсан ичин,

²падишахлар ичин хем хепси ӱӱсек заабитлӓр ичин, ки гечирелим раат хем услу бир йашамак, бӱтӱн верилмӓклӓн Аллаха хем кендинизи доору гӧтӱрмӓклӓн.

³Зерӓ бу иидир хем йакышыклы бизим Куртарыӂы Аллаха,

⁴Ангысы истеер, ки хепси инсан куртулсун хем етишсин, ки аслылыы танысын.

⁵Зерӓ бир Аллах хем бир Араӂы Аллахын хем инсанын арасында, адам Иисус Христос.

⁶О верди Кендини курбан, ки куртарсын хепси инсаны. Уйгун заманда бунун ичин шаатлык едилди.

⁷Бунун ичин бӓн койулдум хаберӂи хем апостол. Доору сӧлеерим [2], йаландырмээрым. Койулдум, ки ӱӱредейим миллетлери инана хем аслылаа.

⁸Онуштан истеерим, ки херердӓ адамнар дуа етсиннӓр, калдырып пак еллерини, ӱфкесиз хем чекишсиз.

⁹Хеп ӧлӓ карылар да йакышыклы гиинсиннӓр утанмаклан хем саа фикирлӓн, диил сачларыны кабардарак ӧрсӱннӓр еки донансыннар алтыннан, седефлӓн йада паалы рубайлан,

¹⁰ама донатсыннар кендилерини иилик йапмаклан, ниӂӓ йакышэр карылара, ангылар деерлӓр, ани верилдилӓр Аллаха.

¹¹Кары услулуклан, ӧн верерӓк, ӱӱренсин.

¹²Изин вермеерим кары ӱӱретсин еки чорбаӂы олсун коӂасына. О услулукта ӱӱренсин;

¹³зерӓ илкин йарадылды Адам, сора Ева,

¹⁴хем Адам алдадылмады, ама кары алдадылды да гӱнаха дӱштӱ.

¹⁵Ама кары куртулаӂэк Ушаан дуумасыннан [3], еер саа фикирлӓн йашарса инанда, севгидӓ хем айозлукта.